ໜ້າຫຼັກ ນານາສາລະ ຄວາມຮູ້​ກ່ຽວກັບ​ການຂຸດ Bitcoin

ຄວາມຮູ້​ກ່ຽວກັບ​ການຂຸດ Bitcoin

24 ຄົນ ກຳລັງອ່ານຢູ່
0
0
294
Loading...

ເຮົາຕ້ອງໃຊ້ຈົກ​ ຫຼື​ ສຽມໃນການຂຸດ ? ແລ້ວໄປຂຸດຢູ່ໃສ?

ເຄືອຂ່າຍຂອງບິດຄອຍເປັນການເກັບຂໍ້ມູນແບບບໍ່ລວມສູນໂດຍເຄື່ອງຄອມພິວເຕີນັບລ້ານໜ່ວຍກະຈາຍເກັບທຸລະກຳທຳອິດຈົນເຖິງທຸລະກຳຫຼ້າສຸດ​ ແລະ​ ມີການກວດສອບໃຫ້ຂໍ້ມູນກົງກັນຢູ່ສະເໝີ ນັ້ນເຮັດໃຫ້ບໍ່ສາມາດປອມແປງ​ ຫຼື​ ແກ້ໄຂຂໍ້ມູນໄດ້​ ແລະ​ ການຂຸດບິດຄອຍໄດ້ມາຈາກຄ່າທຳນຽມໃນການໂອນເງິນທີ່ຈະແບ່ງໃຫ້ຜູ້ຕອບສະຫນອງການປິດທຸລະກຳດັ່ງກ່າວ.

ທຸລະກຳການໂອນຫຼຽນຈະຖືກປະກາດໄວ້ໃນເຄືອຄ່າຍໃນຮູບແບບຂອງການເຂົ້າລະຫັດ ຫຼື​ Encryption ເຄື່ອງທີ່ຈະມີສິດອັບເດດຂໍ້ມູນເຖິງ Blockchain ຕ້ອງ “ເດົາ” ໂຕເລກເພື່ອສະມາການ​ ແລະ​ ໄຂລະຫັດໃຫ້ຖືກຕ້ອງ ແລະ​ ເຄື່ອງຄອມພິວເຕີທີ່ເຂົ້າມາແຂ່ງຂັນການເດົາແກ້ໄຂສຳມະການນີ້ເອີ້ນວ່າ “ ນັກຂຸດ” ຫຼື “Miner”

ການຂຸດເປັນການໃຂ້ພະລັງງານປະມວນຜົນຄອມພິວເຕີເພື່ອສຸ່ມເດົາໂຕເລກໃຫ້ເຂົ້າເປົ້າ​ ແລະ​ ພະລັງການປະມວນຜົນເຮົາເອີ້ນວ່າ Hashrate ເຊິ່ງຍິ່ງມີ Hashrate ສູງກໍມີໂອກາດເດົາໂຕເລກນັ້ນສຳເລັດກ່ອນ​ ແລະ​ ເປັນຜູ້ໄດ້ຮັບລາງວັນຂອງ Block ນັ້ນໆລະບົບດັ່ງກ່າວເອີ້ນວ່າ Proof of work ຫຼື​ ການພິສູດດ້ວຍແຮງຂຸດ ຖືວ່າເປັນການພິສູດການຢັ້ງຢືນທຸລະກຳດ້ວຍການລົງແຮງ ( Hashrate ແລະ​ ຄ່າໄຟນັ້ນເອງ) ແລະຜູ້ທີ່ຈະປ່ຽນແປງທຸລະກຳໃນ Blockchain ຕ້ອງທີມີທັງ Hashrate ຫຼາຍກວ່າ 51% ຫຼື​ ເຮົາເອີ້ນວ່າ 51% Attack ໃນຄວາມເປັນຈິງແລ້ວມັນເກືອບເປັນໄປບໍ່ໄດ້ເລີຍທີ່ຈະໂຈມຕີ​ ແລະ​ ປ່ຽນແປງລະບົບ.

