Home ຂ່າວຕ່າງປະເທດ ພັນທະມິດສະຫະລັດອາເມລິກາ ພະຍາຍາມຕີຕົວອອກຫ່າງກໍລະນີອີຣານ

ພັນທະມິດສະຫະລັດອາເມລິກາ ພະຍາຍາມຕີຕົວອອກຫ່າງກໍລະນີອີຣານ

4 second read
0
1
10,922
ພັນທະມິດສະຫະລັດອາເມລິກາ ພະຍາຍາມຕີຕົວອອກຫ່າງກໍລະນີອີຣານ
Loading...

ປະເທດ​ພັນທະມິດ​ຂອງສະຫະລັດອາເມລິກາເລີ່ມ​ອອກ​ມາ​ປະຕິເສດ​ວ່າ ​ບໍ່​ຮູ້​ມາ​ກ່ອນ​ວ່າ ສະຫະລັດ ຈະ​ສັງ​ຫານ​ນາຍ​ພົນ​ໂຊ​ເລ​ມາ​ນີ​ຂອງ​ອີຣານ ເພາະ​ບໍ່​ຢາກ​ຕົກ​ເປັນ​ເປົ້າ​ການ​ໂຈມ​ຕີ​ຈາກ​ອີຣານ​ ແລະ ​ພັນທະມິດ.

ປະເທດ​ພັນທະມິດ​ຂອງສະຫະລັດ ຫຼາຍ​ປະເທດ​ທີ່​ເຄີຍ​ສະໜັບ​ສະໜຸນ​ໃຫ້ສະຫະລັດ ໃຊ້​ມາດຕະການ​ທີ່​ຮຸນແຮງ​ຂຶ້ນ​ໃນ​ການ​ຮັບ​ມື​ກັບ​ອີຣານ ຊໍ້າພັດ​ເລີ່ມ​ຕີ​ຕົວ​ອອກ​ຫ່າງ​ຈາກສະຫະລັດ ດ້ວຍ​ການ​ອອກ​ມາ​ປະກາດວ່າ ບໍ່​ມີ​ສ່ວນ​ກ່ຽວ​ຂ້ອງ​ ແລະ​ ບໍ່​ຮູ້​ມາ​ກ່ອນ​ວ່າ ໂດນັລ ທຣຳ ປະທານາທິບໍດີສະຫະລັດ ສັ່ງ​ການ​ໃຫ້​ກອງທັບສະຫະລັດ ສັງ​ຫານ ພົນຕີ ​ກັດ​ຊິມ ໂຊ​ເລ​ມາ​ນີ ຜູ້​ບັນ​ຊາ​ການ​ກອງ​ກຳ​ລັງ​ກຸດ​ສ​໌ ກອງ​ກຳ​ລັງ​ສຳຄັນ​ຂອງ​ກອງທັບ​ພິ​ທັກປະຕິວັດອີຣານ ດ້ວຍ​ການ​ໂຈມ​ຕີ​ທາງ​ອາ​ກາດ​ຈາກ​ໂດ​ຣນ​ທີ່ນະຄອນຫຼວງ​ແບກ​ແດດ​ຂອງ​ອີຣັກ​ເມື່ອ​ວັນທີ 3 ມັງກອນ ທີ່​ຜ່ານມາ.

ປະເທດ​ພັນທະມິດ​ຂອງສະຫະລັດ ຫຼາຍ​ປະເທດ​ພະຍາຍາມ​ຈະ​ບໍ່ຫຍຸ້ງ​ກັບ​ຄວາມ​ຂັດ​ແຍ້ງ​ລະຫວ່າງສະຫະລັດ ແລະ​ ອີຣານ​ໃນ​ເທື່ອ​ນີ້ ເພາະ​ຢ້ານ​ວ່າ​ຈະ​ຕົກ​ເປັນ​ເປົ້າ​ການ​ໂຈມ​ຕີ​ຂອງ​ອີຣານ ​ແລະ ​ພັນທະມິດ​ໄປ​ນຳ ໂດຍ​ສະເພາະ​ຫຼັງ​ຈາກ​ທີ່​ອີຣານ​ຍິງ​ຂີປະ​ນາ​ວຸດ​ຫຼາຍ​ສິບຫົວ​ຖະຫຼົ່ມ​ຖານ​ທັບສະຫະລັດ 2 ແຫ່ງ​ໃນ​ອີຣັກ.

