ໜ້າຫຼັກ ຂ່າວພາຍໃນ ລາວ-ຈີນ ຫາລືກ່ຽວກັບການຈັດຕັ້ງປະຕິບັດໂຄງການຊ່ວຍເຫຼືອໃນໄລຍະຜ່ານມາ-ທິດທາງໃນຕໍ່ໜ້າ

ລາວ-ຈີນ ຫາລືກ່ຽວກັບການຈັດຕັ້ງປະຕິບັດໂຄງການຊ່ວຍເຫຼືອໃນໄລຍະຜ່ານມາ-ທິດທາງໃນຕໍ່ໜ້າ

4 ຄົນ ກຳລັງອ່ານຢູ່
0
0
132
Loading...

ໂດຍຕອບສະໜອງຕາມການເຊື້ອເຊີນຂອງຝ່າຍລາວ ຄະນະຜູ້ແທນອົງການຮ່ວມມືສາກົນ ເພື່ອການພັດທະນາແຫ່ງຊາດຈີນ ນໍາໂດຍທ່ານ ເຕິ້ງ ໂປຊິງ (Deng Boqing) ຮອງຫົວໜ້າອົງການຮ່ວມມືສາກົນ ເພື່ອການພັດທະນາແຫ່ງຊາດຈີນ ພ້ອມດ້ວຍຄະນະ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ແຂວງຫຼວງພະບາງ ແລະ ນະຄອນຫຼວງວຽງຈັນ ແຕ່ວັນທີ 23-27 ກັນຍາ 2019.

ຈຸດປະສົງການມາຢ້ຽມຢາມ ແລະ ເຮັດວຽກໃນຄັ້ງນີ້ ແມ່ນເປັນການຜັນຂະຫຍາຍແຜນແມ່ບົດການສ້າຄູ່ຮ່ວມຊາຕາກໍາ ລະຫວ່າງສອງພັກຂອງລາວ ແລະ ຈີນ ທີ່ທັງສອງເລຂາທິການໃຫຍ່ຂອງສອງພັກ ຫາກໍ່ໄດ້ພ້ອມກັນລົງນາມໃນວັນທີ 30 ເມສາ 2019 ທີ່ຜ່ານມາ ສືບຕໍ່ຊຸກຍູ້ 8 ໂຄງການໃຫຍ່ ທີ່ເລຂາທິການໃຫຍ່ພັກກອມມູນິດຈີນ ສີຈິນຜິງ ໄດ້ປະກາດໃຫ່ການຊ່ວຍເຫຼືອໃຫ້ແກ່ລັດຖະບານລາວ ເປັນການຊຸກຍູ້ບັນດາໂຄງການຊ່ວຍເຫຼືອລ້າຂອງ ສປ ຈີນ ຕໍ່ລາວ ໃຫ້ໄດ້ຮັບການຈັດຕັ້ງປະຕິບັດໄວຂຶ້ນ ພ້ອມທັງລົງສໍາຫຼວດໂຄງການຊ່ວຍເຫຼືອຈໍານວນໜຶ່ງ ຢູ່ແຂວງຫຼວງພະບາງ ແລະ ນະຄອນຫຼວງວຽງຈັນ.

ໃນໄລຍະເຄື່ອນໄຫວເຮັດວຽກຢູ່ແຂວງຫຼວງພະບາງ ວັນທີ 23-25 ກັນຍາ 2019 ຄະນະຜູ້ແທນດັ່ງກ່າວ ກໍໄດ້ເຂົ້າຢ້ຽມຄໍານັບທ່ານ ຄໍາຂັນ ຈັນທະວີສຸກ ເຈົ້າແຂວງຫຼວງພະບາງ ເພື່ອປຶກສາຫາລືວຽກງານທີ່ສໍາຄັນໂຄງການຊ່ວຍເຫຼືອລ້າ ຈາກ ສປ ຈີນ ທີ່ພັດທະນາຢູ່ແຂວງຫຼວງພະບາງຈໍານວນໜຶ່ງ ຈາກນັ້ນຄະນະຜູ້ແທນກໍໄດ້ລົງສໍາຫຼວດ ໂຄງການກໍ່ສ້າງບ້ານຈັດສັນທີ່ເພື່ອຊົດເຊີຍທີ່ດິນຖືກຜົນກະທົບຈາກໂຄງການກໍ່ສ້າງທາງລົດໄຟລາວ-ຈີນ ໂຄງການຮ່ວມມືສ້າງບ້ານຕົວແບບແກ້ໄຂຄວາມທຸກຍາກ ລາວ-ຈີນ ຢູ່ບ້ານຊຽງລ້ອມ ແລະ ບ້ານອູ ໂຮງໝໍຫຼວງພະບາງ.

