Home ຂ່າວພາຍໃນ ອັດຕາການຕິດເຊື້ອພະຍາດຕັບອັກເສບ ສ່ວນໃຫຍ່ແມ່ນຈາກແມ່ສູ່ລູກ

ອັດຕາການຕິດເຊື້ອພະຍາດຕັບອັກເສບ ສ່ວນໃຫຍ່ແມ່ນຈາກແມ່ສູ່ລູກ

13 second read
0
0
73
Loading...

ສປປ ລາວ ແມ່ນໜຶ່ງໃນບັນດາປະເທດທີ່ມີອັດຕາ ການຕິດເຊື້ອພະຍາດຕັບອັກເສບ ສູງ ໂດຍສະເພາະ ແມ່ນຊະນິດ ແລະ C. ອີງຕາມການຄາດຄະເນ ຂອງກະຊວງສາທາລະນະສຸກ ສປປ ລາວ ມີອັດຕາການຕິດເຊື້ອ ພະຍາດຕັບອັກເສບ ຊຳເຮື້ອແມ່ນ ປະມານ 8,7% ແລະ ອັດຕາການຕິດ ເຊື້ອພະຍາດຕັບອັກເສບ ຊຳເຮື້ອແມ່ນ 0.7%(49.000 ຄົນ) ເຊິ່ງສ່ວນໃຫຍ່ແມ່ນຕິດຕໍ່ຈາກແມ່ສູ່ລູກ. ເຊື້ອໄວຣັສຕັບອັກເສບ ມີທັງໝົດ 5 ຊະນິດຕົ້ນຕໍ ປະກອບມີ ຊະນິດ A, B, C, D ແລະ ໂດຍສອງໃນນັ້ນ ຄື: ຊະນິດ ແລະ C ທີ່ເປັນສາເຫດຕົ້ນຕໍທີ່ພາ ໃຫ້ເປັນພະຍາດ ແລະ ເຮັດໃຫ້ເສຍຊີວິດ.

ທ່ານ ດຣ ບຸນ​ໜັກ ​ໄຊຊະນະ​ສົງຄາມ ຫົວໜ້າ​ກົມ​ປິ່ນປົວ ​ແລະ ຟື້ນ​ຟູ​ໜ້າ​ທີ່​ການ ກະຊວງ​ສາທາ ລະນະ​ສຸກ ​ກ່າວ​ໃນ​ພິທີສະເຫລີມສະຫລອງ ວັນອັກເສບຕັບໂລກ ພາຍໃຕ້ຫົວຂໍ້ ສູ້ຊົນລົບລ້າງພະຍາດຕັບອັກເສບ ໃນປີ 2030” ເຊິ່ງຈັດຂຶ້ນໃນວັນທີ 28 ສິງຫາ 2019 ທີ່ນະຄອນຫລວງວຽງຈັນ. ພ້ອມລະບຸວ່າ: ໃນອະນາຄົດ,ພະຍາດ ຕັບອັກເສບ ແລະ C ອາດຈະມີການລະບາດ ໃນວົງກວ້າງທົ່ວໂລກ ຖ້າຫາກຍັງຂາດການເອົາໃຈໃສ່ ຕໍ່ວຽກງານການປ້ອງກັນ ແລະ ປິ່ນປົວພະຍາດດັ່ງກ່າວ. ພະຍາດຕັບ ອັກເສບແມ່ນພະຍາດ ທີ່ເກີດຈາກໄວຣັສທີ່່ທໍາລາຍຕັບ ເຊິ່ງເປັນບັນຫາທາງ ດ້ານສຸຂະພາບທີ່ຄົນເບິ່ງຂ້າມ ເນື່ອງຈາກບາງຄັ້ງ ກໍບໍ່ສະແດງອາການບາງຄົນ ຖືເຊື້ອໄດ້ຫລາຍປີ ໂດຍບໍ່ໄດ້ມີອາການເຈັບປ່ວຍ ຫລື ອາການສະແດງອອກ.


