Home ຂ່າວຕ່າງປະເທດ ໄວຣັສປອດອັກເສບທີ່ລະບາດໃນຈີນບໍ່ແມ່ນພະຍາດຊາ (SARS) ແລ້ວມັນແມ່ນຫຍັງກັນແທ້?

ໄວຣັສປອດອັກເສບທີ່ລະບາດໃນຈີນບໍ່ແມ່ນພະຍາດຊາ (SARS) ແລ້ວມັນແມ່ນຫຍັງກັນແທ້?

4 second read
0
0
129
ໄວຣັສປອດອັກເສບທີ່ລະບາດໃນຈີນບໍ່ແມ່ນພະຍາດຊາ (SARS) ແລ້ວມັນແມ່ນຫຍັງກັນແທ້?
Loading...

ຫຼັງ​ຈາກ​ພົບ​ຜູ້​ຕິດ​ເຊື້ອ​ອາການ​ຄ້າຍ​ປອດ​ອັກ​ເສບ​ດ້ວຍ​ໄວ​ຣັດ​ໃນ​ປະເທດ​ຈີນ​ຫຼາຍ​ສິບ​ຄົນ ໄດ້​ສ້າງ​ຄວາມ​ຕື່ນຕົກໃຈ​ໃຫ້​ຫຼາຍ​ປະເທດ​ທົ່ວ​ໂລກ ໂດຍຫຼາຍປະເທດກໍໄດ້ໃຊ້ມາດຕະການ​​ກັກ​ກັນ​ຕົວ, ກວດ​ສອບ​ນັກ​ເດີນທາງ, ກວດກາ​ທີ່ສະໜາມ​ບິນ ເປັນຕົ້ນ.

ຫຼ້າ​ສຸດ ຄະນະ​ກຳມະການ​ສາທາລະນະສຸກ​ແຫ່ງ​ອູ່​ຮັ່ນ ຖະແຫຼງ​ວ່າ ຕອນ​ນີ້​ມີ​ຜູ້​ປ່ວຍ​ພະຍາດ​ປອດ​ອັກ​ເສບ​ຈາກ​ໄວ​ຣັດປິດສະໜາ​ຈຳນວນ 59 ລາຍ ໂດຍ​ຜູ້​ປ່ວຍ​ທຸກ​ຄົນ​ໄດ້ຮັບ​ການ​ຮັກສາ​ໃນ​ເຂດ​ກັກ​ກັນ ແລະ ຍັງ​ບໍ່​ມີ​ລາຍ​ຊື່​ຂອງ​ຜູ້​ເສຍຊີວິດ. ​ຕອນ​ນີ້ ເຈົ້າ​ໜ້າທີ່​ກວ່າ 163 ຄົົນທີ່​ມີ​ການ​ສຳ​ຜັດ​ໃກ້​ຊິດ​ກັບ​ຜູ້​ຕິດ​ເຊື້ອ ກໍ​ໄດ້​ຖືກ​ວາງ​ຕົວ​ເຝົ້າ​ລະ​ວັງ​ພາຍໃຕ້​ການ​ສັງເກດ​ທາງ​ການ​ແພດ​ອີກດ້ວຍ. ໃນ​ຂະນະ​ທີ່​ເຈົ້າ​ໜ້າທີ່​ກໍ​ຢືນຢັນ​ວ່າ ອາການ​ນີ້​ບໍ່​ມີ​ຄວາມ​ເປັນ​ໄປ​ໄດ້​ທີ່​ຈະ​ເປັນ​ພະຍາດ​ຊາ​ສ໌ (SARS), ພະຍາດ​ລະບົບ​ທາງເດີນ​ຫາຍ​ໃຈ​ທີ່​ລະບາດໃນຕາເວັນ​ອອກ​ກາງ (ພະຍາດ​ເມີ​ສ໌) ຫຼື ​ໄຂ້​ຫວັດ​ນົກ.

