ໜ້າຫຼັກ ຂ່າວທ້ອງຖິ່ນ ອຸດົມໄຊ ຄາດຄະເນມູນຄ່າເສຍຫາຍ ແລະ ຄວາມຕ້ອງການງົບໃນການຟື້ນຟູປະມານ 60 ກ່ວາຕື້ກີບ

ອຸດົມໄຊ ຄາດຄະເນມູນຄ່າເສຍຫາຍ ແລະ ຄວາມຕ້ອງການງົບໃນການຟື້ນຟູປະມານ 60 ກ່ວາຕື້ກີບ

0 ຄົນ ກຳລັງອ່ານຢູ່
0
0
22
Loading...

ວິທະຍຸກະຈາຍສຽງແຫ່ງຊາດລາຍງານ​ວັນທີ 5 ກັນຍາ​ 2022 ນີ້ວ່າ:

ເນື່ອງຈາກຜົນກະທົບຂອງພາຍຸມາອອນໃນວັນທີ 26 ສິງຫາ ທີ່ຜ່ານມາ, ໄດ້ເຮັດໃຫ້ດກີດນໍ້າຖ້ວມໜັກຢູ່ຫຼາ, ເມືອງນາໝໍ້ ແລະ ເມືອງໄຊ ແຂວງອຸດົມໄຊ ໂດຍສະເພາະຢູ່ເມືອງໄຊທີ່ເປັນເທດສະບານແຂວງ ທີ່ໄດ້ສ້າງຄວາມເສຍຫາຍໃຫ້ແກ່ຊັບສິນ, ສັດລ້ຽງ ແລະ ເນື້ອທີ່ການຜະລິດຂອງປະຊາຊົນໜັກພໍສົມຄວນ.

ນອກຈາກນີ້ ເສັ້ນທາງຫຼາຍເສັ້ນຍັງໄດ້ຮັບຜົນກະທົບຢ່າງໜັກໜ່ວງເຊັ່ນກັນ ໃນນັ້ນມີທາງຫຼວງແຫ່ງຊາດ ສອງເສັ້ນ, ຂົວຫຼາຍແຫ່ງຖືກຕັດຂາດ ແຕ່ມາຮອດປັດຈຸບັນນີ້ໄດ້ຮັບການແກ້ໄຂສຸກເສີນແແລ້ວຈຳນວນໜຶ່ງ.

ທ່ານ ຄຳແສງ ອາລີ ຫົວໜ້າພະແນກໂຍທາທິການ ແລະ ຂົນສົ່ງ ແຂວງອຸດົມໄຊ ໄດ້ໃຫ້ຮູ້ວ່າ: ຫຼັງຈາກເກີດເຫດພະແນກໂຍທາທິການ ແລະ ຂົນສົ່ງ ກໍໄດ້ສົມທົບກັບບັນດາບໍລິສັດ ທີ່ມີເງື່ອນໄຂ ເພື່ອລົງແກ້ໄຂສຸກເສີນ ເຊິ່ງໃຊ້ເວລາ 2 ວັນ ເພື່ອໃຫ້ອຳນວຍການສັນຈອນ ໂດຍຈະໃຫ້ແຕ່ລົດເບົາສາມາດໄປມາໄດ້.
ຫຼັງຈາກນັ້ນ, ກໍໄດ້ສຸມໃສ່ແກ້ໄຂ ມາຮອດປັດຈະບັນ ກໍໄດ້ອະນຸຍາດໃຫ້ລົດບັນທຸກຳໄປມາໄດ້ແລ້ວ. ຕໍ່ກັບພື້ນຖານໂຄ່ງລ່າງ, ຕາມການປະເມີນຂອງວິສາການມາຮອດວັນທີ 1 ກັນຍາ 2022 ຄາດຄະເນມູນຄ່າເສຍຫາຍ ແລະ ຄວາມຕ້ອງການໃນການຟື້ນຟູທັງໝົດຕົກຢູ່ປະມານ 60 ກ່ວາຕື້ກີບ ຕົວເລກດັ່ງກ່າວຍັງມີຫຼາຍໜ້າວຽກຍັງບໍ່ສາມາດສັງລວມໄດ້ ສຳລັບການຟື້ນຟູ ຖ້າເຮົາມີງົບປະມານພຽງພໍ ຄາດວ່າຈະໄດ້ໃຊ້ເວລາ 1-2 ປີ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ຮອງ ລຕມ ປກສ ຮ່ວມສົ່ງສະການ ນາຍຕຳຫຼວດກ້າ​ ເສຍຊີວິດຍ້ອນຖືກຄົນຮ້າຍແກະລະເບີດໃສ່

ວັນທີ 2 ຫາທີ 5 ກັນຍາ 2022, ພົນຕີ ວັນທອງ ກອງມະນີ ຮອງລັດຖະມົນຕີກະຊວງ ປກສ ໄດ້ຢ້ຽມຢາມອົບອຸ່ນຈິ…