ໜ້າຫຼັກ ຂ່າວຕ່າງປະເທດ ອີຣານຕັ້ງຄ່າຫົວ “ປະທານາທິບໍດີສະຫະລັດ 80 ລ້ານໂດລາ” ພ້ອມຂູ່ໂຈມຕີທຳນຽບຂາວໄດ້ທຸກເວລາ

ອີຣານຕັ້ງຄ່າຫົວ “ປະທານາທິບໍດີສະຫະລັດ 80 ລ້ານໂດລາ” ພ້ອມຂູ່ໂຈມຕີທຳນຽບຂາວໄດ້ທຸກເວລາ

4 ຄົນ ກຳລັງອ່ານຢູ່
2
0
3,118
ອີຣານຕັ້ງຄ່າຫົວ "ປະທານາທິບໍດີສະຫະລັດ 80 ລ້ານໂດລາ" ພ້ອມຂູ່ໂຈມຕີທຳນຽບຂາວໄດ້ທຸກເວລາ
Loading...

ອີຣານປະ​ກາດ​ຕັ້ງ​ຄ່າຫົວ ໂດນັລ ທຣຳ 80 ລ້ານໂດລາ ຫຼື ປະມານ 708 ຕື້ກີບ ດ້ານ​ສະມາຊິກ​ລັດຖະ​ສະພາ​ຂູ່ ອີຣານສາມາດ​ໂຈມ​ຕີ​ທຳນຽບ​ຂາວ​ໄດ້​ທຸກ​ເມື່ອ.

ລະຫວ່າງ​ການ​ຈັດ​ງານ​ພິທີ​ສົບ​ຂອງ ພົນຕີ ກັດ​ຊິມ ໂຊ​ເລ​ມາ​ນີ ຜູ້​ບັນ​ຊາ​ການ​ກອງ​ກຳ​ລັງ​ກຸດ​ສ​໌ ກອງ​ກຳ​ລັງ​ສຳຄັນ​ຂອງ​ກອງທັບ​ພິ​ທັກປະຕິວ​ັ​ດ​ອີຣານເມື່ອ​ວານ​ນີ້ (5 ມັງກອນ) ອີຣານໄດ້​ປະ​ກາດ​ຜ່ານ​ສ​ະຖາ​ນີ​ໂທລະພາບ​ແຫ່ງ​ຊາດ ຮຽກ​ຮ້ອງ​ໃຫ້​ປະຊາຊົນ​ທັງ 80 ກວ່າ​ລ້ານ​ຄົນ​ຊ່ວຍ​ກັນ​ບໍລິຈາກ​ເງີນ​ຄົນ​ລະ 1 ໂດລາ ເພື່ອ​ລະ​ດົມ​ທຶນ​ເປັນ​ເງິນ​ຄ່າຫົວ​ ທ່ານ ​ໂດນັລ ທຣຳ ປະ​ທາ​ນາ​ທິບໍ​ດີສະ​ຫະລັດ ໂດຍ​ຈະ​ມອບ​ໃຫ້​ກັບ​ໃຜ​ກໍ​ຕາມ​ທີ່​ສາມາດ​ຈັບ​ຕົວ​ທ່ານ ​ທຣຳ ​ມາ​ໄດ້.

ອ່ານຂ່າວທີ່ກ່ຽວຂ້ອງ =
ປະທານາທິບໍດີສະຫະລັດຊີ້ແຈງເຫດສັງຫານ “ນາຍພົນໂຊເລມານີ” ຂອງອີຣານ ແມ່ນເພື່ອຢຸດສົງຄາມ