ອິດ​ສະຣາ​ເອລ ​ແລະ ​ອົ​ງ​ການ​ສົນ​ທິ​ສັນຍາ​ແອັດ​ແລນ​ຕິກ​ເໜືອ ຫຼື ນາ​ໂຕ (NATO) ຢ້ຳ​ວ່າ ບໍ່​ມີ​ສ່ວນ​ກ່ຽວ​ຂ້ອງ​ກັບ​ການ​ໂຈມ​ຕີ​ຂອງສະຫະລັດແຕ່​ຢ່າງ​ໃດ. ຂະນະ​ທີ່ ອັງ​ກິດ, ຝ​ຣັ່ງ, ເຢຍລະມັນ, ຊາ​ອຸ​ດີ​ອາ​ຣະ​ເບຍ ແລະ ​ອັນ​ໂຕນິ​ອູ ກູ​ແຕ​​ຣີສ ເລ​ຂາ​ທິ​ກາ​ນສະ​ຫະ​ປະ​ຊາ​ຊາດ (UN) ​ຕ່າງ​ກໍ​ຮຽກ​ຮ້ອງ​ໃຫ້ສະຫະລັດອົດ​ກັ້ນ ໂດຍ​ສະເພາະ​ຢ່າງຍິ່ງ ຫຼັງ​ຈາກ​ທີ່​ທ່ານ ທຣຳ ປະ​ກາ​ດວ່າ​ຈະ​ຈະ​ໂຈມ​ຕີ​ໃສ່​ສະຖານ​ທີ່​ທາງ​ວັດທະນະທຳ​ຂອງ​ອີຣານ.

ອັງ​ກ​ິດ​ໄດ້​ສັ່ງຫຼຸດ​ຈຳນວນ​ບຸ​ກຄະລາກອນທີ່​ເຮັດວຽກ​ໃຫ້​ສະຖານ​ທູດ​ອັງ​ກິດ​ປະຈຳ​ອີຣານ​ ແລະ ​ອີຣັກ ເພື່ອ​ຄວາມ​ປອດ​ໄພ​ຂອງ​ພົນລະເມືອງ​ອັງກິດ.

ດ້ານ​ຈາ​ວັດ ຊາ​ຣີ​ຟ ລັດຖະມົນຕີ​ກະ​ຊວງການ​ຕ່າງ​ປະເທດ​ຂອງ​ອີຣານ​ໄດ້​ຂໍ​ເຂົ້າ​ຮ່ວມ​ການ​ປະ​ຊຸມ​ຄະນະ​ມ​ົນຕີຄວາມໝັ້ນຄົງ​ແຫ່ງ​ສ​ະຫ​ະປະ​ຊາ​ຊາດ ຫຼື UNSC ໃນ​ວັນທີ 9 ມັງກອນ ນີ້ ຊຶ່ງ​ການ​ປະ​ຊຸມ​ດັ່ງ​ກ່າວ​ຈະ​ເປີດ​ໂອ​ກາດ​ໃຫ້​ທາງ​ການ​ອີຣານ​ໄດ້​ກ່າວ​ກັບ​ປະ​ຊາ​ຄົມ​ໂລກ​ກ່ຽວກັບ​ການ​ສັງ​ຫານ​ນາຍ​ພົນ​ໂຊ​ເລ​ມາ​ນີ ແຕ່ສະຫະລັດຊໍ້າພັດ​ປະຕິເສດ​ວີ​ຊາ​ຂອງ​ຊາ​ຣີ​ຟ ຊຶ່ງ​ການ​ກີດ​ກັນ​ບໍ່​ໃຫ້​ຊາ​ຣີ​ຟ​ເຂົ້າ​ຮ່ວມ​ການ​ປະ​ຊຸມ UNSC ຖື​ເປັນ​ການ​ລະ​ເມີດ​ຂໍ້​ຕົກລົງ​ສຳ​ນັກ​ງານ​ໃຫຍ່​ສະຫະປະຊາຊາດ​ປີ 1947.

