ໜ້າຫຼັກ ຂ່າວພາຍໃນ ທີ່ໄປທີ່ມາ​ ບັນຫາທີ່ດິນປະຊາຊົນ​ 36​ ຄອບຄົວບ້ານໂພນສີນວນ

ທີ່ໄປທີ່ມາ​ ບັນຫາທີ່ດິນປະຊາຊົນ​ 36​ ຄອບຄົວບ້ານໂພນສີນວນ

0 ຄົນ ກຳລັງອ່ານຢູ່
0
2
2,926
Loading...

ຄະດີນີ້ຍາວ ຂໍເລົ່າຫຍໍ້ດັ່ງນີ້: ໃນປີ 1975 ປະເທດຊາດໄດ້ຮັບການປົດປ່ອຍ ຜູ້ນໍາພັກລັດໄດ້ນໍາພາພະນັກງານກະຊວງກະສິກໍາມາຢູ່ ດ້ວຍເຫດຜົນທີ່ວ່າ (ເຈົ້າຂອງທີ່ດິນ)​ມອບໃຫ້ພັກລັດນໍາໃຊ້ ແບບມີລັກສະນະແລກປ່ຽນ​ ຕາມການບອກເລົ່າຂອງນາຍບ້ານ ປີ​1975.​ ສ່ວນພະນັກງານຂົນຂວາຍເວລານັ້ນບອກວ່າທີ່ດິນຕອນດັ່ງກ່າວເປັນຂອງທະຫານອາເມລິກາ ຊື້ເຮັດບັງກາໂລ່ ໂດຍມອບໃຫ້ຜູ້ເປັນເຈົ້າຂອງເປັນຜູ້ເບິ່ງແຍງ.​ ເພາະຜູ້ເປັນເຈົ້າຂອງເປັນນາຍຕໍາຫລວດໃນລະບອບເກົ່າ.​ ຕົກມາປີ 1983 ຜູ້ເປັນເຈົ້າຂອງແຈ້ງຕໍ່ອໍານາດການປົກຄອງ ມີໃບແຈ້ງທີ່ດິນ ເລກທີ​ 62,63,64,65,66 ແລະ​ 67. ໃບແຈ້ງທີ່ດິນ​ ທີ່ກ່ຽວກັບທີ່ດິນຕອນດັ່ງກ່າວແມ່ນເລກທີ 64 ແລະ​ 65

ຕົກມາປີ​ 1987 ເຈົ້າຂອງທີ່ດິນເສຍຊີວິດ ເພິ່ນມີລູກ 3 ຄົນຄື 1. ນາງ​ ກໍ
2. ທ້າວ​ ຂໍ
3. ນາງຄໍ (ນາມສົມມຸດ)
ໃບແຈ້ງເລກທີ່​ 64,65 ແມ່ນເຂົ້າຂອງທີ່ດິນ ໃຫ້​ນາງ​ ກໍ​ ຊຶ່ງ​ ນາງກໍ​ ໄດ້ໂຕນໜີໄປອາເມລິກາ ມີເອກະສານຢັ້ງຢືນ
ຕົກມາປີ​ 2000​ ນາງຄໍ​ (ນ້ອງນາງກໍ)​ ມາແລ່ນເອກະສານໃບຕາດິນ .​ ແຕ່ພະແນກການເງິນບໍ່ອອກໃບຕາດິນໃຫ້ ໂດຍໃຫ້ເຫດຜົນວ່າເປັນທີ່ດິນຄົນໂຕນ
ໃນເວລານັ້ນພັກລັດໄດ້ຈັດຕັ້ງຄະນະກໍາມະການຈັດສັນທີ່ດິນ.​ນາງຄໍ ຈຶ່ງໄປແລ່ນຂຶ້ນໃບຕາດິນນໍາຄະນະຈັດສັນທີ່ດິນ ໃນປີ 2002. ເມື່ອໄດ້ໃບຕາດິນແລ້ວ ນາງຄໍ ກໍຟ້ອງພະນັກງານ ປະຊາຊົນ​ ອອກຈາກທີ່ດິນ. ດ້ວຍເຫດຜົນວ່າ ຂໍສືບມູນພໍ່.​ ພະນັກງານ​ປະຊາຊົນ​ ກໍໃຫ້ເຫດຜົນຕໍສານວ່າ​ ທີ່ດິນເປັນທີ່ດິນຄົນໂຕນ ຄວນໃຫ້ລັດຄຸ້ມຄອງ.​ ສານຕັດສິນວ່າ ໃຫ້ໂຈດມີກໍາມະສິດບົນທີ່ດິນ ໃຫ້ຈໍາເລີຍໂຍກຍ້າຍອອກ.​ ສ່ວນທີ່ຈໍາເລີຍອ້າງວ່າໂຈດໂຕນໜີ ຈໍາເລີຍບໍ່ມີຫລັກຖານມາຢັ້ງຢືນ.​ ສານອຸທອນ ສານລົບລ້າງກໍຕັດສິນຄືກັນ ແຕ່ປີ 2007.

ໄດ້ມີການຮ້ອງທຸກຫາຫລາຍພາກສ່ວນ ວ່າທີ່ດິນຄວນໃຫ້ລັດຄຸ້ມຄອງ ເພາະ​ ໃບແຈ້ງທີ່ດິນ​64,65​ ອອກຊື່ນາງກໍ ນາງກໍໂຕນໄປຕ່າງປະເທດຕາມສໍາມະໂນທີ່ອອກຊື່ນາງຄໍ.​ ແຕ່ບໍ່ໄດ້ຮັບການແກ້ໄຂ.​

ສ່ວນຄ່າຊົດເຊີຍກໍໄດ້ຕໍ່ລອງຫລາຍເທື່ອ ແຕ່ມີມືທີ່ສາມ ມາແຊກແຊງຈື່ງຕົກລົງກັນບໍ່ໄດ້.
ຍັງມີຫລາຍບັນຫາທີ່ສະລັບຊັບຊ້ອນ
(ຜິດພາດປະການໃດ​ຂໍອະໄພ​)​ ນີ້ແມ່ນຄວາມຄິດເຫັນໃນແງ່ມຸມຂອງພະນັກງານ​ແລະປະຊາຊົນ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ສປປ ລາວ ວາງ 4 ມາດຕະການ ເຝົ້າລະວັງໂຄວິດສາຍພັນໃໝ່ Omicron

ຄະນະສະເພາະກິດລາຍງານໃນວັນທີ 28 ພະຈິກ 2021 ນີ້ວ່າ: ຈາກອົງການອະນາໄມໂລກ ລາຍງານພົບເຊື້ອໂຄວິດກາຍ…