Home ຂ່າວຕ່າງປະເທດ ອີຣານເປີດສາກລ້າງແຄ້ນ ຍິງຂີປະນາວຸດ 10 ຫົວໃສ່ຖານທັບສະຫະລັດໃນອີຣັກ

ອີຣານເປີດສາກລ້າງແຄ້ນ ຍິງຂີປະນາວຸດ 10 ຫົວໃສ່ຖານທັບສະຫະລັດໃນອີຣັກ

11 second read
1
0
693
ອີຣານເປີດສາກລ້າງແຄ້ນ ຍິງຂີປະນາວຸດ 10 ຫົວໃສ່ຖານທັບສະຫະລັດໃນອີຣັກ
Loading...

(8 ມັງກອນ 2020) ກະຊວງ​ປ້ອງກັນປະເທດສະຫະລັດອາເມລິກາ ເປີດ​ເຜີຍ​ວ່າ ຊ່ວງ​ເວລາ​ປະ​ມານ 01:30 ໂມງ ຕາມ​ເວລາ​ທ້ອງ​ຖິ່ນ​ໃນ​ອີຣັກ, ອີຣານ​ເປີດ​ສາກ​ຍິງ​ຂີປະນາວຸດ​ຫຼາຍກວ່າ 10 ຫົວ ຂ້າມ​ຝັ່ງ​ມາຍັງ​ຖານ​ທັບ​ອາ​ກາດ​ອັລ-​ອັດ​ຊາດ (Al-Asad) ແລະ​ ຖານ​ທັບ​ອາ​ກາດ​ອີ​ບິນ​ໃນ​ອີຣັກ ທີ່​ກອງທັບ​ຂອງ​ສະຫະລັດອາເມລິກາ​ ແລະ ​ຊາດ​ພັນ​ທະ​ມິດ​ຕັ້ງ​ກຳ​ລັງ​ຢູ່ ໂດຍ​ຫຼ້າ​ສຸດ​ຍັງ​ບໍ່​ມີ​ລາຍ​ງານ​ຄວາມ​ເສຍ​ຫາຍ.

ຂະນະ​ທີ່​ກອງ​ກຳ​ລັງ​ພິ​ທັກ​ການ​ປະຕິວັດ​ອິດ​ສະລາມ​ອີຣານ ອອກ​ມາ​ອ້າງ​ຄວາມ​ຮັບ​ຜິດຊອບ​ໃນ​ການ​ໂຈມ​ຕີ​ເທື່ອ​ນີ້ ໂດຍ​ເປັນ​ປະຕິບັດການ​ຊື່​ວ່າ “Martyr Soleimani” ເພື່ອ​ເປັນ​ການ​ຕອບ​ໂຕ້​ທີ່ສະຫະລັດອາເມລິກາ​ສັງ​ຫານ ພົນຕີ ຄາ​ເຊມ ໂຊ​ເລ​ມາ​ນີ ອ​ະດີດ​ຜູ້​ບັນຊາ​ການ​ກອງ​ກຳ​ລັງ​ຄຸດ​ສ​໌ ພ້ອມ​ຂູ່​ວ່າ​ຈະ​ຕອບ​ໂຕ້​ໃຫ້​ຮຸນແຮງ​ກວ່າ​ເກົ່າ ແລະ ​ຂະຫຍາຍ​ວົງ​ກວ້າງ​ໄປ​ທົ່ວ​ພາກພື້ນ​ຕາເວັນ​ອອກ​ກາງ ຫາກ​ສະຫະລັດອາເມລິກາ​ເປີດ​ສາກ​ໂຈມ​ຕີ​ອີກ. ນອກ​ຈາກ​ນີ້ ຍັງລະ​ບຸ​ວ່າ ໃຫ້​ສະຫະລັດອາເມລິກາ​ຖອນ​ກຳ​ລັງ​ທະຫານ​ອອກຈາກ​ພາກພື້ນ​ນີ້.

ນອກ​ຈາກ​ນີ້ ສຳ​ນັກ​ຂ່າວ​ເພຣສ ທີ​ວີ (Press TV) ລາຍ​ງານ​ວ່າ ​ເມື່ອ​ເວລາ 23:30 ໂມງ ຕາມ​ເວລາ​ທ້ອງ​ຖິ່ນ ກອງ​ກຳ​ລັງ​ພິ​ທັກ​ການ​ປະຕິວັດ​ອິດສະ​ລາມ (IRGC) ຍິງ “ຂີປະນາວຸດ​ຈາກ​ພື້ນ​ສູ່​ພື້ນ (surface-to-surface missile) ເກີນ​ສິບ​ຫົວ ”ໂຈມ​ຕີ​ຖານ​ທັບ​ອາ​ກາດສະ​ຫະລັດ ໃນ​ແຂວງ​ອັນ​ບາ​ (Anbar) ທາງ​ຕາເວັນ​ຕົກ​ຂອງ​ອີຣັກ ເພື່ອ​ຕອບ​ໂຕ້​ການ​ທີ່ສະຫະລັດສັງ​ຫານ​ນາຍ​ພົນ ​ຄາ​ເຊມ ໂຊ​ເລ​ມາ​ນີ ອ​ະດີດ​ຜູ້​ບັນ​ຊາ​ການ​ກອງ​ກຳ​ລັງ​ຄຸດ​ສ​໌ (Quds Force).

