ໜ້າຫຼັກ ຂ່າວພາຍໃນ ສປປ.ລາວ ຈະເລີ່ມຜະລິດຢາເມັດ “ໂມນນູພິຣາເວຍ ” ປິ່ນປົວໂຄວິດ-19 ໃນເດືອນທັນວາ 2021 ນີ້

ສປປ.ລາວ ຈະເລີ່ມຜະລິດຢາເມັດ “ໂມນນູພິຣາເວຍ ” ປິ່ນປົວໂຄວິດ-19 ໃນເດືອນທັນວາ 2021 ນີ້

12 ຄົນ ກຳລັງອ່ານຢູ່
0
0
648
Loading...

21 ພະຈິກ 2021​ ໜັງສືພິມວຽງຈັນທາຍລາຍງານວ່າ: ກະຊວງສາທາລະນະສຸກ ອະນຸມັດໃຫ້ລັດວິສາຫະກິດ ໂຮງງານຜະລິດຢາເລກ 3 ຜະລິດຢາໂມນນູພິຣາເວຍ ເຊິ່ງເປັນຢາເມັດ ເພື່ອໃຊ້ປິ່ນປົວພະຍາດໂຄວິດ-19.

ທ່ານ ພູໂຂງ ໂຈມມາລາ ຮອງຜູ້ນຳນວຍການລັດວິສາຫະກິດ ໂຮງງານຜະລິດຢາເລກ 3 ໃຫ້ສຳພາດກັບ Vientiane Times ເມື່ອວັນພະຫັດ 18 ພະຈິກ 2021 ທີ່ຜ່ານມາວ່າ: ໂຮງງານຈະເລີ່ມຜະລິດຢາໃນເດືອນທັນວາ 2021 ນີ້ ຕາມຄຳແນະນຳຂອງທ່ານ ດຣ. ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ.

ທ່ານ ພູໂຂງ ໂຈມມາລາກ່າວວ່າ: ພວກເຮົາຄາດຫວັງວ່າຈະສາມາດສະໜອງຢານີ້ໃນເບື້ອງຕົ້ນ ໃຫ້ກັບຜູ້ຕິດເຊື້ອໂຄວິດ-19 ຈຳນວນ 1,000 ຄົນ ພາຍໃຕ້ໂຄງການເລີ່ມຕົ້ນຜະລິດ ເຊິ່ງໂຄງການດັ່ງກ່າວຈະໄດ້ຮັບການກວດສອບໂດຍອົງການອະນາໄມໂລກ.

ການໃຊ້ຢາໃໝ່ໃນການປິ່ນປົ່ວພະຍາດໂຄວິດ-19 ເປັນສ່ວນໜຶ່ງຂອງຄວາມພະຍາຍາມຂອງລັດຖະບານ ໃນການຕໍ່ສູ້ກັບການແຜ່ລະບາດຂອງພະຍາດໂຄວິດ-19, ໂຄງການເລີ່ມຕົ້ນຜະລິດຢານີ້ ໄດ້ກຳນົດເອົາຜູ້ຕິດເຊື້ອທີ່ມີອາຍຸລະຫວ່າງ 18-65 ປີ ເປັນກຸ່ມເປົ້າໝາຍ ເປັນຜູ້ທີ່ມີອາການເບົາບາງ ຫາ ປານກາງ ແລະ ຢູ່ໃນໄລຍະເລີ່ມຕົ້ນຂອງການຕິດເຊື້ອ, ຜູ້ທີ່ຈະກິນຢານີ້ໃນການປິ່ນປົວ ຕ້ອງບໍ່ມີອາການປອດບວມ ຫຼື ຂາດອົກຊີແຊນ ໂດຍຈະໄດ້ກິນຢາເປັນເວລາ 5 ວັນ.

ຢາໂມນນູພິຣາເວຍ (Molnupiravir) ເປັນຢາເມັດຊະນິດກິນ ອອກລິດຕ້ານໄວຣັສ ພັດທະນາຂຶ້ນເພື່ອໃຊ້ປິ່ນປົວໄຂ້ຫວັດໃຫຍ່ ໂດຍເກີດຈາກການຮ່ວມມືໃນການພັດທະນາຂອງບໍລິວັດ Ridgebback Biothera peuthisc ປະເທດ ສ.ອາເມຣິກາ ແລະ ບໍລິສັດ Merck ປະເທດເຢຍລະມັນ ມີລິດຕໍ່ຕ້ານໄວຣັສໂຄໂຣນາຫຼາຍຊະນິດເຊັ່ນ: SARS, MERS ແລະ ໂຄວິດ-19.
ເຊິ່ງເມື່ອວັນທີ 28 ຕຸລາ 2021 ທີ່ຜ່ານມາ ບໍລິສັດ Merck ໄດ້ລົງນາມຕົກລົງດ້ານສິດທິບັດ ກັບ ອົງການບໍລິຫານສິດທິບັດຢາຮ່ວມ ທີ່ໄດ້ຮັບການສະໜັບສະໜູນຈາກອົງການສະຫະປະຊາຊາດ ເປີດທາງໃຫ້ປະເທດລາຍໄດ້ຕ່ຳເຂົ້າເຖິງສູດ ແລະ ສາມາດຜະລິດຢາໂມນນູພິຣາເວຍເອງ ເພື່ອຊ່ວຍຫຼຸດຜ່ອນຄວາມແຕກໂຕນໃນການເຂົ້າເຖິງຢາປິ່ນປົວພະຍາດໂຄວິດ-19.
ຂໍ້ຕົກລົງດັ່ງກ່າວຄວບຄຸມປະເທດທີ່ມີລາຍໄດ້ປານກາງ ແລະ ລາຍໄດ້ຕ່ຳ 105 ປະເທດໃນອາຟຣິກາ ແລະ ອາຊີ ເຊິ່ງປະເທດໃນອາຊຽນໃນລາຍຊື່ປະກອບມີ: ສປປ.ລາວ, ມຽນມາ, ກຳປູເຈຍ, ຫວຽດນາມ, ຟິລິບປິນ ແລະ ອິນໂດເນເຊຍ.