ມະຫາ​ອຳນາດ​ໃນ​ຢຸ​ໂຣບ​ທີ່​ເຂົ້າ​ຮ່ວມ​ເຮັດ​ຂໍ້​ຕົກລົງ​ນິວເຄຼຍ​ອີຣານ​ເມື່ອ​ປີ 2015 ເຊັ່ນ: ອັງກິດ, ເຢຍລະມັນ ແລະ ຝ​ຣັ່ງ​ ກໍ​ກຽມ​ຈະ​ຫາລື ​ແລະ ​ຕັດ​ສິນ​ໃຈ​ວ່າ​ຈະ​ເລີ່ມ​ຂະ​ບວນ​ການ​ຈັດການ​ຄວາມ​ຂັດ​ແຍ້ງ ​ຫຼື​ ບໍ່ ຫຼັງ​ຈາກ​ທີ່​ອີຣານ​ອອກ​ມາ​ປະກາດວ່າ​ຈະ​ບໍ່​ເຮັດ​ຕາມ​ຂໍ້​ຕົກລົງ​ນິວເຄຼຍ​ອີຣານ​ໂດຍ​ຈະ​ບໍ່​ຈຳ​ກັດ​ລະ​ດັບ​ການ​ຜະລິດ​ແຮ່ຢູ​ເຣ​ນຽມ​ເສີມ​ສະມັດຖະພາບ ຊຶ່ງ​ຂະ​ບວນ​ການ​ຈັດການ​ຄວາມ​ຂັດ​ແຍ້ງ​ອາດ​ນຳ​ໄປ​ສູ່​ການ​ຮຽກ​ຮ້ອງ​ໃຫ້​ຢູ​ເອັນຂວໍ້າບາດ​ອີຣານ​ອີກ​ເທື່ອ ຊຶ່ງ​ທີ່​ຜ່ານມາ ອີຣານ​ກໍ​ໄດ້​ວິ​ຈານ​ມະ​ຫາ​ອຳນາດ​ໃນ​ຢຸ​ໂຣ​ປວ່າ​ບໍ່​ປົກ​ປ້ອງ​ອີຣານ​ຈາກ​ການຂວໍ້າບາດ​ຮຸນແຮງ​ຈາກສະຫະລັດ.

ທີ່ມາຂ່າວ/ຂໍຂອບໃຈ

 

***ລຳດັບເຫດການ/ລວມຂ່າວພິພາດສະຫະລັດອາເມລິກາ-ອີຣານ***
ພັນທະມິດສະຫະລັດອາເມລິກາ ພະຍາຍາມຕີຕົວອອກຫ່າງກໍລະນີອີຣານ
ສະພາອາເມຣິກາກຽມໂຫວດ “ຈຳກັດອຳນາດຂອງທຣັມ” ກໍລະນີໃຊ້ມາດຕະການທະຫານກັບອີຣ່ານ
ອີຣານເປີດສາກລ້າງແຄ້ນ ຍິງຂີປະນາວຸດ 10 ຫົວໃສ່ຖານທັບສະຫະລັດໃນອີຣັກ
ອີຣານປະກາດຫຼຸດລະດັບຄວາມຜູກພັນພາຍໃຕ້ຂໍ້ຕົກລົງນິວເຄຼຍ ຫຼັງນາຍພົນຖືກສັງຫານ
ປະທານາທິບໍດີສະຫະລັດຂູ່ຂວໍ້າບາດອີຣັກ ຖ້າຫາກໄລ່ກອງທັບອອກນອກປະເທດ
ອີຣານຕັ້ງຄ່າຫົວ “ປະທານາທິບໍດີສະຫະລັດ 80 ລ້ານໂດລາ” ພ້ອມຂູ່ໂຈມຕີທຳນຽບຂາວໄດ້ທຸກເວລາ
ປະທານາທິບໍດີສະຫະລັດຊີ້ແຈງເຫດສັງຫານ “ນາຍພົນໂຊເລມານີ” ຂອງອີຣານ ແມ່ນເພື່ອຢຸດສົງຄາມ

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ສຸກເສີນ ! ນໍ້າມັນດິບຮົ່ວໄຫຼຫຼາຍກວ່າ 20 ພັນໂຕນ

ແຫຼ່ງຂ່າວ ບີບີຊີລາຍງານ ວັນທີ 4 ມິຖຸນານີ້ວ່າ: ປະທານາທິບໍດີຣັດເຊຍທ່ານ Vladimir Putin ໄດ້ປະກາ…