ໜ້າຫຼັກ ຂ່າວຕ່າງປະເທດ ສປປ​ ລາວ​ຢູ່ໃນ​ 6​ ປະເທດອາຊຽນ​ ທີ່ໄຟເຊີອະນຸຍາດໃຫ້ຜະລິດຢາຕ້ານໂຄວິດຂາຍໃນລາຄາຖືກ​

ສປປ​ ລາວ​ຢູ່ໃນ​ 6​ ປະເທດອາຊຽນ​ ທີ່ໄຟເຊີອະນຸຍາດໃຫ້ຜະລິດຢາຕ້ານໂຄວິດຂາຍໃນລາຄາຖືກ​

6 ຄົນ ກຳລັງອ່ານຢູ່
0
0
1,256
Loading...

ວັນທີ 16 ພະຈິກ​ 2021​ນີ້ ໄຟເຊີ(Pfizer) ບັນລຸຂໍ້ຕົກລົງກັບ Medicines Patent Pool (MPP) ໜ່ວຍງານສິດທິບັດຢາ ທີ່ໄດ້ຮັບການສະໜັບສະໜູນໂດຍອົງການສະຫະປະຊາຊາດ​ເພື່ອເພີ່ມການເຂົ້າເຖິງຢາເມັດຕ້ານໂຄວິດ ຂອງບໍລິສັດ​ ດ້ວຍການ​ກຳນົດ​ໃຫ້​ 95​ ປະເທດທີ່ມີຖານະປານກາງ​ ແລະ​ ຍາກຈົນສາມາດຜະລິດຢາເພື່ອຂາຍໃນລາຄາຖືກ.​

ໃນຂໍ້ຕົກລົງ ໄຟເຊີໃຫ້ສິດ MPP ໃນການໃຊ້ສິດຍ່ອຍເຮັດສັນຍາກັບຜູ້ຜະລິດຢາສາມັນໃນປະເທດທີ່ໄດ້ຮັບອະນຸຍາດ ໃຫ້ສາມາດຜະລິດຢາເມັດຕ້ານເຊື້ອໂຄວິດຂອງໄຟເຊີ ຫຼື ທີ່ມີຊື່ທາງການຄ້າວ່າ ແພັກຊ໌ໂລວິດ (Paxlovid) ໄດ້.

ທັງນີ້ 95​ປະເທດ​ ທີ່ຢູ່ໃນລາຍຊື່ ຄິດເປັນອັດຕາສ່ວນ 53% ຂອງປະຊາກອນໂລກ.

ເຊິ່ງໄຟເຊີຈະບໍ່ໄດ້ຮັບຄ່າຕອບແທນຊັບສິນທາງປັນຍາຈາກການຂາຍຢາສາມັນເຫຼົ່ານີ້ ຕາບໃດທີ່ພະຍາດໂຄວິດ-19 ຍັງຄົງໄດ້ຮັບການຈັດໃຫ້ຢູ່ໃນພາວະສຸກເສີນດ້ານສາທາລະນະສຸກໂດຍອົງການອະນາໄມໂລກຢູ່.

ສຳລັບປະເທດໃນອາຊີຕາເວັນອອກສຽງໃຕ້ (ອາຊຽນ) ປະກອບມີ 6 ປະເທດທີ່ມີລາຍຊື່ຄື: ລາວ, ມຽນມາ, ກຳປູເຈຍ, ອິນໂດເນເຊຍ, ຟິລິບປິນ ແລະ ຫວຽດນາມ. ໃນຂະນະທີ່ ໄທ, ສິງກະໂປ, ມາເລເຊຍ ແລະ ບຣູໄນ ແມ່ນບໍ່ປາກົດໃນລາຍຊື່ດັ່ງກ່າວ.

ທີ່ມາ: Workpoint​ today

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ສປປ​ ລາວ​ໄດ້ຮັບ​ວັກຊີນ​ AstraZeneca​ຕື່ມອີກ​ 6​ ແສນໂດສ

29 ພະຈິກ 2021 ທີ່ກະຊວງສາທາລະນະສຸກ ສປປ ລາວ ໄດ້ຮັບການບໍລິຈາກວັກຊີນປ້ອງກັນພະຍາດ ໂຄວິດ-19 Astr…