ໜ້າຫຼັກ ຂ່າວພາຍໃນ ອ່ານແລ້ວຊຶ້ງ!​ ທ່ານໝໍເລົ່າປະສົບການ​ ແລະ​ ຄວາມປະທັບໃຈຕໍ່ທີມແພດຊ່ຽວຊານຈີນທີ່ມາຊ່ວຍລາວຕ້ານໂຄວິດ-19

ອ່ານແລ້ວຊຶ້ງ!​ ທ່ານໝໍເລົ່າປະສົບການ​ ແລະ​ ຄວາມປະທັບໃຈຕໍ່ທີມແພດຊ່ຽວຊານຈີນທີ່ມາຊ່ວຍລາວຕ້ານໂຄວິດ-19

0 ຄົນ ກຳລັງອ່ານຢູ່
0
0
131
Loading...

ຊ່ຽວຊານຈີນໄດ້ກັບໄປ ສປ​ຈີນໃນມື້ວານນີ້ແລ້ວ,​ ຖືວ່າສຳເລັດພາລະກິດ,​ ຂໍອະນຸຍາດມາເລົ່າຄວາມປະທັບໃຈກ່ຽວກັບການເຮັດວຽກໃນຄັ້ງນີ້,​ ໂດຍສ່ວນຕົວເຊື່ອໝັ້ນໃນຄວາມຈິງໃຈໃນການຊ່ວຍເຫຼືອ​ຂອງຊ່ຽວຊານຈີນກໍ່ຄືປະຊາຊົນແລະລັດຖະບານ ສປ​ ຈີນ,​ເນື່ອງຈາກຕົນເອງຮຽນຢູ່ ສປ​ ຈີນກໍ່ເປັນເວລາສິບກວ່າປີ,​ ສິ່ງທີ່ໄດ້ຮັບຈາກເພິ່ນກໍລ້ວນແລ້ວແຕ່ເປັນສິ່ງທີ່ດີທີ່ສຸດເຊັ່ນວ່າ: ໄດ້ເຂົ້າຮຽນໃນຂະແໜງທີ່ຢາກຮຽນ​ກໍ່ຄືການຢາ(ຖ້າບໍ່ແມ່ນນັກສຶກສາຕ່າງປະເທດໂອກາດຈະໄດ້ຮຽນຂະແໜງນີ້ໃນ ສປຈີນກໍຄົງຈະຍາກ)​, ໄດ້ຮຽນໃນມະຫາວິທະຍາໄລທີ່ມີຊື່ສຽງທີ່ສຸດຂອງ ສປ​ ຈີນໃນຂະແໜງວິຊາທີ່ຢາກຮຽນ (ຖ້າບໍ່ແມ່ນນັກສຶກສາຕ່າງປະເທດເຮັດແນວໃດຊິໄປເສັງເຂົ້າໄດ້).​

ຕອນທີ່ຢູ່ທີ່ນັ້ນ ນັກສຶກສາຈີນເອງຍັງຕ້ອງນອນຫໍພັກ 8​ ຄົນຕໍ່ຫ້ອງ, ອາບນໍ້າໄດ້ອາບຫ້ອງນໍ້າລວມຕໍ່ແຖວກັນອາບ,​ ແຕ່ເຮົານັກສຶກສາຕ່າງປະເທດໄດ້ນອນຄົນດຽວມີແອມີຫ້ອງນຳ້ໃນຫ້ອງ,​ ໄດ້ຮັບການຊ່ວຍເຫຼືອ ເພື່ອໃຫ້ຮຽນທັນຄົນຈີນ ມີອາຈານມາສອນເພີ້ມໃຫ້ໂດຍບໍ່ເສຍຄ່າ,​ໄດ້ຮັບບູລິມະສິດພິເສດໃຫ້ນັ່ງໂຕະແຖວໜ້າ (ທັງທີນັກສຶກສາຈີນຍາດກັນນັ່ງແຖວໜ້າ).​

ມາມື້ນີ້ໄດ້ຮັບຮູ້ຈາກຊ່ຽວຊານວ່າ: ຊ່ຽວຊານທີ່ມາພວກເພິ່ນໄດ້ສັກວັກຊີນຊີໂນວັກ,​ ແຕ່ທີ່ເຮົາໄດ້ຮັບການຊ່ວຍເຫຼືອຈາກເພິ່ນແມ່ນຊີໂນຟາມທີ່ມີຂໍ້ມູນດ້ານປະສິດທິຜົນສູງກວ່າ​ ແລະອົງການອະນາໄມໂລກໄດ້ຮັບຮອງແລ້ວ,​ໃນຂະນະທີ່ຊີໂນວັກຍັງຢູ່ໃນລະຫວ່າງການພິຈາລະນາ,​ແຕ່ເພິ່ນກໍບໍ່ໄດ້ມີຄວາມຄິດທີ່ຄັບແຄບເລີຍ,​ ຂອງຕົນເອງຜະລິດຕົນເອງເຊື່ອໝັ້ນ ຈະສັກອັນໃດກໍຄືກັນ,​ ຊ່ວຍຜູ້ອື່ນແມ່ນໃຫ້ໃນສິ່ງທີ່ຜູ້ອື່ນເຊື່ອໝັ້ນແລະຄິດວ່າດີທີ່ສຸດ.​

ຂໍສະແດງຄວາມຂອບໃຈ​ ແລະຮູ້ບຸນຄຸນ,​ ສິ່ງທີ່ຕົນເອງໄດ້ຮັບກໍ່ແມ່ນຍ້ອນພັກລັດມີການຮ່ວມມື​ ແລະມີສາຍສຳພັນທີ່ດີກັບ ສປ​ ຈີນ,​ ສິ່ງທີ່ຕົນເອງໄດ້ປະກອບສ່ວນກໍ່ເປັນພຽງແຕ່ສິ່ງເລັກໆນ້ອຍໆໃນຖານະພົນລະເມືອງລາວຜູ້ໜຶ່ງ.

ຕົ້ນສະບັບ​ ຄລິກ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

5 ເດືອນຕົ້ນປີນີ້​ ປະເທດລາວມີລາຍຮັບທາງການເງິນ 920 ລ້ານໂດລາສະຫະລັດ

ອີງຕາມຂ່າວໜັງສືພິມເສດຖະກິດສັງຄົມຂອງລາວລາຍງານເມື່ອບໍ່ດົນມານີ້ໃຫ້ວ່າ: ໃນ 5 ເດືອນຕົ້ນປີນີ້, ລ…