ໜ້າຫຼັກ ນານາສາລະ ປະຫວັດສາດ ພຣະເຈົ້າອົງຕື້ ວັດອົງຕື້ມະຫາວິຫາຣ ນະຄອນຫຼວງວຽງຈັນ

ພຣະເຈົ້າອົງຕື້ ວັດອົງຕື້ມະຫາວິຫາຣ ນະຄອນຫຼວງວຽງຈັນ

1 ຄົນ ກຳລັງອ່ານຢູ່
0
0
44
Loading...

ພຣະປະທານໃນພະອຸໂບສົດ ຄຳວ່າຕື້ ອາດມາຈາກ ມາດຕາວັດແທກນ້ຳໜັກ

12 ກິໂລ ເອີ້ນ 1 ໝື່ນ
120 ກິໂລ ເອີ້ນ 1 ແສນ
1200 ກິໂລ ເອີ້ນ 1 ລ້ານ
12000 ກິໂລ ເອີ້ນ 1 ຕື້

ພຣະເຈົ້າໄຊຍະເຊດຖາທິລາດ ພຣະມະຫາກະສັດລາວ ພຣະອົງມີສັດທາຢ່າງແຮງກ້າປາຖະໜາຢາກເປັນພຣະພຸດທະເຈົ້າຈຶ່ງໄດ້ຕັ້ງຄວາມພຽນ ແລະ ການເສຍສະຫຼະຢ່າງສູງ ທີ່ຈະສ້າງພຣະພຸດທະຮູບທອງຫຼໍ່ ໃຫ້ໃຫຍ່ທີ່ສຸດ ໄດ້ມີການກຽມພ້ອມທຸກຢ່າງເປັນທີ່ຮຽບຮ້ອຍທຸກປະການ , ເມື່ອເຖິງເວລາອັນເປັນມະຫາເລີກມະຫາໄຊ ຕາມພິທີຂອງໂຫລາຈານ ພຣະເຈົ້າໄຊຍະເສດຖາທິລາດກໍຊົງໄດ້ມອບ ພຣະຣາດຊະກໍລະນີຍະກິດທຸກຢ່າງ ໄວ້ກັບພຣະມະເຫສີ​ ແລະພຣະອົງຊົງ ນຸ່ງຂາວ ຮົ່ມຂາວ ໄປສະມາທານສິນ 8 ຢູ່ໃນວັງພິທີ ທີ່ວັດອິນແປງ.​

ແຕ່ກ່ອນເຖິງເວລາມະຫາເລີກມະຫາໄຊນັ້ນ ກອງທັບຂອງພຣະມະຫາກະສັດ ປະເທດພະມ້າ ໃດ້ຍົກມາຮອດປະຕູເມືອງວຽງຈັນແລ້ວ ແລະ ໄດ້ເຮັດສານ(ໜັງສື) ແຈ້ງຄຳຂາດໃຫ້ແມ່ທັບທັ້ງ 4 ຖືເຂົ້າມາຍື່ນໃຫ້ພຣະເຈົ້າໄຊຍະເຊດຖາ ຢູ່ໃນວັງພິທີຫຼໍ່ ນັ້ນ ມີເນື້ອໃນໃຈຄວາມຢູ່​ 2​ ຂໍ້ວ່າ:

1.ໃຫ້ພຣະເຈົ້າໄຊຍະເຊດຖາຍອມເປັນເມືອງຂຶ້ນຂອງພະມ້າ

2.ຖ້າບໍ່ຍອມໃຫ້ພຣະເຈົ້າໄຊຍະເຊດຖາ ອອກມາສູ້ຮົບກັນ ແລະ ໃຫ້ຕອບຄຳຖາມກັບຜູ້ຖືໜັງສືມານັ້ນເລີຍ ບໍ່ໃຫ້ຊັກຊ້າເສຍເວລາ.​