ວັນທີ 26 ກັນຍາ 2019 ທີ່ກະຊວງອຸດສາຫະກໍາ ແລະ ການຄ້າ ໄດ້ມີກອງປະຊຸມພົບປະສອງຝ່າຍລະຫວ່າງກະຊວງອຸດສາຫະກໍາ ແລະ ການຄ້າ ແລະ ອົງການຮ່ວມມືສາກົນ ເພື່ອການພັດທະນາແຫ່ງຊາດຈີນ ຝ່າຍລາວນໍາໂດຍທ່ານ ນາງ ເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ປະທານຄະນະກໍາມະການຮ່ວມມືລາວ-ຈີນ ຝ່າຍຈີນແມ່ນທ່ານ ເຕິ້ງ ໂປຊິງ ພ້ອມດ້ວຍຄະນະຜູ້ແທນສອງຝ່າຍເຂົ້າຮ່ວມ.

ການພົບປະສອງຝ່າຍຄັ້ງນີ້ ໄດ້ປຶກສາຫາລືກ່ຽວກັບການຈັດຕັ້ງປະຕິບັດໂຄງການຊ່ວຍເຫຼືອໃນໄລນະ ແລະ ທິດທາງໃນຕໍ່ໜ້າ ຈາກນັ້ນວອງຝ່າຍກໍໄດ້ມີການລົງນາມເອກະສານສໍາຄັນຮ່ວມກັນລະຫວ່າງທ່ານ ນາງ ເຂັມມະນີ ພົນເສນາ ແລະ ທ່ານ ເຕິ້ງ ໂປຊິງ ມີບັນດາທ່ານຕາງໜ້າຈາກກະຊວງກ່ຽວຂ້ອງ ແລະ ຄະນະຜູ້ແທນສອງຝ່າຍເຂົ້າຮ່ວມ ເຊິ່ງເອກະສານທີ່ໄດ້ລົງນາມຮ່ວມກັນຄື: ສານແລກປ່ຽນກໍານົດໂຄງການ ໂຄງການຊ່ວຍເຫຼືອຍົກລະດັຍ ໂຮງໝໍແຂວງຫຼວງພະບາງ ສານແລກປ່ຽນກໍານົດໂຄງການໂຄງການຮ່ວມມືດ້ານເຕັກນິກການປັບປຸງອາຄານຫ້ອງການສູນກາງພັກ ສານແລກປ່ຽນກໍານົດໂຄງການ ໂຄງການຮ່ວມມືໄລຍະ 3 ຂອງຫໍປະຊຸມແຫ່ງຊາດ ສານແລກປ່ຽນກໍານົດໂຄງການ ໂຄງການວິທະຍາໄລເຕັກນິກວິຊາຊີບການລົດໄຟ ແລະ ບົດບັນທຶກການພົບປະຂອງສອງຝ່າຍໃນຄັ້ງນີ້ຕື່ມອີກ ໃນໄລຍະການເຄື່ອນໄຫວທີ່ນະຄອນຫຼວງວຽງຈັນ ຄະນະໄດ້ລົງຕິດຕາມໂຄງການກໍ່ສ້າງໂຮງໝໍມະໂຫສົດ ແລະ ຢປຢ້ຽມຢາມເຂດພັດທະນາກວມລວມໄຊເສດຖາ.

ຂໍຂອບໃຈ/ທີ່ມາ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ຊົມເຊີຍ! ທ່ານຮອງນາຍົກ ສົມດີ ດວງດີ ແລະທ່ານ ດຣ.ບຸນກອງ ສີຫາວົງ​ໄດ້ຮັບການສັກວັກຊີນໂຄວິດ-19​ແລ້ວ

ວັນທີ​27​ ມັງກອນນີ້​ ທີ່ໂຮງໝໍ 150​ຕຽງໄດ້ມີພິທີສັກວັກຊີນ ໂຄວິດ-19​ ໃຫ້ກັບພະນັກງານແພດໝໍຜູ້ຢູ…