ໜ້າຫຼັກ ຂ່າວພາຍໃນ ເຕັມແລ້ວ!​ ສູນປິ່ນປົວພາກສະໜາມດາວເຮືອງ ຮັບຜູ້ຕິດເຊື້ອພະຍາດໂຄວິດ-19 ເຂົ້າປິ່ນປົວເຕັມຄວາມສາມາດບັນຈຸແລ້ວ

ເຕັມແລ້ວ!​ ສູນປິ່ນປົວພາກສະໜາມດາວເຮືອງ ຮັບຜູ້ຕິດເຊື້ອພະຍາດໂຄວິດ-19 ເຂົ້າປິ່ນປົວເຕັມຄວາມສາມາດບັນຈຸແລ້ວ

2 ຄົນ ກຳລັງອ່ານຢູ່
0
0
121
Loading...

ມາຮອດວັນທີ 13 ຕຸລາ 2021 ສູນປິ່ນປົວພາກສະໜາມດາວເຮືອງຢູ່ສົ້້ນຂົວມິດຕະພາບລາວ-ໄທ ແຫ່ງທີ 1 ນະຄອນຫລວງວຽງຈັນ ຮັບຜູ້ຕິດເຊື້ອພະຍາດໂຄວິດ-19 ເຂົ້າປິ່ນປົວເຕັມຄວາມສາມາດບັນຈຸແລ້ວ ໂດຍສາມາດບັນຈຸໄດ້ 800 ຄົນ. ຂະນະທີ່ ອົງການກາແດງລາວເປັນຜູ້ສະໜອງດ້ານສະບຽງອາຫານໃຫ້ໃນແຕ່ລະວັນ.

ທ່ານ ຖາວອນ ສີຫາມາຍາ, ຮອງເຈົ້າເມືອງຫາດຊາຍຟອງ, ນະຄອນ ຫລວງວຽງຈັນ ທັງເປັນຫົວໜ້າໂຮງໝໍພາກສະໜາມດາວ ເຮືອງ ໃຫ້ສໍາພາດຜ່ານລາຍການຮອບບ້ານຜ່ານເມືອງຂອງວິທະຍຸແຫ່ງຊາດໃນວັນທີ 13 ຕຸລາ 2021ວ່າ: ເມື່ອກ່ອນໂຮງໝໍພາກສະໜາມດາວເຮືອງໃຊ້ເພື່ອຈຳກັດບໍລະເວນຜູ້ມີຄວາມສ່ຽງຕິດເຊື້ອພະຍາດໂຄວິດ-19 ແຕ່ຍ້ອນຈຳ ນວນຜູ້ຕິດເຊື້ອພະຍາດຊະນິດນີ້ຢູ່ນະຄອນຫລວງວຽງຈັນ ນັບມື້ເພີ່ມຂຶ້ນ ນັບແຕ່ຕົ້ນເດືອນຕຸລາເປັນຕົ້ນມາ ຈິ່ງປ່ຽນມາເປັນສູນປິ່ນປົວພາກສະ ໜາມ ທີ່ບັນຈຸໄດ້ 800 ຄົນ, ແຕ່ມາຮອດວັນທີ 13 ຕຸລາ 2021 ໄດ້ຮັບຜູ້ຕິດເຊື້ອເຂົ້າປິ່ນປົວເຕັມຄວາມສາມາດບັນຈຸແລ້ວ. ຂະນະດຽວກັນທີ່ພາຍໃນສູນຍັງຕ້ອງການເຄື່ອງນອນປະມານ 60 ຊຸດ ເຮັດໃຫ້ຄະນະຮັບຜິດຊອບພວມຄົ້ນຄ້ວາຢູ່.

ຮອງເຈົ້າເມືອງຫາດຊາຍຟອງ ໃຫ້ຮູ້ຕື່ມວ່າ: ສໍາລັບອາຫານການກິນຂອງຜູ້ປິ່ນປົວພາຍໃນໂຮງໝໍສະໜາມດາວເຮືອງ ສະເພາະຜູ້ຕິດເຊື້ອທີ່ເປັນແຮງງານຂອງບັນດາຫົວໜ່ວຍທຸກລະກິດທີ່ເຂົ້າປິ່ນປົວແມ່ນຫົວ ໜ່ວຍທຸລະກິດເຂົາເຈົ້າຮັບຜິດຊອບ, ສ່ວນຜູ້ຕິດເຊື້ອື່ນໆ ແມ່ນອົງການກາແດງລາວເປັນຜູ້ສະໜອງໃຫ້ທັງສາມຄາບໃນແຕ່ລະວັນ ໂດຍມີຄະນະຮັບ ຜິດຊອບການແຈກຢາຍອາຫານຢ່າງລະອຽດເພື່ອບໍ່ໃຫ້ແອອັດ ແລະ ຮັບ ປະກັນໃຫ້ແຕ່ລະຄົນໄດ້ຮັບອາຫານທັງ 3 ຄາບ.

ທີ່ມາຂ່າວ-ພາບໂດຍ: ສື່ເພື່ອສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ສປປ​ ລາວ​ໄດ້ຮັບ​ວັກຊີນ​ AstraZeneca​ຕື່ມອີກ​ 6​ ແສນໂດສ

29 ພະຈິກ 2021 ທີ່ກະຊວງສາທາລະນະສຸກ ສປປ ລາວ ໄດ້ຮັບການບໍລິຈາກວັກຊີນປ້ອງກັນພະຍາດ ໂຄວິດ-19 Astr…