ຢ່າງໃດກໍຕາມ
ຖ້າບໍ່ໄດ້ຮັບການປິ່ນປົວ ເຊື້ອໄວຣັສຈະທໍາລາຍຕັບ ຂອງຜູ້ທີ່ຕິດເຊື້ອຢ່າງຊ້າໆ ສ່ວນໃຫຍ່ຈະພາ ໃຫ້ເກີດເປັນພະຍາດມະເຮັງຕັບ ແລະ ກໍລະນີທີ່ເປັນ ມະເຮັງຕັບ ແມ່ນຍ້ອນການເຂົ້າເຖິງການກວດຫາເຊື້ອ ແລະ ການປິ່ນປົວຊ້າສຳລັບເສັ້ນທາງການຕິດຕໍ່ ຂອງເຊື້ອໄວຣັດຕັບອັກເສບ ຊະນິດ Aແລະ ແມ່ນ ຍ້ອນຂາດການສຸ ຂະອະນາໄມທີ່ດີກິນອາຫານ ແລະ ນ້ຳທີ່ບໍ່ສະອາດ ​ໂດຍສະເພາະ ການຕິດຕໍ່ຂອງເຊື້ອໄວຣັດຕັບອັກເສບ B ຫລັກໆແມ່ນຜ່ານເລືອດ ເຊັ່ນ: ແມ່ສູ່ລູກການຮັບສົ່ງ ເລືອດທີ່ມີເຊື້ອໄວຣັສອຸປະກອນທາງການແພດບໍ່ອະເຊື້ອ ຫລື ໃຊ້ເຂັມສັກຢາຮ່ວມກັນ ໂດຍສະເພາະກຸ່ມ ທີ່ໃຊ້ສານເສບຕິດ ດ້ວຍການສັກຢາທີ່ໃຊ້ເຂັມ ຮ່ວມກັນ. ພະຍາດ ຕັບອັກເສບ ສາມາດປ້ອງກັນໄດ້ໂດຍການຮັບຢາວັກຊີນທີ່ປອດໄພມີປະສິດທິພາບ ແລະ ມີປະສິດຕິຜົນ.


ທ່ານ ດຣ ບຸນ​ໜັກ ​ໄຊຊະນະ​ສົງຄາມ ກ່າວ​ຕື່ມ​ວ່າ: ອົງການອະນາໄມໂລກ ໄດ້ແນະນໍາໃຫ້ເດັກທຸກຄົນ ເຂົ້າຮັບຢາວັກຊີນ ປ້ອງກັນພະຍາດຕັບອັກເສບຕັບ 
ໃຫ້ເດັກເກີດ ໃໝ່ພາຍໃນ 24 ຊົ່ວໂມງຫລັງເກີດ ແລະ ອີກ 3 ຄັ້ງໃນເວລາຕໍ່ມາໄວຣັດຕັບອັກເສບຊະນິດ ສ່ວນໃຫຍ່ຈະຖືກສົ່ງຜ່ານການ ສຳຜັດເລືອດທີ່ມີເຊື້ອ. ສິ່ງນີ້ອາດຈະເກີດຂຶ້ນ ໂດຍການຮັບເລືອດ ຫລື ຜະລິດຕະພັນເລືອດທີ່ມີເຊື້ອການສັກຢາ ຫລື ອຸປະກອນການແພດທີ່ອະເຊື້ອ ແລະ ຜ່ານການ ສັກຢາເສບຕິດຮ່ວມກັນມີພຽງເລັກໜ້ອຍ ທີ່ຕິດຕໍ່ທາງເພດສຳພັນ. ປັດຈຸບັນ ຜູ້ທີ່ເປັນພະຍາດຕັບອັກເສບ ​​ສາມາດປິ່ນປົວໃຫ້ຫາຍຂາດໄດ້ພາຍໃນສາມເດືອນໂດຍການກິນຢາ ຕ້ານໄວຣັສ.

ຂ່າວມະນີທອນ
ທີ່ມາຂ່າວ ຂປລ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ດ່ວນ​! ກະຊວງສຶກສາທິການ ແລະ ກິລາ ອອກແຈ້ງການ ກຳນົດວິຊາເລືອກສອບເສັງ ມ.7

ກະຊວງສຶກສາທິການ ແລະ ກິລາ ອອກແຈ້ງການ ກຳນົດວິຊາເລືອກສອບເສັງ ມ.7 ການສົ່ງຫົວບົດສອບເສັງຈົບຊັ້ນມ…