ເພື່ອຮັກສາສົມດຸນຂອງຈຳນວນ Bitcoin ໃໝ່ທີ່ຈະເກີດຂຶ້ນໃນລະບົບ ລະບົບຈະປັບຄວາມຍາກຂອງການສຸ່ມເດົາໂຕເລກໃຫ້ມີຄວາມຍາກ ແລະ​ ງ່າຍຂຶ້ນເມື່ອມີການປັບຂຶ້ນ​ ແລະ​ ປັບລົງຂອງ Hashrate ຫຼື​ ແຮງຂຸດຂອງແຕ່ລະຊ່ວງ ເຊິ່ງລະບົບຈະປັບໃຫ້ເກີດຄວາມສົມດຸນ​ ແລະ​ ຈະ ປິດ Block ສະເລ່ຍຢູ່ທີ່ 10 ນາທີສະເໝີ

ບາງທ່ານທີ່ເລີ່ມສຶກສານຂຸດກໍຈະຄຸ້ນຫູກັບຄຳວ່າ GPU ແລະ ASIC
ເຊິ່ງGPU ຫຼື​ ກາດຈໍເພື່ອປະມວນຜົນທີ່ໃຫ້ Hashrate ທີ່ສູງແຕ່ຕອນນີ່ກາດຂຸດບິດຄອຍດ້ວຍກາດຈໍອາດຈະບໍ່ຄຸ້ມຄ່າດ້ວຍແຮງຂຸດທີ່ມີຢູ່ຢ່າງມະຫາສານຂອງບິດຄອຍເອງ ແຕ່ກໍຍັງສາມາດຂຸດ Ethereum ແລະຫຼຽນທາງເລືອກອື່ນໆໄດ້ອີກຢູ່.

ສ່ວນການຂຸດ Bitcoin ໃນຕະຫລາດມັກນິຍົມການໃຊ້ເຄື່ອງ Asic ຫລື
application-specific integrated circuit ຫຼື​ ວົງຈອນການເຮັດສະເພາະແອັບພິເຄຊັນ ອອກແບບມາສະເພາະການຂຸດແລະໃຫ້ກຳລັງທີ່ເໜືອກວ່າກາດຈໍເທົ່າເຊິ່ງມີຄວາມຄຸ້ມຄ່າກວ່າ.

ແລ້ວການຂຸດບິດຄອນສ້າງເງິນໄດ້ແທ້ບໍ່ ?

ການຂຸດບິດຄອຍນັ້ນກໍສາມາດສ້າງລາຍຮັບມາໄດ້ແທ້ເຊິ່ງຜົນຕອບແທນຂອງລາຍຮັບນັ້ນມາຈາກຫຼຽນດິຈິຕອນ ແລະ​ ກໍສາມາດແລກເປັນສະກຸນເງິນຫຼັກໄດ້.​

ຂໍ້ລະວັງຂອງການຂຸດບິດຄອຍແລະຫລຽນດິຈິຕໍນັ້ນຄື:
1. ຄວາມຜັນຜວນຂອງລາຄາຫຼຽນແຕ່ລະຊ່ວງ
2. ກຳລັງໄຟແລະຄ່າໄຟຂອງແຕ່ລະພື້ນທີ່ ລວມທັງສາຍສົ່ງຕ່າງໆ

3. ຈຳນວນຜູ້ຂຸດ​ ແລະ​ ກຳລັງການຂຸດເຊິ່ງເປັນໂຕຄິດໄລ່ຄວາມຍາກຂອງການຂຸດໃນແຕ່ລະຊ່ວງ

4. ການປ່ຽນແປງລະບົບຂອງການຂຸດ ຍົກໂຕຢ່າງເຊັ່ນ: ETH ກໍມີການປ່ຽນລະບົບຈາກການຂຸດ Proof of work ໄປເປັນ proof of stack ຫຼື​ ການວາງເງິນຄຳປະກັນ ເຊິ່ງຈະມີແຜນປ່ຽນແປງລະບົບອີກ 2 ປີຂ້າງຫນ້າ

ທີ່ມາ: Alex​ kpv phamisith

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ສປປ ລາວ ໄດ້ຖືກຈັດຢູ່ໃນອັນດັບທີ 2 ຂອງອາຊຽນ ໃນດ້ານບົດບາດຂອງແມ່ຍິງໃນເວທີການເມືອງ

ວັນທີ 14 ຕຸລາ 2021 ທີ່ ສໍານັກງານປະທານປະເທດ, ທ່ານ ນາງ ປານີ ຢາທໍ່ຕູ້ ຮອງປະທານປະເທດ ແຫ່ງ ສປປ …