ໜ້າຫຼັກ ຂ່າວເດັ່ນ ສະມາຊິກວີເພຈົ່ມທຸກ​ ພາຍຫຼັງເຈົ້າຂອງບໍລິສັດແຈ້ງຫ້າມໂຄສະນາ​

ສະມາຊິກວີເພຈົ່ມທຸກ​ ພາຍຫຼັງເຈົ້າຂອງບໍລິສັດແຈ້ງຫ້າມໂຄສະນາ​

0 ຄົນ ກຳລັງອ່ານຢູ່
0
1
295
Loading...

ບໍລິສັດວີເພເປັນບໍລິສັດໜຶ່ງທີ່ເຮັດທຸລະກິດກ່ຽວກັບການເຕີມເງິນອອນລາຍ ທີ່ເກີດຂຶ້ນໃນລາວໄດ້ 2​ ປີກວ່າໆ ສາມາດສ້າງສະມາຊິກໄດ້ຫຼາຍພັນຄົນ ນັບວ່າເປັນການຈະເລີນເຕີບໂຕໃນທາງທີ່ດີພໍສົມຄວນ​.

ສາເຫດທີ່ເຮັດໃຫ້ມີສະມາສະມາຊິກຕໍ່ເນື່ອງປານດອກເຫັດກໍຍ້ອນວ່າ​ ບໍລິສັດມີນະໂຍບາຍໃຫ້ຜູ້ເຂົ້າເປັນສະມາຊິກລົງທະບຽນ ເທື່ອດຽວ​ ​260.000​ ກີບ​ໄດ້ໂບນັດ​ຄືນ​ 50.000​ກີບ​ ແຕ່ສາມາດ​ໃຊ້ຫາກິນໄດ້ຕະຫຼອດ ໂດຍຈະໄດ້ຮັບເປີເຊັນຈາກການຕື່ມມູນຄ່າໂທ ແລະ​ ໄດ້ຈາກການຫາສະມາຊິກໃໝ່​ແບບງູກິນຫາງ ຫຼື​ ຕ່ອງໂສ້ໄປເລື້ອຍໆ.
ໄລຍະຜ່ານມາການໂຄສະນາຂອງສະມາຊິກເວີ້ວັງອະລັງການ ແບບເຮັດແລ້ວລວຍ,​ ລາຍໄດ້ຮ້ອຍລ້ານກີບພາຍໃນ 3​ ເດືອນ, ສາມາດພິກຊີວິດ ຈາກໜ້າມືເປັນຫຼັງມື,​ ຊື້ເຮືອນ ຊື້ລົດ​ ແລະ​ລ້ຽງຊີບໄດ້ຕະຫຼອດການ​ ທັງນີ້ກໍເພື່ອດຶງດູດເອົາສະມາຊິກ ເຊິ່ງມັນກໍໄດ້ຜົນ ແລະ​ສອນວິທີການນີ້ໃຫ້ກັນໄປເລື້ອຍໆ ຜູ້ເປັນແມ່ທີມກໍມີລາຍໄດ້ ສ່ວນຜູ້ຢູ່ປາຍກໍຈົນໃຈ.

ຫຼ້າສຸດເຈົ້າຂອງບໍລິສັດອອກມາແຈ້ງການຫ້າມສະມາຊິກໂພສໂຄສະນາລົງໃນເຟສ,​ ຫ້າມໂຊລາຍໄດ້ ແລະ​ ຫ້າມອື່ນໆອີກ ອັນເປັນແຮງດຶງດູດສຳຄັນສະມາຊິກ ແຕ່ເມື່ອຖືກຫ້າມສະມາຊິກກໍຕ້ອງຢຸດ.


ເມື່ອຢຸດກໍບໍ່ມີຜູ້ມາຮ່ວມ​ ເມື່ອບໍ່ມີຜູ້ມາຮ່ວມກໍບໍ່ໄດ້ເປີເຊັນ,​ ເມື່ອບໍ່ໄດ້ເປີເຊັນກໍບໍ່ຮູ້ວ່າຈະເຮັດໄປເພື່ອຫຍັງ ເມື່ອເປັນແນວນີ້ ເຮັດໃຫ້ສະມາຊິກຈຳນວນຫຼາຍຈົ່ມທຸກ ແລະ​ ຕັຄຳຖາມໃນຕົນເອງວ່າ​ ຕົນເອງກຳລັງຖືກຫຼອກຢູ່​ ຫຼື​ ແນວໃດ?,​ ຫຼື​ ບໍລິສັດຫາທາງລົງແລ້ວ ຕັດປ່ອຍໃຫ້ສະມາຊິກເປັນເຮືອລອຍໄປຕາມນໍ້າຊື່ໆບໍ?​

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ໜ້າເຫັນໃຈ!​ ພະນັກງານບາງຄົນຈຳເປັນຕ້ອງອອກຈາກເຮືອນແຕ່ຖືກເຈົ້າໜ້າທີ່ຕຳຫຼວດສະກັດກັ້ນ

ວັນທີ​ 23​ ກັນຍາ​ 2021​ ເປັນມື້ ທີ​ 5​ ຂອງ​ການລັອກດາວ​ນະຄອນຫຼວງວຽງຈັນ​ ແຕ່ສະພາບການສັນຈອນໄປ…