ຄວາມ​ເຄື່ອນ​ໄຫວ​ດັ່ງ​ກ່າວ​ເກີດ​ຂຶ້ນ​ຫຼັງ​ຈາກ​ທີ່​ກອງທັບ​ສະ​ຫະລັດ​ສັງ​ຫານ​ພົນຕີ ກັດ​ຊິມ ໂຊ​ເລ​ມາ​ນີ ດ້ວຍ​ການ​ໂຈມ​ຕີ​ທາງ​ອາ​ກາດ​ຈາກ​ໂດ​ຣນ​ທີ່ນະຄອນຫຼວງແບກ​ແດດ​ຂອງ​ອິີຣັກ​ເມື່ອ​ວັນທີ 3 ມັງກອນ ທີ່​ຜ່ານມາ ຊຶ່ງ​ສຳ​ນັກ​ຂ່າວ Iranian Labour News Agency ຍັງ​ໄດ້​ລາຍ​ງານ​ດ້ວຍ​ວ່າ ໜຶ່ງ​ໃນ​ສະມາຊິກ​ລັດຖະ​ສະພາປະ​ກາດ​ ພ້ອມ​ຖະຫຼົ່ມ​ທຳນຽບ​ຂາວ​ໄດ້​ທຸກ​ເມື່ອ.

“ເຮົາ​ສາມາດ​ໂຈມ​ຕີ​ທຳນຽບ​ຂາວ​ໄດ້ ເຮົາ​ສາມາດ​ຕອບ​ໂຕ້​ຊາວ​ອ​າເມ​ລິກາ​ເທິງ​ຜືນ​ດິນ​ຂອງ​ພວກ​ເຂົາ​ໄດ້. ເຮົາ​ມີ​ພະລະ​ກຳ​ລັງ ຕາມ​ພະປະສົງ​ຂອງ​ພະ​ເຈົ້າ. ເຮົາ​ຈະ​ຕອບ​ໂຕ້​ໃນ​ເວລາ​ທີ່​ເໝາະ​ສົມ​ທີ່ສຸດ. ເມື່ອ​ມີ​ໃຜ​ປະ​ກາດ​ສົງຄາມ ເຈົ້າ​ຈະ​ຕອບ​ໂຕ້​ພວກເຂົາ​ດ້ວຍ​ດອກ​ໄມ້​ບໍ? ພວກເຂົາຈະ​ໄດ້​ຍິງຫົວ​ເຈົ້າຫັ້ນຕິ”.

ທັງ​ນີ້ ພົນຕີ ກັດ​ຊິມ ໂຊ​ເລ​ມາ​ນີ​ເປັນ​ບຸກ​ຄົນ​ສຳຄັນ​ຫຼາຍ​ໃນ​ລັດຖະບານ​ອີຣານ ແລະ ​ທ່ານຍັງ​ຖືກ​​ຍ້ອງຍໍ​ໃຫ້ເປັນ​ວີລະບຸລຸດ​ຂອງ​ອີຣານອີກດ້ວຍ ໂດຍ​ນັບ​ຕັ້ງ​ແຕ່​ປີ 1998 ພົນຕີກັດ​ຊິມ ໂຊ​ເລ​ມາ​ນີ ຂຶ້ນ​ມາ​ເປັນ​ຜູ້​ບັນ​ຊາ​ການ​ກອງ​ກຳ​ລັງ​ກຸດ​ສ​໌ ກອງ​ກຳ​ລັງ​ສຳຄັນ​ຂອງ​ກອງທັບ​ພິ​ທັກປະຕິ​ວ​ັດ​ອີ​ຣານ ຊຶ່ງ​ຮັບ​ຜິດຊອບ​ປະຕິບັດການ​ລັບ​ໃນ​ຕ່າງ​ປະເທດ ໂດຍ​ກອງ​ກຳ​ລັງ​ກຸດ​ສ໌ ຂອງ​ທ່ານ​ຂຶ້ນ​ກົງ​ກັບ​ອະ​ຢາ​ຕຸນ​ເລາະ​ ​ຄາ​ເມ​ເນ​ອີ.

