ໜ້າຫຼັກ ຂ່າວພາຍໃນ ໜ້າເສົ້າ! ປາແດກອາຫານຍອດນິຍົມຂອງຄົນລາວ ກາຍເປັນສິນຄ້ານຳເຂົ້າ

ໜ້າເສົ້າ! ປາແດກອາຫານຍອດນິຍົມຂອງຄົນລາວ ກາຍເປັນສິນຄ້ານຳເຂົ້າ

0 ຄົນ ກຳລັງອ່ານຢູ່
0
1
497
Loading...

ປະເທດລາວມີຄວາມອຸດົມສົມບູນທາງດ້ານຊັບພະຍາກອນທາງທຳມະຊາດ ໃນນໍ້າມີປາ ໃນນາມີເຂົ້າ ແລະ​ ມີເອກະລັກຢ່າງໜຶ່ງວ່າ “ຄົນລາວກິນເຂົ້າໜຽວ ຈໍ້າປາແດກ”

ປາແດກເປັນວັດທະນະທຳການກິນຮ່ວມໃນໂຊນອຸສາຄະເນນ ຫຼື​ ປະເທດຕາເປັນອອກສຽງໃຕ້ ໂດຍສະເພາະລາວ,​ ໄທ,​ ກຳປູເຈຍ.

ສຳລັບປະເທດລາວຕັ້ງແຕ່ເໜືອຮອດໃຕ້ລ້ວນແຕ່ມີວັດທະນະທຳການກິນປາແດກ,​ ເກືອບທຸກເມນູອາຫານຕ້ອງໃສ່ປາແດກເຊັ່ນ: ແຈ່ວ​ປາແດກ, ໝົກປາແດກ, ລາບປາແດກ, ແກງໜໍ່, ເອາະຫຼາມ, ຕຳໝາກຫຸ່ງ, ຕຳທຸກໆຕຳຕ້ອງໃສ່ປາແດກ, ປີ້ງໄກ່ທາປາແດກ,​ ແກງປາ ແລະ​ອື່ນໆອີກຫຼວງຫຼາຍ ເຊິ່ງປາແດກທີ່ໃສ່ອາຫານການກິນນັ້ນລ້ວນແຕ່ເປັນປາແດກທີ່ເຮັດເອງສຳລັບກຸ້ມຄອບຄົວໃຜລາວ​ໂດຍການນຳປາມາຈາກຫ້ວຍນໍ້າໜອງຄອງບຶງທີ່ຫາໄດ້ຕາມລະດູການ.

ມາເຖິງຍຸກປັດຈຸບັນ ປາແດກຖືກຜະລິດເປັນສິນຄ້າ,​ ກາຍເປັນອຸດສາຫະກຳທາງອາຫານທີ່ມີວາງຈຳໜ່າຍ ໃນແບບສຳເລັດຮູບ ຜູ້ບໍລິໂພກມີຄວາມສະດວກສະບາຍ,​ ຜູ້ຜະລິດຂາຍມີກຳໄລ ນອກຈາກລາວເຮົາຜະລິດຮ່າຍຕຸກຂາຍແລ້ວ​ ພວກເຮົາຈະເຫັນບຸກຄົນດັງຂອງໄທອອກມາຜະລິດແບນປາແດກຈຳນວນຫຼາຍ​ແລະ​ ຖືກສົ່ງໄປຂາຍຢູ່ປະເທດອ້ອມຂ້າງລວມເຖິງລາວເຮົາ.

ເປັນຕາເສົ້າໃຈຫຼາຍທີ່ປາແດກກາຍເປັນສິນຄ້ານຳເຂົ້າສຳລັບຄົນລາວ ເວລາຍ່າງເຂົ້າໄປຕະຫຼາດມັກຈະເຫັນປາແດກທີ່ຮ່າຍຕຸກຂາຍລຽນເຕັມ ແຕ່ເມື່ອຈັບມາເບິ່ງເຫັນແຕ່ປາແດກນຳເຂົ້າ​ໂລດວ່າຊອກາປາແດກລາວບໍ່ເຫັນ.

ບັນຫານີ້ບໍ່ແມ່ນບັນຫາຂີ້ໄກ່ ແຕ່ມັນເປັນບັນຫາໃຫຍ່ລະດັບຊາດ​ ທີ່ພາກລັດຕ້ອງເຂັ້ມງວດສິນຄ້ານຳເຂົ້າ ເປັນສິນຄ້າຫ້າມນຳເຂົ້າແບບເດັດຂາດ ແລະ​ ຄົນລາວເຮົາເອງຕ້ອງສຳນຶກຊົມໃຊ້ຂອງຄົນລາວ ສົ່ງເສີມສິນຄ້າລາວເພື່ອສ້າງເສດຖະກິດ ໃຫ້ສົມກັບລາວເຮັດລາວໄດ້ ລາວໃຊ້ລາວຈະເລີນ.​

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ຜູ້ມີໃບຂັບຂີ່ທົ່ວປະເທດມີພຽງ​ 11% ຂອງຈຳນວນປະຊາກອນລາວທັງໝົດ

ຈາກບົດລາຍງານ ຂອງພະແນກຂົນສົ່ງ ກະຊວງ ໂຍທາທິການ ແລະ ຂົນສົ່ງ ຊີ້ໃຫ້ຮູ້ວ່າ ທົ່ວປະເທດ ມີຜູ້ທີ່ມີ…