ໜ້າຫຼັກ ຂ່າວຕ່າງປະເທດ ຈີນມອງວ່າກໍລະນີອາເມລິກາຈະຂາຍອາວຸດໃຫ້ໄຕ້ຫວັນ ເປັນການຍຸແຍ່ຂັ້ນຮຸນແຮງ​

ຈີນມອງວ່າກໍລະນີອາເມລິກາຈະຂາຍອາວຸດໃຫ້ໄຕ້ຫວັນ ເປັນການຍຸແຍ່ຂັ້ນຮຸນແຮງ​

8 ຄົນ ກຳລັງອ່ານຢູ່
0
0
52
Loading...

ວັນທີ​ 30 ສິງຫາ​ 2022 ຜ່ານມານີ້​ ສື່ທາງອາເມລິກາລາຍງານວ່າ ໂຈ ໄບເດັນ ປະທານາທິບໍດີ ວາງແຜນຈະຂໍສະພາຈາກລັດຄອງເກຣສອະນຸມັດຂາຍອາວຸດໃຫ້ໄຕ້ຫວັນ​ໃນມູນຄ່າ 1,1 ຕື້ໂດລາ ເປັນຂີປະນາວຸດຕໍ່ຕ້ານເຮືອຕາມໜ້ານໍ້າ ​AGM-84L Harpoon Block II ຈຳນວນ​ 60​ ຊຸດ​ແລະ​ ລະບົບຂີປະນາວຸດທາງອາກາດ AIM-9X Block II Sidewinder ສຳລັບຕິດອາວຸດເຮືອບິນຂັບໄລ່​ F-16 100 ລູກ

ວັນທີ 31 ສິງຫາຜ່ານມາ, ທ່ານຈ້າວລີ້ຈ່ຽນ ໂຄສົກກະຊວງ ການຕ່າງປະເທດຈີນໄດ້ຊີ້ໃຫ້ເຫັນໃນກອງປະຊຸມຖະແຫຼງຂ່າວວ່າ: ຝ່າຍທີ່ກ່ຽວຂ້ອງຂອງອາເມລິກາຄວນຢຸດການສົ່ງສັນຍານອັນຜິດພາດໃຫ້ແກ່ ອິດທິກຳລັງແບ່ງແຍກໄຕ້ຫວັນອອກຈາກປະເທດຈີນເພື່ອການເປັນເອກະລາດ.

ທ່ານຈ້າວລີ້ຈ່ຽນກ່າວເນັ້ນວ່າ: ໃນໂລກນີ້, ປະເທດຈີນມີພຽງປະເທດດຽວເທົ່ານັ້ນ, ໄຕ້ຫວັນແມ່ນພາກສ່ວນໜຶ່ງທີ່ແບ່ງແຍກອອກຈາກປະເທດຈີນບໍ່ໄດ້, ນັບແຕ່ໃດໆມາ, ຈີນກໍເດັດດ່ຽວຄັດຄ້ານອາເມລິກາໄປມາຫາສູ່ກັນແບບທາງການກັບເຈົ້າໜ້າທີ່ໄຕ້ຫວັນ ບໍ່ວ່າໃນຮູບແບບໃດໆ ຫຼື ໃນນາມໃດໆກໍຕາມ.

“ຈີນເຕືອນໃຫ້ຝ່າຍທີ່ກ່ຽວຂ້ອງຂອງອາເມລິກາ ຈົ່ງເຄົາລົບຫຼັກການປະເທດຈີນດຽວ ແລະ ຂໍ້ກຳນົດທີ່ກ່ຽວຂ້ອງທີ່ລະບຸໄວ້ໃນຖະແຫຼງການຮ່ວມ 3 ສະບັບລະຫວ່າງຈີນ-ອາເມລິກາ,​ ຄວນຢຸດການໄປມາຫາສູ່ກັນແບບທາງການກັບເຈົ້າໜ້າທີ່ໄຕ້ຫວັນ ເຊິ່ງບໍ່ວ່າໃນຮູບແບບໃດໆກໍຕາມ, ຢຸດສົ່ງສັນຍານອັນຜິດພາດໃຫ້ແກ່ອິດທິກຳລັງທີ່ ແບ່ງແບກໄຕ້ຫວັນໃຫ້ເປັນເອກະລາດ. ຈີນຈະນຳໃຊ້ມາດຕະການທີ່ແຂງແຮງ ເພື່ອປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຕົນຢ່າງເດັດດ່ຽວ”

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ມິຄາອິລ ກໍບາຊອບ ຜູ້ນຳຄົນສຸດທ້າຍຂອງສະຫະພາບໂຊວຽດ ເສຍຊີວິດ​ໃນ​ໄວ​ 91​ ປີອາການປ່ວຍຊຳເຮືອ

ສຳນັກຂ່າວ RT ລາຍງານໃຫ້ຮູ້ວ່າ: ມີຄາອິລ ກໍບາຊອບ ເສຍຊີວິດ​ໃນວັນທີ​ 30​ ສິງຫາ​ 2022 ໃນໄວ 91 ປີ…