ລາຍ​ງານ​ດັ່ງກ່າວລະ​ບຸ​ວ່າ ກອງ​ກຳ​ລັງດັ່ງກ່າວໄດ້​ຮຽກ​ຮ້ອງ​ໃຫ້​ສະຫະລັດ ຖອນ​ກຳ​ລັງ​ທະຫານ​ອອກຈາກ​ອີຣັກ​ໃຫ້​ຮຽບຮ້ອຍ ແລະ ລະ​ບຸ​ວ່າ​ຈະ​ບໍ່​ແບ່ງ​ແຍກ​ສະຫະລັດ ກັບ​ອິດສ​ຣາ​ເອລ ສຳລັບ​ການ​ແກ້​ແຄ້ນ​ກໍລະນີ​ສັງ​ຫານ​ໂຊ​ເລ​ມາ​ນີ. ອີຣານ​ໄດ້​ຢືນຢັນ​ວ່າ​ຈະ “ແກ້​ແຄ້ນ​ຢ່າງ​ສາສົມ” ຕໍ່​ການ​ເສຍຊີວິດ​ຂອງ​ນາຍ​ພົນ​ຄົນ​ສຳຄັນ ໂດຍ​ກອງ​ກຳ​ລັງດັ່ງກ່າວລະ​ບຸ​ວ່າ​ຈະໃຫ້​ລາຍ​ລະອຽດ​ກ່ຽວກັບ​ການ​ຖະຫຼົ່ມ​ຖານ​ທັບ​ອາ​ກາ​ດສະຫະລັດ ໃນ​ອີຣັກ​ເທື່ອ​ນີ້​ຕໍ່ໄປ.

ເຫດ​ໂຈມ​ຕີ​ເທື່ອ​ນີ້​ເກີດ​ຂຶ້ນ​ພຽງ​ບໍ່​ເທົ່າໃດຊົ່ວ​ໂມງ ຫຼັງ​ຈາກ​ ໂດ​ນັລ ທຣຳ ປະ​ທາ​ນາ​ທິບໍ​ດີສະຫະລັດ ສົ່ງ​ຄຳ​ເຕືອນ​ຫຼ້າ​ສຸດ​ໃນ​ມື້​ດຽວ​ກັນ ໂດຍ​ທຳ​ນຽບ​ຂາວ​ຖະແຫຼງ​ວ່າ ສະຫະລັດ ກຳ​ລັງ​ຕິດ​ຕາມ​ເລື່ອງ​ການ​ໂຈມ​ຕີ​ດັ່ງກ່າວ​ຢູ່ ໂດຍ​ລະ​ບຸ​ວ່າ “ເຮົາ​ໄດ້ຮັບ​ຮູ້​ລາຍ​ງານ​ການ​ໂຈມ​ຕີ​ສິ່ງ​ປຸກ​ສ້າງ​ຂອງ​ສະຫະລັດ ໂດຍ​ປະ​ທາ​ນາ​ທິບໍ​ດີ​ກຳ​ລັງ​ຕິດ​ຕາມ​ເຫດການ​ນີ້​ຢ່າງ​ໃກ້​ຊິດ ພ້ອມ​ທັງ​ຫາລື​ກັບ​ຄະນະ​ຄວາມໝັ້ນຄົງ​ແຫ່ງ​ຊາດ”.

ຂໍຂອບໃຈ/ທີ່ມາຂ່າວ
https://muan.sanook.com/62266/

***ລຳດັບເຫດການ/ລວມຂ່າວພິພາດສະຫະລັດອາເມລິກາ-ອີຣານ***
ສະພາອາເມຣິກາກຽມໂຫວດ “ຈຳກັດອຳນາດຂອງທຣັມ” ກໍລະນີໃຊ້ມາດຕະການທະຫານກັບອີຣ່ານ
ອີຣານເປີດສາກລ້າງແຄ້ນ ຍິງຂີປະນາວຸດ 10 ຫົວໃສ່ຖານທັບສະຫະລັດໃນອີຣັກ
ອີຣານປະກາດຫຼຸດລະດັບຄວາມຜູກພັນພາຍໃຕ້ຂໍ້ຕົກລົງນິວເຄຼຍ ຫຼັງນາຍພົນຖືກສັງຫານ
ປະທານາທິບໍດີສະຫະລັດຂູ່ຂວໍ້າບາດອີຣັກ ຖ້າຫາກໄລ່ກອງທັບອອກນອກປະເທດ
ອີຣານຕັ້ງຄ່າຫົວ “ປະທານາທິບໍດີສະຫະລັດ 80 ລ້ານໂດລາ” ພ້ອມຂູ່ໂຈມຕີທຳນຽບຂາວໄດ້ທຸກເວລາ
ປະທານາທິບໍດີສະຫະລັດຊີ້ແຈງເຫດສັງຫານ “ນາຍພົນໂຊເລມານີ” ຂອງອີຣານ ແມ່ນເພື່ອຢຸດສົງຄາມ

One Comment

  1. […] ກໍລະນີໃຊ້ມາດຕະການທະຫານກັບອີຣ່ານ ອີຣານເປີດສາກລ້າງແຄ້ນ ຍິງຂີປະນາວຸດ 10… […]

    Reply

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ຊົມເຊີຍ! ຍີ່ປຸ່ນຊ່ວຍລາວ13 ລ້ານໂດລາສະຫະລັດ

ວັນທີ 5 ມິຖຸນານີ້ ທີ່ນະຄອນຫຼວງວຽງຈັນ, ໄດ້ມີພິທີລົງນາມເອກະສານແລກປ່ຽນສຳລັບໂຄງການຊ່ວຍເຫຼືອລ້າ…