ແລ້ວ​ຖ້າ​ບໍ່​ແມ່ນ​ພະຍາດ​ທີ່​ຕ້ອງ​ສົງ​ໄສ​ເຫຼົ່າ​ນີ້​ແລ້ວ, ​ໄວ​ຣັດ​ນີ້​ຈະ​ເປັນ​ຫຍັງໄດ້ແດ່?

ຄະນະ​ກຳມະການ​ດ້ານ​ສາທາລະນະສຸກຂອງ​ອູ່​ຮັ່ນ​ລະບຸວ່າ ການ​ຕິດ​ເຊື້ອ​ເກີດ​ຂຶ້ນ​ລະຫວ່າງ​ວັນທີ 12 – 29 ທັນວາ ປີ​ທີ່​ຜ່ານມາ ໂດຍ​ຜູ້​ປ່ວຍ​ບາງ​ລາຍ​ເຮັດວຽກ​ທີ່ຕະຫຼາດ​ອາຫານ​ທະ​ເລ​ໃນ​ເມືອງ ຊຶ່ງ​ເປັນຕະຫຼາດ​ທີ່​ມີ​ການ​ຈຳ​ໜ່າຍ​ສັດ​ທີ່​ມີ​ຊີວິດ​ອື່ນ​ໆ ເຊັ່ນ: ນົກ, ກະ​ຕ່າຍ ແລະ ​ງູ ເຮັດໃຫ້​ມີ​ຄວາມ​ກັງວົນວ່າ​ໄວ​ຣັດ​ອາດ​ແຜ່ເຊື້ອ​ຈາກ​ສັດ​ສູ່​ມະນຸດ ເຖິງວ່າ​ຈະ​ມີ​ລາຍ​ງານ​ວ່າ ຕະຫຼາດ​ນີ້​ໄດ້​ປິດ​ໃຫ້ບໍລິ​ການຕັ້ງ​ແຕ່ 1 ມັງກອນ​ເພື່ອ​​ຂ້າ​ເຊື້ອ​ພະຍາດ.

ສາ​ດສະດາຈາ​ນ​ ເດ​ວິດ ຮຸຍ ຊູ​ສົງ (David Hui Shu-cheong) ຜູ້​ຊ່ຽວ​ຊານ​ດ້ານ​ລະບົບ​ຫາຍ​ໃຈ​ຂອງ ມະຫາ​ວິທະຍາ​ໄລ​ຈີນ​ແຫ່ງ​ຮົງ​ກົງ​ໄດ້​ໃຫ້​ສຳພາດ​ກັບ CNN ວ່າ ມີ​ຄວາມ​ເປັນ​ໄປ​ໄດ້​ສູງ​ທີ່​ການ​ລະບາດຂອງ​ປອດ​ອັກ​ເສບ​ຈະ​ເກີດ​ຈາກ​ໄວ​ຣັດ​ຊະນິດ​ໃໝ່. ທັງ​ກັງ​ວົນວ່າ ສິ່ງ​ທີ່​ວາງ​ຂາຍ​ໃນຕະຫຼາດ ອາດ​ເປັນ​ໜຶ່ງ​ໃນ​ສາ​ເຫດ​ຂອງ​ການ​ລະບາດນຳ. ທັງ​ຈາກ​ຂໍ້​ມູນ​ຂອງ​ທ່ານ​ເອງ ຍັງ​ພົ​ບວ່າ ເຊື້ອ​ພະຍາດ​ຊະນິດ​ໃໝ່​ຈຳນວນ​ຫຼາຍ​ໄດ້​ຖືກ​ຖ່າຍ​ທອດ​ຈາກ​ສັດ​ສູ່​ມະນຸດ ເຊັ່ນ:​ ຊາ​ສ໌ ຫຼື ​ພະຍາດ​ເມີສ໌​ທີ່​ຄາດ​ວ່າ​ມາ​ຈາກ​ອູດ.