ຫຼັງຈາກແມ່ທັບທັ້ງຍື່ນໜັງສືໃຫ້ພຣະເຈົ້າໄຊຍະເຊດຖາທິລາດ ກໍໄດ້ຢ່າງໄປເບິ່ງຊ່າງທີ່ສູບເຕົາຫລອມທອງທີ່ກຳລັງຮ້ອນແດງຢູ່ນັ້ນ ແມ່ທັບພຣະມ້າທີ່ມີລິດເດດ ມີພຣະຄາຖາອາຄົມກໍໃດ້ສະແດງອິດທິລິດ ໂດຍການເອົາມືໄປຈັບເບົ້າຫຼອມພຣະ ທີ່ກຳລັງແດງໆຢູ່ນັ້ນ ໂດຍບໍ່ມີອາການຮ້ອນເລີຍ , ເມື່ອພຣະເຈົ້າໄຊຍະເສດຖາທິລາດ ທອດພຣະເນດເຫັນດັ່ງນັ້ນຈື່ງຕົກພຣະໄທ ແລະ ເດີນທາງເຂົ້າໄປໃນພຣະຣາຊະວັງຢ່າງຟ້າວຟັ່ງ.​

ພຣະມະເຫສີ ເຫັນຄວາມຜິດປົກກະຕິຂອງພຣະອົງກໍຊົງຖາມວ່າ “ ຍັງບໍ່ຮອດເວລາເຮັດພິທີ ເທທອງຫລໍ່ພຣະເປັນຫຍັງພຣະອົງຈຶ່ງສະເດັດກັບມາ ” ພຣະອົງຈຶ່ງເລົ່າເຫດການທີ່ ແມ່ທັບພຣະມ້າມີຄວາມປະສົງ ແລະ ສະແດງອະພິນິຫານໃຫ້ພຣະອົງຊົງທອດພຣະເນດ.

ພຣະມະເຫສີ ຈຶ່ງເວົ້າໃຫ້ສະຕິພຣະອົງວ່າ :” ພຣະອົງບໍ່ຕ້ອງຕົກພຣະໄທ ທີ່ພຣະອົງ ມີພຣະປະສົງຢາກສ້າງພຣະໃຫຍ່ເທື່ອນີ້, ເພື່ອປາຖະໜາຊິໄດ້ເປັນພຣະພຸດທະເຈົ້າໃນມື້ໜ້າສືບໄປ ຖ້າຄຳປາຖະໜາຂອງພຣະອົງນີ້ບໍ່ສຳເລັດຜົນ ແລະ ຊິພ່າຍແພ້ເສິກພະມ້າເທື່ອນີ້ ກໍຂໍໃຫ້ມືຂອງພຣະອົງ ກຸດ (ຂາດ) ໄປກັບເບົ້າຫຼໍ່ພຣະນັ້ນໂລດ , ແຕ່ຖ້າຄວາມປາຖະໜາຂອງພຣະອົງຈະສຳເລັດ ແລະ ໄດ້ຮັບໄຊຊະນະຈາກພະມ້ານັ້ນ ຂໍໃຫ້ເບົ້າທອງທີ່ຊິຫຼໍ່ພຣະ ມີອາການເຢັນ ແລະ ບໍ່ໜັກ ໃຫ້ມີອາການເປັນຄື ເວລາຈັບໝວກໃສ່ຫົວ.

