Home ຂ່າວຕ່າງປະເທດ ອາຊຽນເປີດສາກຝຶກຊ້ອມຮົບທາງທະເລຮ່ວມກັບສະຫະລັດອາເມລິກາ ເປັນຄັ້ງທຳອິດ

ອາຊຽນເປີດສາກຝຶກຊ້ອມຮົບທາງທະເລຮ່ວມກັບສະຫະລັດອາເມລິກາ ເປັນຄັ້ງທຳອິດ

1 second read
0
0
38
ອາຊຽນເປີດສາກຝຶກຊ້ອມຮົບທາງທະເລຮ່ວມກັບສະຫະລັດອາເມລິກາ ເປັນຄັ້ງທຳອິດ
Loading...

ໄທ​ເປັນ​ປະ​ທານ​ຮ່ວມ​ຝຶກ​ຊ້ອມ​ຮົບ​ທາງ​ທະ​ເລ ‘ເທື່ອທຳອິດ’ ລະຫວ່າງ 10 ປະເທດ​ສະມາຊິກ​ອາ​ຊຽນ​-​ສະຫະລັດອາເມລິກາ ເລີ່ມ​ຢ່າງ​ເປັນ​ທາງ​ການ​ມື້​ນີ້ (2 ກັນຍາ 2019) ແລະ​ຈະ​ດຳ​ເນີນ​ຕໍ່ໄປ​ອີກ 5 ມື້ ຈົນ​ເຖິງ​ກຳນົດ​ຈົບ​ພາລະ​ກິດ 7 ກັນຍາ.

ການ​ຝຶກ​ຊ້ອມ​ຮົບ​ທາງ​ທະ​ເລ​ຮ່ວມ​ກັນ​ເທື່ອ​ນີ້ ເລີ່ມ​ຂຶ້ນ​ທີ່​ຖານ​ທັບ​ເຮືອ​ໃນ​ແຂວງ​ຊົນ​ບຸ​ຣີ​ຂອງ​ໄທ ເພາະ​ປັດຈຸບັນ​ປະເທດ​ໄທ​ເປັນ ‘ປະ​ທານ​ອາ​ຊຽນ’ ເຮັດໃຫ້​ໄທ​ໄດ້ຮັບ​ຕຳແໜ່ງ ‘ປະ​ທານ​ຮ່ວມ’ ຂອງ​ການ​ຝຶກ​ຊ້ອມ​ຮົບ​ເທື່ອ​ນີ້​ໄປ​ນຳ ແລະ ​ນັກ​ວິ​ເຄາະ​ຕ່າງ​ປະເທດຄິດ​ວ່າ ການ​ຝຶກ​ຊ້ອມ​ຮົບ​ເທື່ອ​ນີ້ ມີ​ຄວາມ​ສຳຄັນ​ທາງ​ຍຸດທະສາດ​ຄວາມໝັ້ນຄົງ, ການ​ຮ່ວມ​ມື​ທາງ​ການ​ທະຫານ ແລະ​ ການ​ຄ້າ​ລະຫວ່າງ​ປະເທດ​ໃນ​ເອ​ເຊຍ​ປາ​ຊິ​ຟິກ.

ທີ່​ຜ່ານມາ ສະຫະລັດ ຮວມທັງ​ປະເທດ​ອາ​ຊຽນ ເຄີຍ​ຝຶກ​ຊ້ອມ​ຮົບ​ຮ່ວມ​ກັນ​ມາ​ກ່ອນ​ແລ້ວ ທັງ​ແບບ​ສະ​ເທີນ​ນ້ຳ​ສະ​ເທີນ​ບົກ ແລະ​ ການ​ຝຶກ​ປະສົມ​ໃນ​ດ້ານ​ຕ່າງ​ໆ ບໍ່​ວ່າ​ຈະ​ເປັນ​ຄໍບ​ຣາ​ໂກ​ລ, ກະ​ຣັດ ແລະ ​ຊີ​ແຄດ (SEACAT). ແຕ່​ການ​ຝຶກ​ຊ້ອມ​ຮົບ​ທາງ​ທະ​ເລ​ຮ່ວມ​ກັນ ຖື​ວ່າ​ເທື່ອ​ນີ້​ເປັນ​ເທື່ອທຳອິດ.

ຫຼັງ​ຈາກ​ເປີດ​ສາກ​ທີ່​ປະເທດ​ໄທ​ໄປ​ແລ້ວ ການ​ຝຶກ​ຊ້ອມ​ທາງ​ທະ​ເລ​ຕໍ່​ຈາກ​ນັ້ນ​ຈະ​ເຄື່ອນ​ໄປ​ຈັດ​ທີ່​ນ່ານ​ນ້ຳ​ທະ​ເລ​ຫວຽດ​ນາມ ຕິດ​ກັບ​ເມືອງ ‘ກ່າ​ເມົາ’ ເພາະ​ຫວຽດ​ນາມ​ຈະ​ຮັບ​ຕຳແໜ່ງ ‘ປະ​ທານ​ອາ​ຊຽນ’ ຕໍ່​ຈາກ​ໄທ​ໃນ​ປີ​ໜ້າ. ສ່ວນ​ການ​ຝຶກ​ຊ້ອມ​ຮົບ​ທາງ​ທະ​ເລ​ທີ່​ຫວຽດ​ນາມ​ຈະ​ເປັນ​ການ​ຈຳ​ລອງ​ສະຖານະການ​ເພື່ອ​ໃຫ້​ທະຫານ​ທີ່​ເຂົ້າ​ຮ່ວມ​ຝຶກ​ໄດ້​ທົດລອງ​ວາງ​ແຜນ​ຍຸດທະສາດ​ ແລະ ​ປະຕິບັດການຈຳລອງ ໂດຍ​ຈະ​ມີ​ເຮືອ​ຮົບ​ຈາກ​ປະເທດ​ຕ່າງ​ໆ ເຂົ້າ​ຮ່ວມ ຮວມທັງ ‘ມຽນ​ມາ’.

