Home ຂ່າວຕ່າງປະເທດ ປະທານາທິບໍດີສະຫະລັດຊີ້ແຈງເຫດສັງຫານ “ນາຍພົນໂຊເລມານີ” ຂອງອີຣານ ແມ່ນເພື່ອຢຸດສົງຄາມ

ປະທານາທິບໍດີສະຫະລັດຊີ້ແຈງເຫດສັງຫານ “ນາຍພົນໂຊເລມານີ” ຂອງອີຣານ ແມ່ນເພື່ອຢຸດສົງຄາມ

3 second read
0
3
5,749
ຊີ້ແຈງເຫດສັງຫານ "ນາຍພົນໂຊເລມານີ" ຂອງອີຣານ
Loading...

ຊີ້ແຈງເຫດສັງຫານ “ນາຍພົນໂຊເລມານີ” ຂອງອີຣານ

ປະທານາທິບໍດີ ໂດນັລ ທຣຳ ກ່າວ​ວ່າ ປະຕິບັດການ​ຂອງ​ສະຫະລັດ ທີ່​ສັງ​ຫານ ພົນຕີ ກັດ​ຊິມ ໂຊ​ເລ​ມາ​ນີ ນາຍ​ທະຫານ​ຄົນ​ສຳຄັນ​ຂອງອີຣານ​ເມື່ອ​ເຊົ້າວັນ​ສຸກ​ຕາມ​ເວລາ​ທ້ອງ​ຖິ່ນ ມີ​ຈຸດປະສົງ​ເພື່ອຢຸດ​ສົງຄາມ.

ປະທານາທິບໍດີ​ ທຣຳ ກ່າວ​ວ່າ “ຄວາມ​ແຂງກະດ້າງ​ຂອງອີຣານ​ໃນພາກພື້ນ ຊຶ່ງລວມທັງ​ການ​ໃຊ້​ນັກຮົບ​ຕົວ​ແທນ​ເພື່ອ​ສັ່ນ​ຄອນ​ຄວາມໝັ້ນຄົງ​ຂອງ​ປະເທດ​ເພື່ອນ​ບ້ານ​ຕ້ອງ​ຢຸດຕິ​ລົງ” ໂດຍ​ທັນ​ທີ.

ທ່ານ​ຖະແຫຼງ​ຂ່າວ​ນີ້​ຕໍ່​ສື່​ທີ່​ສະຖານ​ຕາກ​ອາ​ກາດ​ຂອງ​ຄອບຄົວ​ ທຣຳ ມາ​-​ອາ​-​ລາ​ໂກ ໃນ​ລັດ​ຟ​ລໍ​ຣິ​ດາ ສະຫະລັດອາເມລິກາ.

ກ່ອນ​ໜ້າ​ໃນ​ມື້​ດຽວ​ກັນ ຜູ້​ນຳ​ສະຫະລັດ​ກ່າວ​ສະໜັບ​ສະໜຸນ ປະຕິບັດການ​ຂອງ​ກອງທັບ​ສະຫະລັດ​ໃນ​ການ​ສັງ​ຫານ​ຜູ້​ບັນ​ຊາ​ການ​ທະຫານ​ຄົນ​ສຳຄັນ​ຂອງອີຣານ​ລາຍ​ນີ້ ໃກ​ສະໜ​າມ​ບິນ​ໃນນະຄອນ​ແບກ​ແດດ​ປະເທດ​ອິ​ຣັກ, ຂະນະ​ທີ່​ລັດຖະບານອີຣານ​ຂູ່​ວ່າ​ຈະ “ແກ້​ເ​ເຄ້ນ​ຢ່າງ​ຮຸນແຮງ”.

ຜູ້​ນຳ​ສະຫະລັດ​ກ່າວ​ວ່າ ພົນຕີ ກັດ​ຊິມ ໂຊ​ເລ​ມາ​ນີ ແຫ່ງ​ກອງ​ກຳ​ລັງ​ກຸດ​ສ໌ ຂອງອີຣານ ມີ​ສ່ວນ​ເຮັດໃຫ້​ຄ​ົນອາເມ​ລິ​ກາ ລວມທັງ​ຊາວ​ອີຣັກ ​ແລະ ​ຊາວອີຣານ​ຫຼາຍ​ພັນ​ຄົນ​ເສຍຊີວິດ ​ແລະ ​ບາດ​ເຈັບ.

ປະທານາທິບໍດີ​ ທຣຳ ​ກ່າວອີກ​ວ່າ ປະຕິບັດການ​ປິດ​ຊີບ​ຂຸນ​ພົນ​ຄົນ​ສຳຄັນ​ຂອງ​ກອງທັບອີຣານ​ເທື່ອ​ນີ້ ຄວນ​ຈະ​ເກີດ​ຂຶ້ນ​ກ່ອນ​ໜ້າ​ນີ້​ຫຼາຍ​ປີ​ດ້ວຍ​ຊ້ຳ.

ໃນ​ການ​ໂຈມ​ຕີ​ທາງ​ອາ​ກາດ​ຂອງ​ສະຫະລັດ ມີ​ຜູ້​ເສຍຊີວິດ​ຢ່າງ​ໜ້ອຍ 7 ລາຍ ຊຶ່ງ​ລວມທັງ ພົນຕີ ໂຊ​ເລ​ມາ​ນີ.