ພົນຕີ ໂຊ​ເລ​ມາ​ນີ ມີບົດ​ບາດ​ສຳຄັນ​ໃນ​ກາ​ນວາງ​ແຜນ​ທາງ​ການ​ທະຫານ​ທົ່ວ​ຕາເວັນ​ອອກ​ກາງ. ອີຣານໄດ້​ເປີດ​ເຜີຍ​ວ່າ ກອງ​ກຳ​ລັງ​ກຸດ​ສ​໌​ມີບົດ​ບາດ​ສຳຄັນ​ໃນ​ການ​ໃຫ້​ຄຳ​ແນະ​ນຳ​ກອງ​ກຳ​ລັງ​ທີ່​ຈົງ​ຮັກ​ພັກ​ດີ​ກັບ​ບາ​ຊາ​ ອັລ​-​ອັດ​ຊາດ ປະ​ທາ​ນາ​ທິບໍ​ດີ​ຊີ​ເຣຍ​ທີ່​ຄອງ​ອຳນາດ​ມາ​ຢ່າງ​ຍາວ​ນານ ຮວມທັງ​ກອງ​ກຳ​ລັງ​ຕິດ​ອາ​ວຸດ​ມຸດສະ​ລິມ​ຊີ​ອະ​​ຫຼາຍ​ພັນ​ຄົນ​ໃນ​ຕໍ່ສູ້​ຂັບ​ໄລ່ກຸ່ມ​ກໍ່​ການ​ຮ້າຍ​ໄອ​ເອສ​ໃນ​ອີຣັກ.

ຂໍຂອບໃຈ/ ທີ່ມາຂ່າວ

 

***ລຳດັບເຫດການ/ລວມຂ່າວພິພາດສະຫະລັດອາເມລິກາ-ອີຣານ***
ອີຣານເປີດສາກລ້າງແຄ້ນ ຍິງຂີປະນາວຸດ 10 ຫົວໃສ່ຖານທັບສະຫະລັດໃນອີຣັກ
ອີຣານປະກາດຫຼຸດລະດັບຄວາມຜູກພັນພາຍໃຕ້ຂໍ້ຕົກລົງນິວເຄຼຍ ຫຼັງນາຍພົນຖືກສັງຫານ
ປະທານາທິບໍດີສະຫະລັດຂູ່ຂວໍ້າບາດອີຣັກ ຖ້າຫາກໄລ່ກອງທັບອອກນອກປະເທດ
ອີຣານຕັ້ງຄ່າຫົວ “ປະທານາທິບໍດີສະຫະລັດ 80 ລ້ານໂດລາ” ພ້ອມຂູ່ໂຈມຕີທຳນຽບຂາວໄດ້ທຸກເວລາ
ປະທານາທິບໍດີສະຫະລັດຊີ້ແຈງເຫດສັງຫານ “ນາຍພົນໂຊເລມານີ” ຂອງອີຣານ ແມ່ນເພື່ອຢຸດສົງຄາມ

2 ຄຳຄິດເຫັນ

  1. […] ຖ້າຫາກໄລ່ກອງທັບອອກນອກປະເທດ ອີຣານຕັ້ງຄ່າຫົວ “ປະທານາທິບໍດີສະຫະລ… […]

    Reply

  2. […] ຖ້າຫາກໄລ່ກອງທັບອອກນອກປະເທດ ອີຣານຕັ້ງຄ່າຫົວ “ປະທານາທິບໍດີສະຫະລ… […]

    Reply

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ຫວຽດນາມກວດພົບຜູ້ຕິດເຊື້ອພະຍາດໂຄວິດ-19 ໃໝ່ຈໍານວນ 3 ຄົນ

ຄະນະກໍາມະການແຫ່ງຊາດ ເຝົ້າລະວັງ ແລະ ຕ້ານການແຜ່ລະບາດພະຍາດໂຄວິດ-19 ຂອງຫວຽດນາມໄດ້ລາຍງານ ໃນວັນພ…