ສ່ວນຖະແຫຼງການ​ຮ່ວມ​ຂອງ​ກອງທັບ​ສະຫະລັດ ແລະ ​ໄທ ລະ​ບຸ​ວ່າ​ການ​ຝຶກ​ຊ້ອມ​ຮົບ​ທາງ​ທະ​ເລ​ເທື່ອ​ນີ້ “ມີ​ເປົ້າ​ໝາຍ​ເພື່ອ​ປ້ອງ​ກັນ ​ແລະ ​ປາບ​ປາມ​ການ​ກໍ່​ອາດຊະຍາກຳ​ທາງ​ທະ​ເລ ແລະ ​ປະເທດ​ຕ່າງ​ໆ ທີ່​ເຂົ້າ​ຮ່ວມ​ການ​ຝຶກ​ຊ້ອມ​ຮົບ ຈະ​ແບ່ງ​ປັນ​ຂໍ້​ມູນ​ລະຫວ່າງ​ກັນ ຮວມທັງ​ເສີມ​ສ້າງ​ຄວາມ​ຮັບ​ຮູ້ ແລະ ​ການ​ຮ່ວມ​ມື​ພາຍໃຕ້​ຫຼັກ​ກົດໝາຍ​ລະຫວ່າງ​ປະເທດ ​ແລະ ​ກົດໝາຍ​ຂອງ​ປະເທດ​ພາ​ຄີ”.

ຢ່າງໃດ​ກໍ​ຕາມ ສຳ​ນັກ​ຂ່າວ​ວີ​ໂອ​ເອ​ຂອງ​ສະຫະລັດ ລາຍ​ງານ​ວ່າ ການ​ຝຶກ​ຊ້ອມ​ຮົບ​ທາງ​ທະ​ເລ​ເທື່ອ​ນີ້​ມີ​ຄວາມ​ສຳຄັນ​ຈຸດ​ທີ່​ເປັນ​ການ ‘ສ້າງ​ດຸນ​ອຳນາດ’ ລະຫວ່າງ​ສະຫະລັດ ກັບ​ຈີນ​ໃນ​ພາກພື້ນ​ເອ​ເຊຍ​ຕາເວັນ​ອອກ​ສ່ຽງ​ໃຕ້ ຫຼັງ​ຈາກ​ທີ່​ຈີນ​ເຂົ້າ​ມາ​ມີບ​ົດ​ບາດ​ໃນ​ພາກພື້ນ​ນີ້​ຫຼາຍ​ຂຶ້ນ​ເລື້ອຍ​ໆໃນໄລຍະສິບ​ກວ່າ​ປີ​ທີ່​ຜ່ານມາ ພ້ອມທັງ​ຍັງ​ຝຶກ​ຊ້ອມ​ຮົບ​ທາງ​ທະ​ເລ​ຮ່ວມ​ກັບ​ປະເທດ​ອາ​ຊຽນ​ໄປ​ກ່ອນ​ໜ້າສະຫະລັດຕັ້ງ​ແຕ່​ເມື່ອ​ປີ​ກ່ອນອີກ​ດ້ວຍ.

ທາງ​ດ້ານ ‘ວິນ​ລຽມ ຊຸງ’ ນັກ​ວິໄຈ​ອາ​ວຸ​ໂສ​ດ້ານ​ຄວາມໝັ້ນຄົງ​ແຫ່ງ​ສ​ະຖາ​ບັນ​ການສຶກສາ​ຍຸດທະສາດ​ລະຫວ່າງ​ປະເທດ​ໃນ​ສິງກະໂປປະ​ເມີນ​ວ່າ ການ​ທີ່​ອາ​ຊຽນ​ຝຶກ​ຊ້ອມ​ຮົບ​ກັບ​ສະຫະລັດໃນ​ປີ​ນີ້ ແມ່ນການ​ສົ່ງ​ສັນຍານວ່າ ອາ​ຊຽນ​ໃຫ້​ນ້ຳ​ໜັກ​ກັບ​ທັງ​ສະຫະລັດ ແລະ​ ຈີນ​ຢ່າງ​ເທົ່າ​ທຽມ​ກັນ ເພາະ​ອາ​ຊຽນ​ຢຶດ​ຫຼັກ​ກາ​ນວ່າ​ຈະ​ຕ້ອງ​ບໍ່​ຖືກ​ດຶງ​ເຂົ້າໄປ​ເປັນ​ສ່ວນໜຶ່ງ​ຂອງ​ການ​ແຂ່ງ​ຂັນ​ຊ່ວງ​ຊີງ​ອຳນາດ​ໃດ​ໆມາ​ຕະຫຼອດ.

ຂໍຂອບໃຈ/ທີ່ມາຂ່າວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ສຸກເສີນ ! ນໍ້າມັນດິບຮົ່ວໄຫຼຫຼາຍກວ່າ 20 ພັນໂຕນ

ແຫຼ່ງຂ່າວ ບີບີຊີລາຍງານ ວັນທີ 4 ມິຖຸນານີ້ວ່າ: ປະທານາທິບໍດີຣັດເຊຍທ່ານ Vladimir Putin ໄດ້ປະກາ…