ໜ້າຫຼັກ ຂ່າວຕ່າງປະເທດ ຍີ່ປຸ່ນໄດ້ Miss World ອາຍຸນ້ອຍທີ່ສຸດໃນປະຫວັດສາດ ເປັນສາວນັກຮຽນມັດທະຍົມໄວ 16 ປີ

ຍີ່ປຸ່ນໄດ້ Miss World ອາຍຸນ້ອຍທີ່ສຸດໃນປະຫວັດສາດ ເປັນສາວນັກຮຽນມັດທະຍົມໄວ 16 ປີ

14 ຄົນ ກຳລັງອ່ານຢູ່
0
0
244
Miss World ອາຍຸນ້ອຍທີ່ສຸດໃນປະຫວັດສາດ ເປັນສາວນັກຮຽນມັດທະຍົມໄວ 16 ປີ
Loading...

ຍີ່ປຸ່ນໄດ້ຕົວແທນປະເທດເພື່ອຮ່ວມປະກວດ Miss World 2019 ເປັນທີ່ຮຽບຮ້ອຍແລ້ວ ໂດຍໃນປີນີ້ມຸງກຸດຕົກເປັນຂອງສາວນ້ອຍໄວພຽງ 16 ປີ ເຊິ່ງຖືກວ່າມີອາຍຸນ້ອຍທີ່ສຸດໃນປະຫວັດສາດຂອງຍີ່ປຸ່ນ.

ມາຣິກະ ເຊຣະ (Marika Sera) ໄດ້ຮັບມຸງກຸດ Miss World Japan 2019 ໃນການປະກວດເມື່ອຄໍ່າຄືນຂອງວັນທີ 27 ສິງຫາທີ່ຜ່ານມາ ເຊິ່ງຈັດຂຶ້ນທີ່ ANA InterContinental.

ສາວໄວ 16 ປີຄົນນີ້ເປັນນັກຮຽນຊັ້ນມັດທະຍົມຈາກແຂວງ ຄານະກະວະ ສາມາດເອົາຊະນະຜູ້ສະໝັກທົ່ວປະເທດເຊິ່ງມີຫຼາຍເຖິງ 8,000 ຄົນ. ມາຣິກະ ເຮັດໃຫ້ຊາວຍີ່ປຸ່ນຕ້ອງຕົກຕະລຶງ ເພາະມີຄວາມງົດງາມຫຼາຍເຖິງວ່າຈະເປັນພຽງສາວໃນໄວນັກຮຽນມັດທະຍົມປາຍກໍຕາມ.

ມາຣິກະ ສາມາດເວົ້າພາສາ ອັງກິດ ແລະ ຝຣັ່ງໄດ້ ພ້ອມທັງສາມາດເຕັ້ນບັນເລ່ ແລະ ຮິບຮັອບ. ເພື່ອເປັນສ່ວນໜຶ່ງຂອງຄຳຂວັນ Beauty with a Purpose ນາງຈະຊ່ວຍໃຫ້ບໍລິສັດຕ່າງໆອອກແບບຜະລິດຕະພັນເພື່ອຕໍ່ສູ້ກັບບັນຫາສິ່ງແວດລ້ອມທາງທະເລ.

“ຂ້ອຍຮູ້ສຶກມີຄວາມສຸກ ແລະ ມີຄວາມຮັບຜິດຊອບຫຼາຍ. ຂ້ອຍຈະເຮັດໃຫ້ດີທີ່ສຸດເພື່ອເປັນຕົວແທນໃຫ້ແກ່ປະເທດຍີ່ປຸ່ນ”, ມາຣິກະ ກ່າວ.

ມາຣິກະ ຈະຮັບໜ້າທີ່ດັ່ງກ່າວເປັນເວລາ 1 ປີ ແລະ ຈະເປັນຕົວແທນຍີ່ປຸ່ນ ແລະ ອີກ 130 ປະເທດທົ່ວໂລກໃນກິດຈະກຳການປະກວດໄລຍະ 3 ອາທິດ ແລະ ການປະກວດຮອບຕັດສິນຂອງ Miss World ຄັ້ງທີ 69.

ການປະກວດຮອບຕັດສິນດັ່ງກ່າວຈະມີການຖ່າຍທອດສົດໃນຫຼາຍກວ່າ 150 ປະເທດທົ່ວໂລກ ເຊິ່ງແຟນນາງງາມຈະໄດ້ເຫັນ Vanessa Ponce de Leon ເປັນຜູ້ສວມມຸງກຸດໃຫ້ Miss World ຄົນທີ 69 ຂອງໂລກ.

ຂໍຂອບໃຈ ທີ່ມາຂ່າວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ຈີນຕື່ນ! ພົບເຊື້ອພະຍາດໂຄວິດ-19 ໃນປາມຶກແຊ່ແຂງ ພ້ອມເຕືອນຄົນຊື້ ໄປກວດພະຍາດດັ່ງກ່າວ

ເຈົ້າໜ້າທີ່ຈີນເປີດເຜີຍວ່າ: ໄດ້ພົບເຫັນເຊື້ອພະຍາດໂຄວິດ-19 ໃນ ປາມຶກ ທີ່ນຳເຂົ້າຈາກປະເທດຣັດເຊຍ.…