Home ນານາສາລະ ເຕືອນສາຍແຂງ ດື່ມເຫຼົ້າຫຼຸດຄວາມໜາວບໍ່ແມ່ນເລື່ອງຈິງ ອາດເຮັດໃຫ້ເສຍຊີວິດໄດ້

ເຕືອນສາຍແຂງ ດື່ມເຫຼົ້າຫຼຸດຄວາມໜາວບໍ່ແມ່ນເລື່ອງຈິງ ອາດເຮັດໃຫ້ເສຍຊີວິດໄດ້

0 second read
0
0
53
Loading...

ຄວາມ​ເຊື່ອ​ດື່ມ​ເຄື່ອງດື່ມທີ່ມີທາດເຫຼົ້າເພື່ອຫຼຸດຜ່ອນຄວາມ​ໜາວ ເຮັດໃຫ້​ຮ່າງກາຍ​ອົບ​ອຸ່ນ​ເປັນ​ຄວາມ​ເຂົ້າໃຈ​ທີ່ບໍ່ຖືກຕ້ອງ ເພາະພຽງແຕ່​ເຮັດໃຫ້​ຮູ້ສຶກ​ອຸ່ນ​ຊົ່ວຄາວ ຍ້ອນ​ຫຼອດເລືອດ​ຝອຍ​ຂະຫຍາຍ​ຕົວ.

ນາຍແພດ ສຸ​ວັນນະໄຊ ວັດທະ​ນາຍິ່ງ​ຈະເລີນ​ໄຊ ຫົວໜ້າກ​ົມ​ຄວບ​ຄຸມ​ພະຍາດຂອງໄທ ກ່າວ​ວ່າ ນັກ​ທ່ອງ​ທ່ຽວ​ທີ່​ຈະ​ເດີນທາງ​ໄປ​ຮັບ​ລົມ​ໜາວ​ຕາມ​ພູ ​ແລະ ​ໃນ​ພື້ນ​ທີ່​ອາ​ກາດ​ໜາວ​ເຢັນ ຫຼື ຢູ່ໃນພື້ນທີ່ທີ່ມີອາກາດໜາວເຢັນຢູ່ແລ້ວ ບໍ່​ຄວນ​ດື່ມ​ເຄື່ອງ​ດື່ມ​ທີ່ມີທາດເຫຼົ້າ ເພາະ​ການ​ດື່ມ​ເຄື່ອງ​ດື່ມ​ດັ່ງກ່າວ​ໃນໄລຍະ​ອາ​ກາດ​ໜາວ​ເຢັນ​ ເຮັດໃຫ້​ເກີດ​ອັນຕະລາຍ​ຕໍ່​ສຸຂະພາບ ອາດ​ເຖິງ​ຂັ້ນ​ເສຍຊີວິດ​ໄດ້.

ໃນ​ປີ​ທີ່​ຜ່ານມາ ຢູ່ໄທພົບ​ລາຍ​ງານ​ມີ​ຜູ້​ເສຍຊີວິດ​ຈາກ​ການ​ດື່ມ​ເຄື່ອງ​ດື່ມ​ທີ່ມີ​ທາດເຫຼົ້າໃນ​ປະລິມານ​ຫຼາຍ ເຊິ່ງ​ປະຊາຊົນ​ບາງ​ສ່ວນ​ດື່ມ​ເຄື່ອງ​ດື່ມ​ດັ່ງກ່າວເພາະ​ມີ​ຄວາມ​ເຊື່ອ​ວ່າ ​ຈະ​ເຮັດໃຫ້​ຮ່າງກາຍ​ອົບ​ອຸ່ນ ຜ່ອນຄາຍ​ຄວາມໜາວ​ໄດ້ ແລະ​ ຊ່ວຍ​ຫຼຸດ​ອາການ​ປວດ​ເມື່ອຍ ແຕ່​ແທ້​ຈິງ​ແລ້ວ​ເປັນ​ຄວາມ​ເຊື່ອ​ ແລະ ​ຄວາມ​ເຂົ້າໃຈ​ທີ່​ຜິດຈາກຄວາມຈິງ.

ທັງນີ້ກໍເພາະວ່າ ​ລິດ​ຂອງ​ທາດເຫຼົ້າຈະ​ເຮັດໃຫ້​ຜູ້​ດື່ມ​ມີ​ຄວາມ​ຮູ້ສຶກ​ອົບ​ອຸ່ນ​ຂຶ້ນ​ພຽງຊົ່ວຄາວ ນັ້ນ​ເປັນ​ຜົນ​ມາ​ຈາກ​ການ​ທີ່​ຫຼອດ​ເລືອດ​ຝອຍ​ຂະຫຍາຍຕົວ ແລະ ​ເປັນ​ຊ່ອງ​ທາງ​ລະບາຍ​ຄວາມ​ຮ້ອນ​ອອກຈາກ​ຮ່າງກາຍ ໂດຍ​ຍິ່ງ​ດື່ມທາດເຫຼົ້າຫຼາຍ​ຂຶ້ນ​ເທົ່າໃດ ຄວາມ​ຮ້ອນ​ກໍ​ຈະ​ຖືກ​ລະບາຍ​ອອກຈາກ​ຮ່າງກາຍ​ຫຼາຍ​ຂຶ້ນເທົ່ານັ້ນ ແລະ ​ຈະ​ເຮັດໃຫ້​ອຸນຫະພູມ​ໃນ​ຮ່າງກາຍ​ຫຼຸດ​ຕ່ຳ​ລົງ​ກວ່າ​ປົກກະຕິ ເກີດ​ພາ​ວະ​ອຸນຫະພູມ​ກາຍ​ຕ່ຳ ຫຼື ໄຮ​ໂປ​ເທີ​​ເມຍເມື່ອ​ເຮົາ​ຫຼັບ ​ແລະ ​ຮ່າງກາຍ​ສຳ​ຜັດ​ອາ​ກາດ​ເຢັນ​ເປັນ​ເວລາ​ດົນ​ຈະ​ເປັນ​ສາ​ເຫດ​ທີ່​ເຮັດໃຫ້​ເສຍຊີວິດ​ໄດ້.

ຂໍຂອບໃຈ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ມາແລ້ວ!!!​ຄູ່ມືແນະນຳການຂຶ້ນທະບຽນເບີ