ໜ້າຫຼັກ ຂ່າວຕ່າງປະເທດ ສີລັງກາ ອະນຸຍາດໃຫ້ພະນັກງານລັດຢຸດພັກວຽກໄປປູກຜັກ

ສີລັງກາ ອະນຸຍາດໃຫ້ພະນັກງານລັດຢຸດພັກວຽກໄປປູກຜັກ

0 ຄົນ ກຳລັງອ່ານຢູ່
0
0
66
Loading...

ອີງຕາມ​ຂ່າວ​ຈາກ​ ສີ​ລັງກາ,​ ວັນ​ທີ​ 14​ ມິຖຸນາ​ 2022​ ນີ້, ສີ​ລັງກາ ພວມ​ຜະ​ເຊີນວິ​ກິດດ້ານ​ອາຫານ ​ເຊັ່ນ​ດຽວ​ກັນ​ກັບ ນ້ຳມັ​ນ ​ແລະ ຢາປິ່ນປົວ​ພະຍາດ. ຂະນະ​ທີ່ ​ໄພ​ເງິນ​ເຟີ້​ສູງ​ຂຶ້ນ ​ສົ່ງ​ຜົນ​ກະທົບ​ ຕໍ່​ລາຍ​ໄດ້ ​ຄົວ​ເຮືອນ.

ດັ່ງນັ້ນ,​ ຄະນະ​ລັດຖະມົນຕີອະນຸຍາດໃຫ້​ພະນັກງານ​ລັດ ​ໃຊ້​ວັນພັກພິ​ເສດທຸກ​ວັນ​ສຸກ ​ເປັນ​ເວລາ 3​ ເດືອນ ​ໂດຍ​ບໍ່ ​ໄດ້​ຫັກ​ເງິນ​ເດືອນ ຍົກ​ເວັ້ນເຈົ້າໜ້າ​ທີ່​ບໍລິຫານທີ່​ຈຳ​ເປັນໄປ​ປູກ​ຜັກສວນ​ຄົວ ເພື່ອ​ແກ້​ໄຂ​ບັນຫາຂາດ​ແຄນ​ອາຫານ ໃນ​ຕໍ່ໜ້າ.​

ຂະນະ​ທີ່ລັດຖະບານຈະ​ອຳ​ນວຍ​ຄວາມ​ສະດວກທີ່​ຈຳ​ເປັນ​ໃຫ້​ ເພື່ອ​ຍົກ​ສູງ​ການ​ດຳລົງ​ຊີວິດໃຫ້​ດີ​ຂຶ້ນ.​

ນອກຈາກ​ນີ້ ພະນັກງານ​ລັດ ບໍ່​ຕ້ອງເດີນທາງມາ​ເຮັດ​ວຽກ ​ເພື່ອ​ຊ່ວຍຜ່ອນການ​ນຳໃຊ້ ​ນ້ຳມັນ​ແພງ ​ແລະ​ ຂາດ​ແຄນນ້ຳມັນ ນັບ​ມື້ຫຼາຍ​ຂຶ້ນກວ່າ​ເກົ່າ.

ສຳລັບ​ພະນັກງານ​ລັດສີລັງກາປະມານ 1,5​ ລ້ານ​ຄົນ ຖ້າ​ມີ​ຄວາມ​ຕ້ອງການອອກ​ໄປເຮັດ​ວຽກຢູ່​ຕ່າງປະ​ເທດສາມາດລາ​ພັກແບບ​ບໍ່​ຮັບ​ເງິນ​ເດືອນ​ ໄດ້​ເຖິງ 5​ ປີ ​ໂດຍ​ບໍ່​ກະທົບ​ກັບຄວາມ​ອາວຸ​ໂສ ຫຼື​ບຳນານ.​

ການ​ເຄື່ອນ​ໄຫວ​ຄັ້ງນີ້ ​​ເພື່ອກະ​ຕຸ້ນ​ໃຫ້​ປະຊາຊົນໄປ​ເຮັດ​ວຽກ​ຕ່າງ​ແດນ​ຫຼາຍ​ຂຶ້ນ ແລ້ວ​ສົ່ງ​ເງິນ​ກັບຄືນປະ​ເທດເນື່ອງ​ຈາກ ສີ​ລັງ​ກາຂາດ​ແຄນ​ເງິນຕາຕ່າງປະ​ເທດເພື່ອ​ຫາ​ຊື້​ສິນຄ້າ​ນຳ​ເຂົ້າ ​ແລະ​ ອື່ນໆ​ອີກ.

ທີ່ມາຂ່າວຈາກ: ສຳນັກຂ່າວສານປະເທດລາວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ສະຖານະການໃນຢູເຄຣນດຸເດືອດ ບໍ່ມີທ່າມີຈະຢຸດລົງໄດ້

ວັນທີ 17 ມິຖຸນາ 2022 ນີ້, ຢູ່ທີ່ສູນວິທະຍາສາດ ແລະ ວັດທະນະທໍາ ສ ຣັດເຊຍ ປະຈໍາ ສປປ ລາວ, ທ່ານ ດ…