ອົງການບໍລິຫານສິດທິບັດຢາຮ່ວມ ຈະໃຫ້ສູດການຜະລິດຢາໂມນນູພິຣາເວຍ ແກ່ບໍລິສັດຜູ້ຜະລິດທີ່ມີຄຸນສົມບັດເໝາະສົມ ໂດຍ Merck ຈະບໍ່ເກັບຄ່າຕອບແທນ ຕາບໃດທີ່ໂຄວິດ-19 ຍັງເປັນພາວະສຸກເສີນດ້ານສາທາລະນະສຸກລະຫວ່າງປະເທດ.

ສຳລັບລາຄາຢາໂມນນູພິຣາເວຍ ທີ່ ສ.ອາເມຣິກາ ຈັດຊື້ຈຳນວນ 1.7 ລ້ານຊຸດ ຖືກຢູ່ຊຸດລະ 700 ໂດລາສະຫະລັດ ລວມເປັນເງິນ 1,200 ລ້ານໂດລາສະຫະລັດ, ແຕ່ການອະນຸຍາດໃຫ້ບໍລິສັດອື່ນໃນປະເທດດ້ອຍພັດທະນາ ແລະ ກຳລັງພັດທະນາສາມາດນຳເອົາສູດໄປຜະລິດເອງໄດ້ ສາມາດຊ່ວຍສາມາດໃຫ້ເຂົ້າເຖິງຢາໄດ້ງ່າຍ ແລະ ເພີ່ມຂຶ້ນໃນລາຄາປະມານ 20 ໂດລາສະຫະຫັດຕໍ່ຊຸດ, ຂະນະທີ່ບໍລິສັດໃນປະເທດອາຟຣິກາໃຕ້ ເຊື່ອວ່າຈະສາມາດຜະລິດຈຳໜ່າຍໄດ້ໃນລາຄາພຽງ 8 ໂດລາສະຫະລັດຕໍ່ຊຸດ.
ຜົນການທົດລອງທາງຄລີນິກໄລຍະທີ 3 ພົບວ່າ ຢາດັ່ງກ່າວຊ່ວຍຫຼຸດຜ່ອນໂອກາດເຂົ້າໂຮງໝໍໄດ້ 50%, ຢາອອກລິດເຮັດໃຫ້ລະຫັດພັນທຸກຳຂອງເຊື້ອໄວຣັສຜິດປົກກະຕິ ຈົນບໍ່ສາມາດເພີ່ມຈຳນວນໄດ້.

ຜູ້ຕິດເຊື້ອໄລຍະເລີ່ມຕົ້ນ ເຖິງ ປານກາງສາມາດກິນຢານີ້ໄດ້ທັນທີ ເພື່ອຫຼຸດໂອກາດເຂົ້າໂຮງໝໍ ໂດຍໃນ 1 ຊຸດ ຈະມີຢາໂມນນູພິຣາເວຍ ຂະໜາດ 200 ມິນລີກຼາມ ຈຳນວນ 40 ເມັດ ສຳລັບຜູ້ຕິດເຊື້ອ 1 ຄົນ ເຊິ່ງຕ້ອງກິນຢານີ້ເປັນເວລາ 5 ມື້, ມື້ລະ 2 ຄັ້ງ ເຊົ້າ ແລະ ແລງ ຄັ້ງລະ 4 ເມັດ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ສປປ​ ລາວ​ໄດ້ຮັບ​ວັກຊີນ​ AstraZeneca​ຕື່ມອີກ​ 6​ ແສນໂດສ

29 ພະຈິກ 2021 ທີ່ກະຊວງສາທາລະນະສຸກ ສປປ ລາວ ໄດ້ຮັບການບໍລິຈາກວັກຊີນປ້ອງກັນພະຍາດ ໂຄວິດ-19 Astr…