ໜ້າຫຼັກ ນານາສາລະ ຄິດວ່າບໍ່ຢ້ານຄິດໃໝ່!​ ນີ້ແມ່ນຂໍ້ມູນທີ່ຈຳເປັນຕ້ອງຮູ້ກ່ຽວກັບພະຍາດໂຄວິດ-19

ຄິດວ່າບໍ່ຢ້ານຄິດໃໝ່!​ ນີ້ແມ່ນຂໍ້ມູນທີ່ຈຳເປັນຕ້ອງຮູ້ກ່ຽວກັບພະຍາດໂຄວິດ-19

5 ຄົນ ກຳລັງອ່ານຢູ່
0
0
305
Loading...

1. ພະຍາດໂຄວິດ-19 ແມ່ນພະຍາດຕິດຕໍ່ທາງລະບົບຫາຍໃຈ…ຕິດໄດ້ໄວ ຕິດໄດ້ງ່າຍ ຖ້າບໍ່ປ້ອງກັນ.
2. ຜູ້ຕິດເຊື້ອສ່ວນຫຼາຍບໍ່ສະແດງອາການ ຫຼື ມີພຽງອາການເບົາບາງເທົ່ານັ້ນ.
3. ຜູ້ຕິດເຊື້ອທີ່ມີອາການ ແລະ ບໍ່ມີອາການສາມາດແຜ່ເຊື້ອໄດ້.
4. ການກວດຫາເຊື້ອພຽງຄັ້ງດຽວບໍ່ໄດ້ໝາຍຄວາມວ່າບໍ່ຕິດເຊື້ອ ເພາະພະຍາດໂຄວິດ-19 ມີໄລຍະບົ່ມເຊື້ອ ເຊື້ອສາມາດພົບເຫັນໄດ້ໃນມື້ທີ 14. ສະນັ້ນ, ຈຶ່ງເປັນທີ່ມາຂອງການຈຳກັດບໍລິເວນໃຫ້ຄົບ 14 ມື້.
5. ຜູ້ສູງອາຍຸ, ຜູ້ມີພະຍາດປະຈຳຕົວເຊັ່ນ: ເບົາຫວານ, ປອດ, ຫົວໃຈ, ໝາກໄຂ່ຫຼັງ, ຕຸ້ຍ ຫຼື ມະເຮັງ ແລະ ແມ່ຍິງຖືພາມີໂອກາດສູງທີ່ຈະເຈັບເປັນຮຸນແຮງ ແລະ ເສຍຊີວິດຖ້າຕິດເຊື້ອ.
6. ພະຍາດໂຄວິດ-19 ສາມາດປິ່ນປົວໃຫ້ເຊົາໄດ້ ແລະ ບໍ່ໄປຕິດເຊື້ອຕໍ່ໃຫ້ຄົນອື່ນ.

ວີທີປ້ອງກັນ

1. ລ້າງມື
2. ຮັກສາໄລຍະຫ່າງ
3. ໃສ່ຜ້າອັດປາກ-ດັງ
4. ຢູ່ບ່ອນອາກາດໂລ່ງ
5. ຫຼີກລ່ຽງການໄປບ່ອນສ່ຽງ
6. ສັກວັກຊີນໃຫ້ຄົບ ແລະ ສືບຕໍ່ປ້ອງກັນ
7. ຕິດຕາມຂໍ້ມູນທີ່ເປັນທາງການ

ມາດຕະການທາງການແພດ ແລະ ສັງຄົມ ທີ່ພວກເຮົາພະຍາຍາມເຮັດ

1. ເລັ່ງສັກວັກຊີນໃຫ້ໄດ້ຫຼາຍທີ່ສຸດໃນກຸ່ມສ່ຽງສູງເຊັ່ນ: ຜູ້ສູງອາຍຸ, ຜູ້ມີພະຍາດປະຈຳຕົວ ແລະ ແມ່ຍິງຖືພາ ເພື່ອຫຼຸດຜ່ອນການເຈັບເປັນຮຸນແຮງ ແລະ ການເສຍຊີວິດ. ໂດຍຫຍໍ້ແມ່ນໃຫ້ເຮົາຮັກສາຊີວິດປະຊາຊົນທີ່ສ່ຽງໃຫ້ໄດ້ຫຼາຍທີ່ສຸດ.
2. ຈຳກັດບໍລິເວນຜູ້ສຳຜັດໃກ້ຊິດ (C1) ໃຫ້ຄົບ 14 ມື້ ເພື່ອບໍ່ໃຫ້ເຊື້ອແຜ່ລາມໄປວົງກ້ວາງ.
3. ໃຫ້ຄວາມຮູ້ທຸກຄົນວ່າການສັກວັກຊີນເປັນພຽງໜຶ່ງມາດຕະການ ເພາະທຸກຄົນຍັງຕ້ອງສືບຕໍ່ປ້ອງກັນຕົນເອງດ້ວຍການລ້າງມື, ຮັກສາໄລຍະຫ່າງ, ໃສ່ຜ້າອັດປາກ-ດັງ, ຢູ່ບ່ອນອາກາດໂລ່ງ ແລະ ອື່ນໆ.
4. ໃຫ້ຂໍ້ມູນເຂດສ່ຽງ ແລະ ຈຳກັດການສັນຈອນ ແລະ ການເຄື່ອນໄຫວໃນເຂດສ່ຽງ.
5. ສົ່ງເສີມການດຳລົງຊີວິດປົກກະຕິແບບໃໝ່ New Normal ໃຫ້ເປັນຮູບປະທຳ.
6. ປະເມີນສະຖານະການ ແລະ ປັບປຸງມາດຕະການທາງການແພດ ແລະ ສັງຄົມໃຫ້ເໝາະສົມໃນແຕ່ລະໄລຍະ.
7. ໃຫ້ຄວາມຮູ້ ແລະ ສົ່ງເສີມການມີສ່ວນຮ່ວມຂອງທຸກພາກສ່ວນໃສ່ການຮັບມືກັບການລະບາດ.

ຂໍໃຫ້ທຸກຄົນໃຊ້ຊີວິດຢ່າງມີສະຕິ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ມສ ວຽງຈັນຈະເປີດຮຽນເຊິ່ງໜ້າ ມີຫ້ອງແຍກດ່ຽວສຳລັບປິ່ນປົວຜູ້ຕິດເຊື້ອ

ວັນທີ 17 ມັງກອນ 2022 ນີ້ ທ່ານ ທອງພັນ ອຸໄລທອນ ໄດ້ໃຫ້ສຳພາດຜ່ານໜັງສືພິມປະຊາຊົນວ່າ: ໃນກໍລະນີ ຜ…