“ ເມື່ອພຣະອົງໄດ້ສະຕິຈາກ ພຣະມະເຫສີ ພຣະອົງເຂົ້າໄປໃນຫ້ອງໄຫວ້ພຣະ ກ່າວ ສັກກາລະເທວະດາ ຕັ້ງສັດຍາ ອາທິຖານ ຢ່າງຫນັກແໜ້ນ ແລ້ວກັບສູ່ວັງພິທີຫຼໍ່ (ວັດອິນແປງ) ເມື່ອພຣະອົງຊົງສະເດັດກັບມາສູ່ວັງພິທີຫຼໍ່ພຣະນັ້ນ ຈຶ່ງໄດ້ໃຫ້ຄຳຕອບແກ່ແມ່ທັບພະມ້າ ທັ້ງ 4 ຄົນວ່າ “ຄຳຂາດຂອງແມ່ທັບພະມ້າ ທັ້ງ 2 ຂໍ້ນັ້ນເຮົາຍິນດີຮັບໝົດທຸກຢ່າງ , ແຕ່ວາເວລານີ້ເຮົາກຳລັງເຮັດບຸນ ປາຖະໜາເປັນພຣະພຸດທະເຈົ້າ, ຂໍເຊີນພວກທ່ານມາທຳບຸນຮ່ວມກັນກ່ອນ, ແລ້ວຈຶ່ງປະຕິບັດຕາມຄຳຂາດນັ້ນພາຍຫລັງ.

ພໍດີໄດ້ພິທີອັນເປັນມະຫາເລີກມະຫາໄຊ ວ່າແລ້ວພຣະອົງກໍໄດ້ສະເດັດໄປຫໍທີ່ເທທອງໃສ່ເບົ້າຫຼອມ ແລະ ພຣະອົງຈັບພຣະຂັນ(ດາບທີ່ມີ 2 ຄົມ) ດ້ວຍມືເບື້ອງຊ້າຍ ເບື້ອງຂວາ ຮັບເອົາເບົ້າຕົ້ມທອງ ທີ່ກຳລັງແດງ ແລະ ຮ້ອນທີ່ຊ່າງຍື່ນໃຫ້ພຣະອົງ, ພຣະອົງບໍ່ໄດ້ມີຄວາມຮູ້ສຶກຮ້ອນເລີຍ, ເມື່ອຈົບພິທີນັ້ນແລ້ວ ແມ່ທັບພະມ້າທັ້ງ 4 ທີ່ໄດ້ເຂົ້າຮ່ວມພິທີເທທອງຫລໍ່ພຣະຢູ່ນັ້ນ ກໍ່ໄດ້ເດີນທາງກັບພ້ອມຖືໜັງສື ຄຳຕອບຂອງພຣະເຈົ້າໄຊຍະເສດຖາທິລາດໄປພ້ອມ.

ເວລາທີ່ແມ່ທັບພະມ້າທັງ 4 ເຂົ້າເຝົ້າພຣະມະຫາກະສັດຂອງຕົນນັ້ນກໍໄດ້ເລົ່າເຫດການທຸກຢ່າງໃຫ້ຟັງຕາມຄວາມເປັນຈິງ, ແລ້ວກໍພາກັນພັກຜ່ອນ, ຫຼັບນອນຕາມເວລາອັນສົມຄວນ ແລະ ໃນຄືນມື້ນັ້ນ ພຣະອົງໄດ້ລັກໄປຫາພຣະມະຫາກະສັດຂອງພະມ້າ , ແຕ່ວ່າກ່ອນການເດີນທາງໃນຄຳຄືນມື້ນັ້ນພຣະອົງໄດ້ກ່າວສັກກາລະບູຊາເທວະດາ ແລະ ຕັ້ງສັດຈະອະທິຖານວ່າ:

1.ຖ້າວ່າຂ້າພະເຈົ້າຊິໄດ້ເປັນພຣະພຸດທະເຈົ້າ

2. ຖ້າຂ້າພຣະເຈົ້າຊິໄດ້ຮັບໄຊຊະນະໃນການສູ້ຮົບ ກັບກອງທັບພະມ້າໃນເທື່ອນີ້ແລ້ວ, ຂໍໃຫ້ເທບພະເຈົ້າ ພວງໄພເທພາອາລັກ ຈົ່ງຊ່ວຍເປັນສັກຂີພະຍານບັນດານ ໃຫ້ກອງທັບພະມ້າ ພ້ອມທັ້ງຊ້າງມ້າ ຈົ່ງພາກັນຫຼັບໄຫຼ ໃນເວລາທີ່ຂ້າພຣະເຈົ້າໄປຢາມ(ໄປຫາ) ກະຢ່າໃຫ້ຮູ້ເມື່ອຄີງ.​

