Home ນານາສາລະ 8 ວິທີກຳຈັດ “ກິ່ນປາກ” ໃຫ້ໄດ້ຜົນ ທີ່ຄົນຍີ່ປຸ່ນແນະນຳ

8 ວິທີກຳຈັດ “ກິ່ນປາກ” ໃຫ້ໄດ້ຜົນ ທີ່ຄົນຍີ່ປຸ່ນແນະນຳ

0 second read
0
0
442
Loading...

ກິ່ນປາກ ສ້າງຄວາມບໍ່ໝັ້ນໃຈໃຫ້ແກ່ເຈົ້າຂອງກິ່ນ ເຖິງວ່າຈະເບິ່ງແຍງປາກ ແລະ ແຂ້ວເປັນຢ່າງດີ ແຕ່ບາງຄັ້ງກໍມີກິ່ນປາກມາແບບບໍ່ຮູ້ໂຕ. ມາຮູ້ສາເຫດທີ່ເຮັດໃຫ້ເກີດກິ່ນປາກ ແລະ ວິທີການກຳຈັດກິ່ນປາກໃຫ້ໄດ້ຜົນທີ່ຄົນຍີ່ປຸ່ນແນະນຳ.

ສາເຫດຂອງການເກີດກິ່ນປາກ

ກິ່ນປາກນັ້ນມາຈາກຫຼາຍສາເຫດ ທັງຈາກການດື່ມກາເຟ ແລະ ແອລກໍຮໍ, ການກິນອາຫານທີ່ປະກອບດ້ວຍຫົວຫອມ, ກະທຽມ ແລະ ເຄື່ອງເທດ. ແຕ່ສາເຫດຫຼັກນັ້ນມາຈາກການຖູແຂ້ວທີ່ບໍ່ສະອາດ ເຮັດໃຫ້ເຊື້ອແບັກທີເຣຍໃນປາກໄປຍ່ອຍສະຫຼາຍອາຫານທີ່ຕົກຄ້າງຢູ່ໃນປາກ ແລະ ຄໍ ເຊິ່ງນອກຈາກຈະເຮັດໃຫ້ເກີດກິ່ນເໝັນແລ້ວ ກໍສົ່ງຜົນໃຫ້ເກີດບັນຫາດ້ານໃນປາກ ເຊັ່ນ ລີ້ນຂາວ, ແຂ້ວແມງ ແລະ ເຫືອກອັກເສບ ເນື່ອງຈາກຈຸລິນຊີ ແລະ ຫິນປູນສະສົມຢູ່ນຳຮອຍຕໍ່ຂອງເຫືອກ ແລະ ແຂ້ວ ຫາກບໍ່ໄດ້ຮັບການປິ່ນປົວ ພະຍາດເຫືອກອັກເສບກໍຈະລຸກລາມຫຼາຍຂຶ້ນ ເຊິ່ງຈະມີກິ່ນເໝັນຮຸນແຮງຂຶ້ນ.

ສາເຫດສຳຄັນອີກປະການໜຶ່ງຂອງການເກີດກິ່ນປາກຄື ພາວະປາກແຫ້ງ, ນໍ້າລາຍໜ້ອຍ ເຊິ່ງເກີດຈາກການດື່ມນໍ້າບໍ່ພຽງພໍ ເມື່ອມີນໍ້າລາຍໜ້ອຍເຊື້ອພະຍາດຕ່າງໆຈະຕົກຄ້າງຢູ່ໃນປາກເປັນຈຳນວນຫຼາຍ ຈຶ່ງເຮັດໃຫ້ເກີດກິ່ນບໍ່ພຶງປະສົງຫຼາຍຂຶ້ນ. ນອກຈາກນີ້ກໍມີສາເຫດຈາກລະບົບທາງເດີນອາຫານທີ່ມີແບັກທີເຣຍຊະນິດບໍ່ດີໃນກະເພາະອາຫານ ແລະ ລຳໄສ້ອ່ອນ ເຊິ່ງກໍໃຫ້ເກີດອາການທ້ອງອືດ, ແໜ້ນທ້ອງ ແລະ ເອື້ອມມີກິ່ນເໝັນອອກມາ. ນອກນັ້ນຖ້າຫາກມີອາການຖ່າຍບໍ່ອອກຫຼາຍໆມື້ກໍເຮັດໃຫ້ເກີດກິ່ນປາກໄດ້.

ວິທີການກຳຈັດກິ່ນປາກ

1. ໃຊ້ເບັກກິ້ງໂຊດາ

ວິທີນີ້ຈະຊ່ວຍກຳຈັດແບັກທີເຣຍໃນປາກ ເຮັດໄດ້ດ້ວຍການລະລາຍເບັກກິ້ງໂຊດາ ½ ບ່ວງກາເຟ ໃນນໍ້າ 1 ຈອກ ແລ້ວບ້ວນໃນປາກເປັນເວລາປະມານ 30 ວິນາທີ.

2. ໃຊ້ຫວ້ານຫ້າງແຂ້

ຫວ້ານຫາງແຂ້ ນອກຈາກຈະມີສັບພະຄຸນໃນການປິ່ນປົວບາດແຜ ໄຟໄໝ້ ນໍ້າຮ້ອນລວກແລ້ວ ຍັງມີສັບພະຄຸນໃນການຫຼຸດກິ່ນປາກດ້ວຍການຫຼຸດປະລິມານແບັກທີເຣຍໃນປາກ ແລະ ຊ່ວຍເພີ່ມປະລິມານນໍ້າລາຍ. ວິທີການງ່າຍໆພຽງບ້ວນປາກດ້ວຍນໍ້າຫວ້ານຫາງແຂ້ມື້ລະ 2 ຄັ້ງ ເຊົ້າ ແລະ ແລງ.