ໃນ​ຕອນ​ນີ້ ເຈົ້າ​ໜ້າທີ່ຍັງ​ກ່າວ​ວ່າ ບໍ່​ມີ​ຫຼັກ​ຖານ​ຊັດເຈນ​ວ່າ​ມີ​ການ​ຕິດ​ຕໍ່​ຈາກ​ຄົນ​ສູ່​ຄົນ ແຕ່​ກໍ​ຍັງມີ​ຄວາມ​ຢ້ານ​ກົວວ່າ​ຈະ​ມີ​ການ​ແຜ່ລະບາດຂອງ​ພະຍາດ​ທົ່ວ​ປະເທດ ໃນ​ເທດ​ສະການກຸດຈີນ (ປີໃໝ່ຈີນ) ​ທີ່​ກຳ​ລັງ​ຈະ​ມາ​ເຖິງ ຊຶ່ງ​ຊາວ​ຈີນ​ຫຼາຍ​ຮ້ອຍ​ລ້ານ​ຄົນ​ຈະ​ເດີນທາງ​ທັງ​ໃນ​ປະເທດ ແລະ​ ນອກ​ປະເທດ ທັງທາງ​ລົດ​ໄຟ, ລົດ​ເມ ແລະ ເຮືອ​ບິນ.

ສາ​ດສະດາຈານ​ລີ​ໂອ ພູນ (Leo Poon) ນັກ​ໄວ​ຣັດ​ວິທະຍາ​ຂອງ​ມະຫາ​ວິທະຍາ​ໄລ​ຮົງ​ກົງ ແລະ ​ຜູ້​ຊ່ຽວ​ຊານ​ພະຍາດ​ຊາ​ສ໌​ກ່າວ​ວ່າ ຄວາມ​ຮຸນແຮງ​ຂອງ​ສະຖານະການ​ທີ່​ຈະ​ເກີດ​ຂຶ້ນ​ນັ້ນ​ຂຶ້ນ​ຢູ່​ກັບ​ວ່າ​ພະຍາດ​ປອດ​ອັກ​ເສບ​ອູ່​ຮັ່ນ​ເປັນ​ພະຍາດ​ຕິດ​ຕໍ່​ ຫຼື ​ບໍ່, “ຖ້າ​ມັນ​ສົ່ງ​ຜ່ານ​ຈາກ​ສັດ​ສູ່​ມະນຸດ​ເທົ່າ​ນັ້ນ ແລະ ​ຕອນ​ນີ້ຕະ​ຫຼາດ​ກໍ​ປິດ​ຕົວ​ແລ້ວ ກໍ​ຈະ​ມີ​ໂອ​ກາດ​ທີ່​ຄົນ​ຈະ​ຕິດ​ເຊື້ອ​ຕ່ຳ​ລົງ” ຊຶ່ງ​ເຖິງວ່າ​ຕອນ​ນີ້​ຈະຍັງ​ບໍ່​ພົ​ບວ່າ​ຕິດ​ຕໍ່​ຈາກ​ຄົນ​ສູ່​ຄົນ ແຕ່ທ່ານ ​ຮຸຍ ​ກໍ​ຄິດວ່າ ຍັງ​ຕ້ອງ​ເຝົ້າ​ລະ​ວັງ​ເພາະ “ຫຼາຍ​ເທື່ອ​ທີ່​ເຊື້ອ​ໄວ​ຣັດ​ທາງເດີນ​ຫາຍ​ໃຈ​ສາມາດ​ຕິດ​ຕໍ່​ກັນ​ໄດ້​ໃນ​ມະນຸດ,” ທ່ານ​ກ່າວ.

ຂໍຂອບໃຈ/ທີ່ມາຂ່າວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ຊາວອາເມລິກາ ແຫ່ກັນໄປທ່ຽວຫາດຊາຍ ໂດຍບໍ່ຄິດຢ້ານເຖິງວ່າຜູ້ເສຍຊີວິດຈາກໂຄວິດໃນປະເທດທະລຸເກືອບ 1 ແສນຄົນ

ອີງຕາມຂ່າວໜັງສືພິມລາວພັດທະນາໃຫ້ຮູ້ວ່າ: ປະຊາຊົນອາເມລິກາຈຳນວນຫຼາຍໄດ້ແຫ່ກັນໄປທ່ຽວພັກຜ່ອນຕາມຫາ…