ເມື່ອພຣະອົງຕັ້ງພະໄທຢ່າງໜັກແໜ້ນດັ່ງນັ້ນແລ້ວ ກະໄດ້ອອກເດີນທາງ ແລະ ມີທະຫານທີສະໜິດຕິດຕາມໄປພຽງແຕ່ຄົນດຽວ, ເມື່ອເວລາໄປຮອດຄ້າຍຂອງກອງທັບພະມ້າ ປາກົດວ່າ ຄົນ ແລະ ສັດ ພາກັນນອນຫຼັບໝົດ ບໍ່ມີໃຜຮູ້ເມື່ອຄີງເລີຍ ເມື່ອພຣະເຈົ້າໄຊຍະເຊດຖາທິລາດ ເຫັນດັ່ງນັ້ນແລ້ວຈຶ່ງມີຄວາມໝັ້ນໃຈໃນຄຳອາທິຖານຂອງຕົນ ທຳອິດພຣະອົງ ດຶງດາບອອກມາຊິຕັດຄໍ ພຣະມະຫາກະສັດ ແລະ ແມ່ທັບຂອງພະມ້າທີ່ກຳລັງນອນຫຼັບໄຫຼຢູ່ນັ້ນ ແລ້ວພຣະອົງກະຄິດໄດ້ວ່າ ໂຕເອງບຳເພັນພຽນ ປາຖະໜາພຸດທະພູມ ແລ້ວຕົນເອງຊິມາເຮັດບາບຂ້າຄົນຄືແນວນີ້ບໍ່ໄດ້ເດັດຂາດ, ແລ້ວພຣະອົງກະໄດ້ປືກສາ ກັບທະຫານຄົນສະໜິດ ທີ່ຕິດຕາມໄປໃນເວລານັ້ນ ວ່າ: ຊິເຮັດແນວໃດໃຫ້ເຂົາຮູ້ວ່າເຮົາມາຫາ? ທະຫານຄົນນັ້ນແນມເຫັນກ່ອງປູນ “ ສະໄໝກ່ອນນິຍົມຄ້ຽວໝາກ “ ທີ່ວາງຢູ່ທາງຂ້າງ , ກໍ່ໃດ້ແນະນຳໃຫ້ພຣະອົງ ໃຊ້ປູນຜະສົມນ້ຳແລ້ວເອົາໄປທາໃສ່ຄໍຂອງພຣະມະຫາກະສັດພະມ້າ ແລະແມ່ທັບທັ້ງ 4 ເປັນຮູບກາກະບາກ ໂຕ X ຫຼັງຈາກນັ້ນກໍໄດ້ເດີນທາງກັບ ພຣະຣາຊະວັງ ເມື່ອພຣະມະຫາກະສັດຂອງພະມ້າ ຕື່ນຂຶ້ນມາພ້ອມທັ້ງແມ່ທັບທັ້ງ 4 ຕ່າງຝ່າຍກະເຫັນປູນທາຢູ່ຄໍຂອງຕົນເອງ ແລະ ທຸກຄົນກະໄດ້ປະຕິເສດວ່າ ບໍ່ໄດ້ເຮັດ, ຈຶ່ງພາກັນສັນນິຖານວ່າ ຕ້ອງເປັນພຣະເຈົ້າໄຊຍະເສດຖາແນ່ນອນ , ຈຶ່ງໄດ້ມີການປືກສາຫາລື ເລື່ອງການເຮັດເສິກກັບພຣະເຈົ້າໄຊຍະເຊດຖາ ຖ້າວ່າຕ້ອງເຮັດເສິກຕ້ອງປະລາໄຊ ແນ່ນອນຈຶ່ງປ່ຽນແນວຄິດຈາກສັດຕູມາຂໍເປັນມິດ ໃນເວລາທີ່ແມ່ທັບຂອງພະມ້າ ແລະ ແມ່ທັບທັ້ງ 4 ໄດ້ປືກສາຫາລືກັນຢູ່ນັ້ນ ທະຫານຮັບໃຊ້ຂອງພຣະເຈົ້າໄຊຍະເສດຖາ ກໍໄດ້ເຂົ້າມາບອກວ່າ ມື້ຄືນນີ້ພຣະອົງມາຫາພວກທ່ານມາຫາພວກທ່ານ ແຕ່ເຫັນວ່າພວກທ່ານກຳລັງຫລັບ ຄັນຊິປຸກ ກະຊິເປັນການລົບກວນ ເລີຍເດີນທາງກັບໄປ ບັດນີ້ຕື່ນຂຶ້ນມາແລ້ວຂໍຖືເປັນກຽດຮຽນເຊີນ ພຣະອົງທ່ານໄປສູ່ພຣະຣາຊະວັງຂອງລາວເຮົາ ເພື່ອປືກສາວຽກບ້ານການເມືອງ ເມື່ອພຣະມະຫາກະສັດພະມ້າ ໄດ້ຍິນດັ່ງນັ້ນກະຮູ້ສຶກດີໃຈ ຈຶ່ງໄດ້ກຽມເຄື່ອງບັນນາການ (ຂອງຂວັນ) ຈຳນວນໜຶ່ງ, ພ້ອມແມ່ທັບທັ້ງ 4 ເດີນທາງເຂົ້າໄປພົບ ພຣະເຈົ້າໄຊຍະເສດຖາທິລາດ ເວລາລາມາເຖິງກໍໄດ້ຮັບການຕ້ອນຮັບຢ່າງສົມພຣະກຽດ ຕາມຣາຊະປະເພນີ ທັ້ງ 2 ພຣະອົງກໍໄດ້ໃຫ້ຄຳຫມັ້ນ ສັນຍາ ວ່າສິມີຄວາມຊື່ສັດຕໍ່ກັນ , ຖ້າຝ່າຍໃດຝ່າຍໜຶ່ງ ຫາກຂາດເຂີນສິ່ງໃດໃຫ້ຮ້ອງຂໍຕໍ່ກັນ ແລະ ຊ່ວຍກັນຈົນເຕັມຄວາມສາມາດການໂອ້ລົມເຈລະຈາກັນເທື່ອນັ້ນສຳເລັດລົງດ້ວຍການກິນນ້ຳສາບານ (ນ້ຳສັດຍຕະຍາບັນ).

