ໜ້າຫຼັກ ການສືກສາ ມຊ. ສຳເລັດການສອບເສັງອອນລາຍເປັນຄັ້ງທຳອິດ ໃນການສອບເສັງຄັດເລືອກເອົານັກສຶກສາເຂົ້າຮຽນໃນສັກສຶກສາ 2021-2022

ມຊ. ສຳເລັດການສອບເສັງອອນລາຍເປັນຄັ້ງທຳອິດ ໃນການສອບເສັງຄັດເລືອກເອົານັກສຶກສາເຂົ້າຮຽນໃນສັກສຶກສາ 2021-2022

12 ຄົນ ກຳລັງອ່ານຢູ່
0
0
94
Loading...

ມະຫາວິທະຍາໄລແຫ່ງຊາດ(ມຊ)ຈັດການສອບເສັງຄັດເລືອກເອົານັກສຶກສາ ປະຈຳສົກສຶກສາ 2021-2022. ຜ່ານທາງລະບົບອອນລາຍຂຶ້ນ ໃນວັນທີ 25 ພະຈິກ 2021, ໂດຍມີຈຸດສູນລວມຄະນະກຳມະການຕັ້ງຢູ່ທີ່ສະໂມສອນຂອງສະຖາບັນຂົງຈື ມຊ. ໂດຍການໃຫ້ກຽດລົງຕິດຕາມການສອບເສັງຂອງທ່ານ ຮສ. ປອ. ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະກີລາ, ທ່ານ ຮສ. ປອ. ອຸດົມ ພອນຄຳເພັງ ຮັກສາການອະທິການບໍດີ ມຊ, ມີບັນດາທ່ານຮອງອະທິການບໍດີ, ບັນດາຄະນະກຳມະການຮັບຜິດຊອບການສອບເສັງຜ່ານທາງລະບົບອອນລາຍ, ພ້ອມດ້ວຍບັນດາຄະນະກຳມະການທັງ 12 ຈຸດເຂົ້າຮ່ວມ

ໃນສົກສຶກສາ 2021-2022 ນີ້ເນື່ອງຈາກມີການແຜ່ລະບາດຂອງພະຍາດໂຄວິດ 19 ທາງ ມຊ. ຈຶ່ງໄດ້ຫັນປ່ຽນຈາກການສອບເສັງແບບເຊິງໜ້າ ມາເປັນການສອບເສັງແບບທາງໄກ (ລະບົບອອນລາຍ) ໂດຍນຳໃຊ້ Google Platform (Gmail, Classroom, Meet and Chrome). ໃນການສອບເສັງຄັ້ງນີ້, ມຊ. ກໍໄດ້ວາງແຜນ ແລະກຽມຄວາມພ້ອມໃນທຸກໆດ້ານ ເປັນຕົ້ນແມ່ນການພັດທະນາໂປຣແກມເພື່ອຮັບຮອງໃຫ້ການສອບເສັງມີປະສິດຕິພາບ, ການແຕ່ງຕັ້ງອະນຸກຳມະການ, ຈັດເຝິກອົບຮົມດ້ານເຕັກນິກໄອທີໃຫ້ແຕ່ລະອະນຸກຳມະການ, ເຊິ່ງໄດ້ຈັດການສອບເສັງທົດລອງເຖິງ 2 ຄັ້ງເພື່ອໃຫ້ນັກສອບເສັງມີຄວາມພ້ອມ ແລະເຂົ້າໃຈລະບົບການສອບເສັງແບບອອນລາຍ. ການສອບເສັງຄັດເລືອກເອົານັກສຶກສາໃນສົກ 2021-2022 ໄດ້ແບ່ງອອກເປັນ 12 ຈຸດສອບເສັງ, ມີ 91 ຈຸ, ມີ 458 ຫ້ອງສອບເສັງ, ມີກຳມະການຍາມຫ້ອງສອບເສັງຈໍານວນ 458 ທ່ານ, ຫ້ອງ1ບັນຈຸນັກສອບເສັງຈຳນວນ 20 ຄົນ. ມີນັກຮຽນທີ່ມີໜ້າສອບເສັງຕົວຈິງຈຳນວນ 6.625 ຄົນ ຈາກຜູ້ທີ່ລົງທະບຽນເຂົ້າສອບເສັງທັງໝົດ 9,000 ກວ່າຄົນ, ການສອບເສັງເປັນໄດ້ແບ່ງອອກເປັນ 2 ກຸ່ມຄື ກຸ່ມ A ສອບເສັງວິຊາ ຄະນິດສາດ A, ຟີຊິກສາດ, ພາສາລາວ-ວັນນະຄະດີ, ເຄມີສາດ, ຊີວະສາດ ແລະພາສາອັງກິດ ມີຜູ້ສອບເສັງຕົວຈິງຈຳນວນ 2.378 ຄົນ ແລະກຸ່ມ B ສອບເສັງວິຊາຄະນິດສາດ B, ພາສາລາວ-ວັນນະຄະດີ, ພູມີສາດ, ປະຫວັດສາດ ແລະພາສາອັງກິດ; ມີຜູ້ສອບເສັງຕົວຈິງຈຳນວນ 4.249 ຄົນ, ການສອບເສັງແມ່ນຈັດຂຶ້ນພາຍໃນໜຶ່ງວັນ; ຕອນເຊົ້າເວລາ 9:00ໂມງ ເຖິງ 11:00 ໂມງ ແລະຕອນບ່າຍເວລາ 14:00 ໂມງເຖິງ 15:30 ນາທີ.

