ໜ້າຫຼັກ ຂ່າວພາຍໃນ ຄຳແນະນຳຜູ້ຕິດເຊື້ອບໍ່ມີອາການທີ່ມີຄວາມສະດວກ ປິ່ນປົວຢູ່ກັບເຮືອນ

ຄຳແນະນຳຜູ້ຕິດເຊື້ອບໍ່ມີອາການທີ່ມີຄວາມສະດວກ ປິ່ນປົວຢູ່ກັບເຮືອນ

3 ຄົນ ກຳລັງອ່ານຢູ່
0
0
307
Loading...

ກະຊວງສາທາລະນະສຸກຢືນຢັນວ່າ: ການຈໍາກັດບໍລິເວນຢູ່ເຮືອນ ແລະ ການປິ່ນປົວຜູ້ຕິດເຊື້ອໂຄວິດ-19 ຢູ່ກັບເຮືອນ ສໍາລັບຜູ້ບໍ່ມີອາການໃນກໍລະນີທີ່ໂຮງໝໍລົ້ນຄົນເຈັບ ເຊິ່ງມາດຕະການດັ່ງກ່າວ ຍັງບໍ່ທັນໄດ້ຖືກຈັດຕັ້ງປະຕິບັດ ຢູ່ ສປປ ລາວ ເທື່ອເນື່ອງຈາກວ່າ ໂຮງໝໍສູນກາງ, ໂຮງໝໍແຂວງ, ສູນຈໍາກັດບໍລິເວນ ແລະ ສະຖານທີ່ບໍລິການປິ່ນປົວໃນປັດຈຸບັນ ຢູ່ຂອບເຂດທົ່ວປະເທດ ຍັງສາມາດຮອງຮັບຜູ້ຕິດເຊື້ອໂຄວິດ-19 ໄດ້.

ທ່ານ ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ລາຍງານໃຫ້ຮູ້ໃນວັນທີ 4 ຕຸລາ 2021 ນີ້ວ່າ:

ການຈໍາກັດບໍລິເວນຢູ່ເຮືອນ ແມ່ນ ສໍາລັບຜູ້ທີ່ເປັນຜູ້ສໍາຜັດໃກ້ຊິດກັບຜູ້ຕິດເຊື້ອ ແລະ ມີຫ້ອງສໍາລັບຈໍາກັດບໍລິເວນ ລວມທັງຫ້ອງນໍ້າ ທີ່ ແຍກອອກເປັນຂອງຕົນເອງ. ສິ່ງທີ່ທ່ານຄວນປະຕິບັດແມ່ນ ຢູ່ເຮືອນ 14 ວັນ ນັບຫລັງຈາກມື້ທີ່ເລີມສໍາຜັດ, ເຝົ້າລະວັງອາການຕົນເອງ ວ່າມີອາການໄຂ້ 37,5 ຂຶ້ນໄປ, ມີອາການໄອ, ຫາຍໃຈຍາກ, ດັງບໍ່ໄດ້ກິ່ນ, ລີ້ນບໍ່ຮູ້ລົດຊາດ, ໃຫ້ຢູ່ຫ່າງຈາກຄົນໃນຄອບຄົວທີ່ອາໃສຢູ່ນໍາກັນ ໂດຍສະເພາະຜູ້ທີ່ມີປັດໄຈສ່ຽງສູງທີ່ຈະຕິດເຊື້ອໂຄວິດ-19, ຫລັງຈາກ ການຈໍາກັດບໍລິເວນແລ້ວ ແມ່ນໃຫ້ເຝົ້າລະວັງອາການຕື່ມອີກ 14 ວັນ, ຖ້າທ່ານມີອາການໃຫ້ທ່ານແຍກປ່ຽວຕົນເອງທັນທີ ແລະ ຕິດຕໍ່ຫາສາຍດ່ວນ 165/166 ຫລື ເຂົ້າໄປປືກສາແພດໝໍ ທີ່ຢູ່ໃກ້ບ້ານທ່ານ.

ທ່ານ ດຣ ຣັດຕະນະໄຊ ເພັດສຸວັນ ໄດ້ຍົກໃຫ້ຮູ້ອີກວ່າ: ສຳລັບການປິ່ນປົວຕົນເອງຢູ່ເຮືອນ ແມ່ນອະນຸຍາດສະເພາະຄົນເຈັບທີ່ຕິດເຊື້ອໂຄວິດ-19 ບໍ່ມີອາການຫຍັງ ຫຼື ເບົາບາງ, ແຕ່ຕ້ອງມີຫ້ອງນອນ ແລະ ຫ້ອງນໍ້າໃຊ້ສະເພາະຕົນເອງ, ສິ່ງທີ່ທ່ານຄວນປະຕິບັດແມ່ນ ຕິດຕາມອາການຕົນເອງ, ຖ້າທ່ານມີອາການຮຸນແຮງ ເຊັ່ນ: ຫາຍໃຈຍາກແມ່ນໃຫ້ໂທຫາແພດ ຫຼື ໄປໂຮງໝໍທັນທີ, ແຍກຫ້ອງຢູ່ ຈາກສະມາຊິກພາຍໃນເຮືອນ, ໃຊ້ຫ້ອງນໍ້າແຍກກັນ, ບໍ່ໃຫ້ໃຊ້ສິ່ງຂອງຮ່ວມກັນ ແລະ ໃສ່ຜ້າປິດປາກ-ດັງ.

ການອະນຸຍາດໃຫ້ຄົນເຈັບທີ່ບໍ່ມີອາການ ສາມາດປິ່ນປົວຕົນເອງໄດ້ຢູເຮືອນ ກໍແມ່ນເພື່ອຫຼຸດ ຜ່ອນຄົນເຈັບທີ່ຕິດເຊື້ອແຕ່ມີອາການເບົາບາງ ແລະ ສຸມໃສ່ການດູແລ ປິ່ນປົວກໍລະນີໜັກ, ຄົນເຈັບທີ່ມີພະຍາດປະຈໍາຕົວ, ຄົນເຈັບທີ່ສູງອາຍຸ ເພື່ອບໍ່ຫລຸດຜ່ອນການເສຍຊິວິດໃຫ້ໜ້ອຍທີ່ສຸດ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ໃນເດືອນກັນຍາ ສປປ​ ລາວ​ ບັນລຸການຄ້າເກີນດຸນ 117 ລ້ານໂດລາ​ ໃນຮອບຫຼາຍເດືອນ

ອີງຕາມຂໍ້ມູນການຄ້າຂອງລາວລາຍງານປະຈຳເດືອນ 9​ ປີ.​2021​ ນີ້ໃຫ້ຮູ້ວ່າ: ມູນຄ່າການສົ່ງອອກ ມີປະມາ…