ຫຼັງຈາກນັ້ນພຣະມະຫາກະສັດຂອງພະມ້າຈຶ່ງໄດ້ຂໍຮຽນວິຊາ ” ທາປູນໃສ່ຄໍ “ ນຳພຣະອົງ, ພຣະອົງຈື່ງໃດ້ເວົ້າໃຫ້ຟັງວ່າ “ທາປູນໃສ່ຄໍ” ບໍ່ແມ່ນວິຊາອາຄົນອີ່ຫຍັງ ຕັ້ງແຕ່ໄດ້ຮັບຄຳທ້າ ຈາກແມ່ທັບທັ້ງ 4 ແລ້ວ, ຕົນໄດ້ຮັບຄຳເຕືອນສະຕິຈາກພະມະເຫສີ ພຽງແຕ່ເອົາປູນໄປທາໄວ້ຄໍຂອງພຣະອົງ ແລະ ແມ່ທັບທັ້ງ 4 ທໍ່ນັ້ນ.​

ດ້ວຍສຳນຶກບຸນຄຸນຂອງພຣະມະເຫສີ ພຣະມະຫາກະສັດ ຂອງພະມ້າ ຈຶ່ງຂໍອະນຸຍາດຄວັດ(ແກະສະຫຼັກ ຮູບພຣະອັກຄະມະເຫສີ ທໍ່ກັບອົງແທ້ຂອງພຣະອົງດ້ວຍຫີນ, ໄວ້ເປັນອະນຸສອນ ແລະ ພຣະເຈົ້າໄຊຍະເຊດຖາທິລາດກໍໄດ້ຂໍ ແກະສະຫຼັກ ພຣະອັກຄະມະເຫສີ ຂອງພະມ້າຂຶ້ນອີກອົງໜຶ່ງ ໄວ້ເປັນຄູ່ກັນ, ເພາະເປັນສັນຍາສຳຄັນຂອງສຳພັນໄມຕີ ເປັນຄັ້ງປະຫວັດສາດ, ພວກຊ່າງກໍໄດ້ແກະສະຫຼັກຮູບ ພຣະອັກຄະມະເຫສີທັ້ງ 2 ດ້ວຍແຜ່ນຫີນ ແລະ ປະດິດສະຖານໄວ້ຢູ່ວັດອິນແປງຈົນຮອດທຸກມື້ນີ້.

ຕາມປະຫວັດສາດໄດ້ບັນທຶກການຮຸກຮານຂອງພວກສັກດີນາດັ່ງນີ້: ເທື່ອທຳອິດ ປີ ພ.ສ 2127 ໃນ ຣາຊະການຂອງ ພຣະສຸຣິນທະລືໄຊ(ຈັນ) ສັກດີນາພະມ້າ ໄດ້ເຂົ້າມາຕີວຽງຈັນໄດ້ສຳເລັດ ພ້ອມທັ້ງຈູດເຜົາ,​ ທຳລາຍວັດວາອາຮາມ,​ ວັດຖຸມີຄ່າ ມູນເຊື້ອວັດທະນະທຳ ເຊິ່ງລວມໄປຮອດວັດອົງຕື້ແຫ່ງນີ້.​

ເທື່ອທີ 2 ປີ ພ.ສ 2322 ຫ່າງຈາກເທື່ອທຳອິດ 195 ປີ ໃນຣາຊະການຂອງພຣະເຈົ້າ ສິຣິບຸນຍະສານ ສັກດີນາສະຍາມໄດ້ເຂົ້າມາ ຮຸກຮານເທື່ອທີ 1, ບຸ້ນຊິງ, ຍືດເອົາວັດຖຸບູຮານສິ່ງຂອງມີຄ່າ ເງິນຄຳກຳແກ້ວຂອງປະຊາຊົນລາວ ແລະ ກວດຕ້ອນເອົາປະຊາຊົນ ລາວໄປເປັນຈຳນວນຫຼວງຫຼາຍ.​

ເທື່ອທີ 3 ປີ ພ.ສ 2370 ລັດສະການເຈົ້າອານຸວົງ ສັກດີນາສະຍາມ ໄດ້ເຂົ້າມາຮຸກຮານ ລາວຮອບ 2 ປຸ້ນຊີງເອົາວັດຖຸມີຄ່າ ເງິນຄຳກຳແກ້ວ ຊັບສົມບັດທຸກຢ່າງ, ພ້ອມທັງຈູດເຜົາ ມ້າງເຮືອນ ວັດວາອາຣາມ, ຫວັງກືນກິນຊາດ ແລະ ວັດທະນະທຳລາວ ໃຫ້ຫມົດກ້ຽງ ທຸບສິມວັດ ມ້າງໂຮງເຮືອນ ປ/ຊ ເຜົາທຳລາຍ ທຸກຢ່າງ ຈົນວ່າບ້ານເຮືອນແດງເປັນໄຟໃນເວລາຄ່ຳມືດ ຮ້າຍແຮງທີ່ສຸດແມ່ນວັດອົງຕື້ຖືກຮື້ຖອນ ແລະ ມ້າງເຮືອນປະຊາຊົນມາກວມສິມວັດ ຫວັງຫຼອມ ພຣະອົງໃຫ້ເສື່ອມສະຫຼາຍໄປກັບກອງໄຟ ແຕ່ເກີດປະຕິຫານ ກອງໄຟອັນໃຫຍ່ຫຼວງທີ່ລຸກໄໝ້ ຄວາມຮ້ອນທີ່ສຸມຈາກກອງຟືນທີ່ມ້າງມາຈາກເຮືອນປະຊາຊົນ 3 ຫຼັງຄາເຮືອນ ກອງໄຟສູງ 30 ແມັດ, ບໍ່ສາມາດຫຼອມພຣະອົງຕື້ໃຫ້ລະລາຍ ຫຼື ບໍ່ເຮັດໃຫ້ພຣະອົງຕື້ເສຍຫາຍເລີຍ ແມ່ນແຕ່ໜ້ອຍດຽວ ປ່ຽນໄດ້ແຕ່ສີ ບາຣະມີຍັງຢູ່.​