ທ່ານ ຮສ. ປອ. ພຸດ ສິມມາລາວົງ ກໍໄດ້ມີຄຳເຫັນຕໍ່ການສອບເສັງແບບທາງໄກຂອງ ມຊ. ເຊິ່ງທ່ານໄດ້ກ່າວບາງຕອນວ່າ: ທ່າມກາງການແຜ່ລະບາດຂອງພະຍາດໂຄວິດ 19 ໄດ້ສົ່ງຜົນກະທົບໃນຫຼາຍດ້ານ ໂດຍສະເພາະໃນຂົງເຂດວຽກງານການສຶກສາ, ຕາມທຳມະດາແລ້ວການສອບເສັງເຂົ້າ ມຊ. ແມ່ນຈະຈັດຂຶ້ນໃນຊວ່ງເດືອນ ກໍລະກົດ ຫາເດືອນສິງຫາ ຂອງທຸກໆປີ ແຕ່ມາໃນສົກສຶກສານີ້ ຈຳເປັນຕ້ອງໄດ້ປັບປ່ຽນຮູບແບບການສອບເສັງຈາກການສອບເສັງແບບເຊິ່ງໜ້າ ມາເປັນການສອບເສັງແບບທາງໄກ(online) ຖືເປັນຄັ້ງທຳອິດຂອງມະຫາວິທະຍາໄລແຫ່ງຊາດ ເຖິງແມ່ນວ່າຈະພົບຄວາມຫຍຸ້ງຍາກ ແຕ່ຄະນະນຳ ແລະພະນັກງານ, ຄູ-ອາຈານຂອງ ມຊ. ກໍໄດ້ສຸມທຸກກຳລັງແຮງເພື່ອຈັດການສອບເສັງຄັ້ງນີ້ເພື່ອໃຫ້ໄດ້ຮັບຜົນສຳເລັດ ເຖິງແມ່ນວ່າຈະພົບຄວາມຫຍຸງຍາກໃນການປັບປ່ຽນການສອບເສັງກໍຕາມ ແຕ່ທາງ ມຊ. ກໍມີການກະກຽມຄວາມພ້ອມທັງສາມາດຮັບປະກັນໄດ້ທັງຄວາມໂປ່ງໃສ ແລະຄຸນນະພາບ.
ສຳລັບຜົນການສອບເສັງ ຄາດວ່າ ຈະປະກາດຜົນໃຫ້ຊາບພາຍໃນ 2 ອາທິດ ຫຼັງຈາກການສອບເສັງ.
ທີ່ມາ:Facebook: ຂ່າວສານ ມຊ & ກະດານຂ່າວ ມຊ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ມສ ວຽງຈັນຈະເປີດຮຽນເຊິ່ງໜ້າ ມີຫ້ອງແຍກດ່ຽວສຳລັບປິ່ນປົວຜູ້ຕິດເຊື້ອ

ວັນທີ 17 ມັງກອນ 2022 ນີ້ ທ່ານ ທອງພັນ ອຸໄລທອນ ໄດ້ໃຫ້ສຳພາດຜ່ານໜັງສືພິມປະຊາຊົນວ່າ: ໃນກໍລະນີ ຜ…