ຈາກເຫດການ ໄຟໄໝ້ ປ່າຫຍ້າທີ່ດອນຫາດດອນຈັນ ເມືອງຈັນທະບູລີ ນະຄອນຫຼວງວຽງຈັນ ໃນຕອນກ່ອນບ່າຍ ວັນທີ 30 ມັງກອນ 2020. ເຊິ່ງໄຟໄດ້ລຸກໄໝ້ ແລະ ລາມຢ່າງໄວວາ, ເຈົ້າໜ້າທີ່ ດັບໄຟ ແລະ ອາສາກູ້ໄພ ຕ້ອງໃຊ້ເວລາຫຼາຍຊົ່ວໂມງໃນການ ເຂົ້າມອດໄຟ, ເຊິ່ງເປັນໄປດ້ວຍຄວາມຍາກລໍາບາກ. ພາຍຫຼັງໄຟໄໝ້ ໄດ້ດັບລົງ, ທາງເຈົ້າໜ້າທີ່ໄດ້ ກວດສອບຕາມສະຖານທີ່ດອນ ທີ່ຖືກໄຟໄໝ້, ໄດ້ພົບເຫັນມີສົບຄົນນອນເສຍຊີວິດ ກາງກອງໄຟ, ເຊິ່ງຈາກຂໍ້ມູນລັກສະນະຂອງສົບທີ່ເສຍຊີວິດ ເບື້ອງຕົ້ນຄາດວ່າແມ່ນຜູ້ຊາຍຊາວຕ່າງປະເທດ, ບໍ່ທັນຮູ້ຊັດເຈນວ່າ ແມ່ນຄົນປະເທດໃດ. ສ່ວນສາເຫດການເສຍຊີວິດ ທີ່ກອງໄຟນັ້ນ ບໍ່ທັນຮູ້ແນ່ຊັດວ່າ ຕາຍກ່ອນເຫດໄຟໄໝ້ ຫຼື ແນວໃດ. ເຊິ່ງທາງເຈົ້າໜ້າທີ່ຈະມີການສືບສວນ ລາຍລະອຽດ ຕາມຂັ້ນຕອນຕໍ່ໄປ.

ປັດຈຸບັນມີລາຍງານວ່າ ອີຣານໄດ້ເປີດໄຟຂຽວຕ້ອນຮັບຣັດເຊຍ ໃຫ້ເຂົ້າໄປຕັ້ງຖານທັບໃນປະເທດຂອງຕົນແລ້ວ. ຕາມການປຶກສາຫາລືກນລະຫວ່າງປະທານາທິບໍດີ ວະລາດີເມຍ ປູຕິນ ແລະ ຜູ້ນຳສູງສຸດຂອງອີຣານ. ຣັດເຊຍຂາຍລະບົບປ້ອງກັນທາງອາກາດ S-400 S-500 ໃຫ້ແກ່ອີຣານແລ້ວ. ພ້ອມກັນນີ້ ຜູ້ນຳທັງສອງປະເທດຍັງໄດ້ປຶກສາຫາລື ແລະເຊີນໃຫ້ຣັດເຊຍເຈົ້າໄປຕັ້ງຖານທັບອາກາດໃນປະເທດອີຣານ ເພື່ອເປັນກຳລັໃຈໃຫເແກ່ບັນດາຜູ້ນຳລະດັບສູງໃນຊາດຕາເວັນອອກກາງ ພາຍຫລັງທີ່ໄດ້ຮັບຄວາມວິຕົກກັງວົນ ແລະຂວັນເສຍຈາກເຫດການທີ່ສະຫະລັດລອບສັງຫານນາຍພົນຜູ້ບັນຊາການກອງທັບອີຣານ ເມື່ອາທິດຜ່ານມາ. ການເຊີນໃຫ້ຣັດເຊຍເຂົ້າໄປຕັ້ງຖານທັບໃນຄັ້ງນີ້ ສົ່ງຜົນໃຫ້ກອງທັບສະຫະລັດເກີດມີຄວາມວິຕົກບໍ່ໜ້ອຍ ເຊິ່ງຖ້າຫາກເຫດການຍັງເຄັ່ງຕຶງຕໍ່ໄປກົວຈະເກີດສົງຄາມຢ່າງແນ່ນອນ ຈຶ່ງມີການວິພາກວິຈານຈາກຝ່າຍສະຫະລັດ ພ້ອມຄັດຄ້ານການຂະຫຍາຍອິດທິພົນຂອງຣັດເຊຍໃນຕາເວັນອອກກາງ ແລະຍັງບໍ່ສາມາດຍອມຮັບສະຖານະການດັ່ງກ່າວນີ້ໄດ້.

ໃນວັນທີ່ 17 ກຸມພາ 2020 ທາງຫ້ອງການເມືອງກາສີແຂວງວຽງຈັນ ໄດ້ອອກແຈ້ງການເລກທີ່ 038/ຫວມ.ກສ ແຈ້ງເຕືອນໃຫ້ປະຊາຊົນທີ່ອາໃສ ຢູ່ຕາມລ້ອງນໍ້າລີກ ໃຫ້ລະວັງການບໍລິໂພກປາທີ່ຕາຍ ເພາະນໍ້າເປັນພິດ. ດັ່ງນັ້ນຈິ່ງແຈ້ງການໃຫ້ທຸກຄົນ ບໍ່ໃຫ້ເອົາປາມາບໍລິໂພກ ເພາະອາດຈະເປັນອັນຕະລາຍແກ່ສຸຂະພາບ. ກະລຸນາ ອ່ານລາຍລະອຽດ ແລະ ສົ່ງຕໍ່ ແຈ້ງການນີ້ໃຫ້ ທຸກຄົນໄດ້ຮັບຮູ້