ເທື່ອທີ 4 ປີ ພ.ສ 2416 ໂຈນຫໍ້ ໄດ້ເຂົ້າມາປຸ້ນສະດົມ ຂຸດຄົ້ນເອົາວັດຖຸມີຄ່າ

ຄຳໄຫວ້ ພຣະເຈົ້າໃຫຍ່ອົງຕື້ ວ່ານະໂມ ສາມເທື່ອ

ສາທຸ ສາທຸ ພຸດທະພິມພິເກ ເສວັດໂຕ ວັດຕິ ວັດຕະໂສພິໂຕ ຄຸນນະສັມປັນໂນ ໂຄຕະມັງ ພຸດທະເຊດຖັງ ເທວະມະນຸດສາໂລກັງ ປູຊິງຕັງ ໄຊຍະເຊດຖັງ ຖາປິດຕັງ ເຂລັງ ສີລະສານະມາມິ ອະທັງວັນທາມິ ທູຮະໂຕ ອະຫັງວັນທາມິ ທາຕຸໂຍ ອະຫັງວັນທາມິ ສັບພະໂສ ອະຫັງວັນທາມິ ສັບພະທາ ສາທຸ ສາທຸ ສາທຸ ອະນຸໂມທາມິ . (ວ່າສາມເທື່ອ )

ວັດຕິ ວັດຕະໂສພິໂຕ ຄຸນນະສັມປັນໂນ ໂຄຕະມັງ ພຸດທະເຊດຖັງ ເທວະມະນຸດສາໂລກັງ ປູຊິງຕັງ ໄຊຍະເຊດຖັງ ຖາປິດຕັງ ເຂລັງ ສີລະສານະມາມິ ອະທັງວັນທາມິ ທູຮະໂຕ ອະຫັງວັນທາມິ ທາຕຸໂຍ ອະຫັງວັນທາມິ ສັບພະໂສ ອະຫັງວັນທາມິ ສັບພະທາ ສາທຸ ສາທຸ ສາທຸ ອະນຸໂມທາມິ . (ວ່າສາມເທື່ອ )

ຈາກບົດຂຽນຂອງ ພຣະອາຈານຜ່ອງ ສະມາເລິກ ອາດີດເຈົ້າອາທິການວັດອົງຕື້

ໝາຍເຫດ (ມີການເພີ່ມເຕີມບາງຂໍ້ມູນເພື່ອໃຫ້ເຂົ້າໃຈງ່າຍຂຶ້ນ)

ທີ່ມາ: Temple ລາວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ພະທາດທ່າພະນົມ​ ຫຼື​ ພະທາດພະນົມນ້ອຍ​ອາຍຸ​ 1326 ປີ

ພະທາດພະນົມນ້ອຍ ຫຼືວ່າ ພະທາດທ່າພະນົມ ປະຖົມລັດຕະນະເຈດີອົງນີ້​ ຕັ້ງຢູ່ບ້ານດົງໃນ ເຂດດົງທ່າ ເມື…