3. ດື່ມນໍ້າໃຫ້ພຽງພໍ

ການດື່ມນໍ້າໜ້ອຍຈະເຮັດໃຫ້ການໄຫຼວຽນຂອງນໍ້າລາຍໜ້ອຍ ແລະ ນໍາໄປສູ່ການມີກິ່ນປາກ. ໃນໜຶ່ງມື້ຄວນດື່ມນໍ້າຕະຫຼອດ ເພື່ອເພີ່ມການໄຫຼວຽນຂອງນໍ້າລາຍໃນປາກ.

4. ດື່ມວາຍແດງມື້ລະຈອກ

ຈາກການສຶກສາພົບວ່າການດື່ມວາຍແດງມື້ລະ 1 ຈອກ ຈະຊ່ວຍຫຼຸດການຂະຫຍາຍຕົວຂອງແບັກທີເຣຍໃນປາກ. ທັງນີ້ ເພື່ອປ້ອງກັນສີວາຍຕິດແຂ້ວກໍຄວນຖູແຂ້ວ ຫຼື ບ້ວນປາກຫຼັງດື່ມວາຍ.

5. ກິນຜັກ ແລະ ໝາກໄມ້

ການຫຍໍ້າຜັກ ຫຼື ໝາກໄມ້ທີ່ອຸດົມໄປດ້ວຍເສັ້ນໃຍອາຫານເຊັ່ນ ກະຫຼໍ່າ, ຜັກກາດແກ້ວ, ຫົວກາລົດ, ໝາກແອັບເປິ້ນ ແລະ ໝາກສີດາ. ນອກຈາກຈະສ້າງຄວາມສົດຊື່ນໃຫ້ກັບອາຫານແລ້ວ ການຍໍ້າຜັກ ແລະ ໝາກໄມ້ເຫຼົ່ານີ້ຈະຊ່ວຍກຳຈັດສິ່ງສົກກະປົກໃນປາກ ແລະ ເສີມການຫຼັ່ງນໍ້າລາຍອີກດ້ວຍ.

6. ກິນໝາກນາວ ແລະ ໝາກບ້ວຍດອງ

ໝາກນາວ ແລະ ໝາກບ້ວຍດອງມີກົດອິນຊີທີ່ຊ່ວຍເສີມການຫຼັ່ງຂອງນໍ້າລາຍ ແລະ ການຍ່ອຍສະຫຼາຍຂອງໂປຣຕີນ ທີ່ເຮັດໃຫ້ເກີດກິ່ນເໝັນໃນປາກ. ນອກນັ້ນ ຍັງຊ່ວຍປ້ອງກັນບໍ່ໃຫ້ອາຫານທີ່ຄາຢູ່ໃນຫວ່າງແຂ້ວເນົ່າເໝັນ ໃນກໍລະນີທີ່ບໍ່ໄດ້ຖູແຂ້ວຫຼັງອາຫານໃນທັນທີ.

7. ດື່ມຊາ

ຊາສ່ວນໃຫຍ່ປະກອບດ້ວຍຟລາໂອນອຍ ເຊິ່ງມີລິດໃນການຫຼຸດຜ່ອນກິ່ນປາກ ແລະ ຊ່ວຍກຳຈັດແບັກທີເຣຍໃນປາກ. ວິທີການທີ່ມີປະສິດທິພາບໃນການຊ່ວຍຫຼຸດກິ່ນປາກໄດ້ດີທີ່ສຸດຄືການດື່ມຊາຫຼັງຮັບປະທານອາຫານ.

8. ກິນໂຢເກີດ ເປັນປະຈຳ

ໜຶ່ງໃນສາເຫດສຳຄັນຂອງກິ່ນປາກຄືການມີແບັກທີເຣຍສ່ວນເກີນໃນກະເພາະອາຫານ ແລະ ລຳໄສ້ອ່ອນ ເຊິ່ງເຮັດໃຫ້ລະບົບຍ່ອຍອາຫານເຮັດວຽກຜິດປົກກະຕິ. ການກິນໂຢເກີດເປັນປະຈຳຈະຊ່ວຍປັບສະພາບແວດລ້ອມໃນລຳໄສ້ໃຫ້ດີຂຶ້ນ. ນອກນັ້ນຍັງມີງານວິໄຈພົບວ່າ ການຮັບປະທານໂຢເກີດເປັນປະຈຳທຸກມື້ ມື້ລະປະມານ 1 ຈອກ ຈະຊ່ວຍຫຼຸດປະລິມານສານທີ່ເຮັດໃຫ້ເກີດກິ່ນເໝັນໃນປາກເຊັ່ນ ໄຮໂດຣເຈນຊັລໄຟ ໄດ້.

ຖ້າຫາກຖູແຂ້ວ ແລະ ເບິ່ງແຍງສຸຂະພາບປາກດີແລ້ວແຕ່ຍັງຮູ້ສຶກວ່າມີກິ່ນປາກຢູ່ກໍລອງເອົາວິທີດັ່ງກ່າວໄປໃຊ້ເບິ່ງເດີ້.

ຂໍຂອບໃຈ/ທີ່ມາຂ່າວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ດ່ວນທີ່ສຸດ​!​ ຢຸດໃຫ້ຢາຂ້າແມ່ທ້ອງແກ່ນັກຮຽນ

ກົມຄວບຄຸມພະຍາດຕິດຕໍ່ ດຣ. ຣັດຕະນະໄຊ ເພັດສຸວັນ ກົວໜ້າກົມ ໄດອອກແຈ້ງການເຖິງໂຮງຮຽນຕ່າງໆໃຫ້ຢຸດກາ…