ໜ້າຫຼັກ ຂ່າວພາຍໃນ ຣັດເຊຍ ມອບ ຫ້ອງຂັບເຝິກແອບຈຳລອງເຮືອບິນສູ້ຮົບ Yak-130 ໃຫ້ ສປປ ລາວ

ຣັດເຊຍ ມອບ ຫ້ອງຂັບເຝິກແອບຈຳລອງເຮືອບິນສູ້ຮົບ Yak-130 ໃຫ້ ສປປ ລາວ

2 ຄົນ ກຳລັງອ່ານຢູ່
0
0
186
ຣັດເຊຍ ມອບ ຫ້ອງຂັບເຝິກແອບຈຳລອງເຮືອບິນສູ້ຮົບ Yak-130 ໃຫ້ ສປປ ລາວ
Loading...

ເມື່ອອາທິດຜ່ານມາ ຢູ່ທີ່ກອງພັນໃຫຍ່ 702, ບໍລິສັດລັດ ວິສາຫະກິດ ໂຣສອາບາໂຣນ ແອັກສະປອດ ແຫ່ງ ສະຫະພັນຣັດເຊຍ ໄດ້ມອບຫ້ອງຂັບເຝິກແອບຈຳລອງເຮືອບິນສູ້ຮົບ Yak-130 ໃຫ້ ແກ່ກະຊວງປ້ອງກັນປະເທດແຫ່ງ ສປປ ລາວ, ໂດຍການເຂົ້າຮ່ວມເປັນປະທານຂອງ ທ່ານ ພັນເອກ ພັນທະມິດ ວໍລະບຸດ ຮອງຜູ້ບັນຊາການທະຫານອາກາດກອງທັບປະຊາຊົນລາວ, ທ່ານ ນາງ ຈູເລຍ ກາວຈຶດ ຫົວໜ້າຄະນະວິຊາການຣັດເຊຍ ແລະ ຜູ້ຕາງໜ້າບໍລິສັດລັດວິສາຫະກິດໂຣສ ອາບາໂຣນ ແອັກສະປອດ, ທ່ານ ບົວສອນ ສີນວນທອງ ຮອງເຈົ້າແຂວງໆຊຽງຂວາງ, ມີຄະນະນໍາຕາງໜ້າກອງພັນໃຫຍ່ 703, 702, ກົມກອງອ້ອມຂ້າງ ພ້ອມດ້ວຍບັນດາທ່ານແຂກ ແລະ ພະນັກງານວິຊາການທີ່ ກ່ຽວຂ້ອງທັງສອງຝ່າຍເຂົ້າຮ່ວມ.

ໃນພິທີ ທ່ານ ນາງ ຈູເລຍ ກາວຈຶດ ຕາງໜ້າໃຫ້ບໍລິສັດລັດ ວິສາຫະກິດໂຣສອາບາໂຣນແອັກ ສະປອດ ຂຶ້ນກ່າວມອບ ຫ້ອງຂັບຈຳລອງເຮືອບິນເຝິກແອບສູ້ ຮົບ Yak-130, ຈາກນັ້ນ ທ່ານ ພັນ ເອກ ພັນທະມິດ ວໍລະບຸດ ຮອງ ຜູ້ບັນຊາການທະຫານອາກາດ ຕາງໜ້າກະຊວງປ້ອງປະເທດ ແຫ່ງ ສປປ ລາວ ຂຶ້ນກ່າວຮັບພ້ອມ ທັງມີຄຳເຫັນວ່າ: ການໄດ້ຮັບຫ້ອງຂັບຈຳລອງເຮືອບິນເຝິກແອບສູ້ຮົບດັ່ງກ່າວນີ້ ເປັນການປະກອບສ່ວນອັນສຳຄັນໃນການຍົກລະດັບຄວາມສາມາດໃນ ການເຝິກແອບເຮືອບິນສູ້ຮົບ ແລະ ຈຸບິນຂອງກອງບັນຊາການທະຫານອາກາດກອງທັບປະຊາຊົນລາວໃຫ້ສູງຂຶ້ນ, ທັງເປັນການສ້າງຄວາມເຂັ້ມແຂງ ແລະ ເພີ່ມທະວີປະສິດທິພາບໃຫ້ແກ່ວຽກງານປັບປຸງກໍ່ສ້າງກອງທັບໃນການປົກປັກຮັກສາເຂດນ່ານຟ້າ ຂອງ ສປປ ລາວ ໄວ້ຢ່າງໝັ້ນຄົງ ແລະ ຈະເອົາໃຈໃສ່ຊີ້ນໍາການອົບຮົມຫັດແອບໃຫ້ມີປະສິດທິຜົນ ສູງ.

ພ້ອມນັ້ນກໍຈະເອົາໃຈໃສ່ບຳລຸງ ແລະ ກໍ່ສ້າງບຸກຄະລາກອນ, ນັກວິຊາການເພື່ອຮັບຮອງການນຳໃຊ້ຍົນດັ່ງກ່າວ. ການມອບ-ຮັບໃນຄັ້ງນີ້ ແມ່ນສະແດງໃຫ້ເຫັນເຖິງຄວາມເຕີບໃຫຍ່ຂະຫຍາຍຕົວໃນສາຍພົວພັນຮ່ວມມືທີ່ສະໜິດແໜ້ນໃນ ວຽກງານປ້ອງກັນຊາດຂອງສອງຝ່າຍ ແລະ ຍັງສະແດງໃຫ້ເຫັນເຖິງຄວາມໄວ້ເນື້ອເຊື່ອໃຈຂອງກອງທັບປະຊາຊົນລາວຕໍ່ ການນຳໃຊ້ຜະລິດຕະພັນຂອງສະຫະພັນຣັດເຊຍອີກດ້ວຍ. ພ້ອມທັງກ່າວມອບຫ້ອງເຝິກຈຳລອງດັ່ງກ່າວໃຫ້ແກ່ກອງພັນ ໃຫຍ່ 702.

ຂໍຂອບໃຈ/ ທີ່ມາຂ່າວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ໜ້າເຫັນໃຈ!​ ພະນັກງານບາງຄົນຈຳເປັນຕ້ອງອອກຈາກເຮືອນແຕ່ຖືກເຈົ້າໜ້າທີ່ຕຳຫຼວດສະກັດກັ້ນ

ວັນທີ​ 23​ ກັນຍາ​ 2021​ ເປັນມື້ ທີ​ 5​ ຂອງ​ການລັອກດາວ​ນະຄອນຫຼວງວຽງຈັນ​ ແຕ່ສະພາບການສັນຈອນໄປ…