ຜູ້​ນຳ​ສະຫະລັດ ຂຽນ​ຜ່ານ​ທະວິດ​ເຕີ​ໃນ​ວັນ​ສຸກ​ທີ່ຜ່ານມາ​ວ່າ ນາຍ​ພົນ​ຜູ້​ນີ້​ກຳ​ລັງ​ວາງ​ແຜນ​ສັງ​ຫານ​ຄົ​ນອາ​ເມ​ລິກາ​ເພີ່ມ​ອີກ​ຈຳນວນ​ຫຼາຍ.

ກະ​ຊວງ​ປ້ອງກັນປະເທດ​ສະຫະລັດລະ​ບຸ​ວ່າ​ປະຕິບັດການ​ສັງ​ຫານ ພົນຕີ ກັດ​ຊິມ ໂຊ​ເລ​ມາ​ນີ ເປັນ​ຄຳ​ສັ່ງ​ຂອງ​ປະທານາທິບໍດີ​ທຣຳ.

ເຈົ້າ​ໜ້າທີ່​ອິ​ຣັກ ກ່າວ​ວ່າ ການ​ໂຈມ​ຕີ​ຂອງ​ສະຫະລັດ ໃນ​ເທື່ອ​ນີ້​ຍັງ​ໄດ້​ສັງ​ຫານ ອະ​ບູ ມາ​ດີ ອັລ​-​ມູ​ຮານ​ດີ ຮອງ​ຜູ້​ບັນ​ຊາ​ການກຸ່ມ​ຕິດ​ອາ​ວຸດ​ໃນ​ອີຣັກ​ທີ່ອີຣານ​ໜຸນ​ຫຼັງ​ຢູ່.

ຂະນະ​ດຽວ​ກັນ ຜູ້​ນຳ​ສູງ​ສຸດ​ຂອງອີຣານ ອ​ະຢາ​ຕຸນ​ເລາະ ອາ​ລີ ຄາ​ເມ​ເນ​ອີ ປະ​ກາດ​ໃຫ້​ມີ​ການ​ໄວ້​ອາໄລ​ທົ່ວ​ປະເທດ​ເປັນ​ເວລາ​ສາມ​ມື້ ​ແລະ​ ຂູ່​ວ່າ ອີຣານ​ຈະ​ແກ້​ແຄ້ນ​ຢ່າງ​ຮຸນແຮງ​. ສ່ວນ​ລັດຖະ​ມົມ​ຕີກ​ະ​ຊວງ​ການ​ຕ່າງ​ປະເທດ​ຂອງອີຣານ ຈາ​ວາດ ຊາ​ຣີ​ບ ຊີ້​ວ່າ​ ການ​ໂຈມ​ຕີ​ຂອງ​ສະຫະລັດ ຖື​ເປັນ​ການ​ກໍ່​ການ​ຮ້າຍ ແລະ​ ເປັນ “ການ​ເພີ່ມ​ຄວາມ​ເຄັ່ງຕຶງ​​ທີ່ບໍ່ສະຫຼາດ”.

ຂໍຂອບໃຈ/ ທີ່ມາຂ່າວ

 

***ລຳດັບເຫດການ/ລວມຂ່າວພິພາດສະຫະລັດອາເມລິກາ-ອີຣານ***
ພັນທະມິດສະຫະລັດອາເມລິກາ ພະຍາຍາມຕີຕົວອອກຫ່າງກໍລະນີອີຣານ
ສະພາອາເມຣິກາກຽມໂຫວດ “ຈຳກັດອຳນາດຂອງທຣັມ” ກໍລະນີໃຊ້ມາດຕະການທະຫານກັບອີຣ່ານ
ອີຣານເປີດສາກລ້າງແຄ້ນ ຍິງຂີປະນາວຸດ 10 ຫົວໃສ່ຖານທັບສະຫະລັດໃນອີຣັກ
ອີຣານປະກາດຫຼຸດລະດັບຄວາມຜູກພັນພາຍໃຕ້ຂໍ້ຕົກລົງນິວເຄຼຍ ຫຼັງນາຍພົນຖືກສັງຫານ
ປະທານາທິບໍດີສະຫະລັດຂູ່ຂວໍ້າບາດອີຣັກ ຖ້າຫາກໄລ່ກອງທັບອອກນອກປະເທດ
ອີຣານຕັ້ງຄ່າຫົວ “ປະທານາທິບໍດີສະຫະລັດ 80 ລ້ານໂດລາ” ພ້ອມຂູ່ໂຈມຕີທຳນຽບຂາວໄດ້ທຸກເວລາ
ປະທານາທິບໍດີສະຫະລັດຊີ້ແຈງເຫດສັງຫານ “ນາຍພົນໂຊເລມານີ” ຂອງອີຣານ ແມ່ນເພື່ອຢຸດສົງຄາມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ຊົມເຊີຍ! ຍີ່ປຸ່ນຊ່ວຍລາວ13 ລ້ານໂດລາສະຫະລັດ

ວັນທີ 5 ມິຖຸນານີ້ ທີ່ນະຄອນຫຼວງວຽງຈັນ, ໄດ້ມີພິທີລົງນາມເອກະສານແລກປ່ຽນສຳລັບໂຄງການຊ່ວຍເຫຼືອລ້າ…