Home ຂ່າວພາຍໃນ ລັດຖະບານມອບໜີ້ຄ່າໄຟຟ້າທາງຫຼວງ 42 ຕື້ໃຫ້ນະຄອນຫຼວງຯຈ່າຍເອງ

ລັດຖະບານມອບໜີ້ຄ່າໄຟຟ້າທາງຫຼວງ 42 ຕື້ໃຫ້ນະຄອນຫຼວງຯຈ່າຍເອງ

0 second read
0
0
701
Loading...

ຕາມການລາຍງານຂອງໜັງສືພິມ ເສດຖະກິດ-ການຄ້າ ເຊິ່ງເປັນໜັງສືພິມທີ່ຂຶ້ນກັບກະຊວງການເງິນ ໄດ້ລາຍງານວ່າ ເມື່ອວັນທີ 7 ທັນວາ 2018 ທີ່ຜ່ານມາ ຢູ່ທີ່ສຳນັກງານປົກຄອງນະຄອນຫຼວງວຽງຈັນ ໄດ້ມີກອງປະຊຸມ ພົບປະຫາລືລະຫວ່າງຄະນະປະຈຳພັກນະຄອນຫຼວງວຽງຈັນແລະຄະນະປະຈຳພັກກະຊວງການເງິນ ໃນໂອກາດດັ່ງກ່າວ ຄະນະພັກນະຄອນຫຼວງໄດ້ສະເໜີໃຫ້ກະຊວງການເງິນ ກໍຄືລັດຖະບານຊ່ວຍແກ້ໄຂບັນຫາໜີ້ສິນ ຂອງນະຄອນຫຼວງວຽງຈັນຈຳນວນຫຼາຍ ເຊັ່ນ: ໜີ້ສິນຄ່າໄຟຟ້າເຍືອງທາງ ຈຳນວນ 42 ຕື້ກີບ, ໜີ້ສວນສາທາລະນະ ຈຳນວນ 266 ຕື້ກີບ ແລະໜີ້ສິນນໍ້າປະປາສາທາລະນະ ຈຳນວນ 227 ຕື້ກີບ.

ຕໍ່ການສະເໜີດັ່ງກ່າວຂອງນະຄອນຫຼວງນັ້ນ, ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນໄດ້ໃຫ້ທິດຊີ້ນຳວ່າ: “ສຳລັບໜີ້ສິນໄຟຟ້າເຍືອງທາງທີ່ນະຄອນຫຼວງຄ້າງຈ່າຍໃນໄລຍະທີ່ຜ່ານມາ ແມ່ນມອບໃຫ້ນະຄອນຫຼວງເປັນຜູ້ຮັບຜິດຊອບເອງ, ສ່ວນບັນຫາອື່ນໆ ຈະນຳໄປພິຈາລະນາຮ່ວມກັບພາກສ່ວນທີ່ກ່ຽວຂ້ອງ”.

Check Also

ກິລາຊຽງຂວາງເກມ ໃຊ້ງົບປະມານທັງໝົດ 47 ຕຶື້ກີບ

ທ່ານ ບຸນຕົ້ນ ຈັນທະພອນ ເຈົ້າແຂວງຊຽງຂວາງ ໄດ້ໃຫ້ສໍາພາດຕໍ່ສື່ມວນຊົນເມື່ອບໍ່ດົນມານີ້ວ່າວ່າ: ແຂວ…