Home ຂ່າວເດັ່ນ ກະຊວງການເງິນລົງວິໄນ ພະນັກງານລັດສໍ້ລາດບັງຫຼວງ 35 ຄົນ

ກະຊວງການເງິນລົງວິໄນ ພະນັກງານລັດສໍ້ລາດບັງຫຼວງ 35 ຄົນ

42 second read
0
1
1,661

ກະຊວງການເງິນ ລົງວິໄນພະນັກງານ 35 ຄົນ ພ້ອມທັງລົບຊື່ອອກ 10 ຄົນ
ວັນທີ 13 ກຸມພາ 2019 ທີ່ກະຊວງການເງິນ, ໄດ້ດຳເນີນກອງປະຊຸມເປີດກວ້າງຄົບຄະນະບໍລິຫານງານພັກກະຊວງການເງິນຄັ້ງທີ 7 ສະໄໝທີ II ເພື່ອເປັນການສະຫຼຸບຕີລາຄາການຊີ້ນໍາ-ນຳພາຮອບດ້ານຂອງຄະນະບໍລິຫານງານພັກກະຊວງການເງິນປີ 2018 ຜ່ານມາ ແລະຍັງເປັນການສະເໜີມະຕິຂອງກົມການເມືອງສູນກາງພັກເພື່ອກຽມດຳເນີນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກປະຊາຊົນປະຕິວັດລາວ, ຄຳແນະນຳຂອງຄະນະຈັດຕັ້ງສູນກາ ງພັກ, ບົດແນະນໍາຂອງຄະນະກວດກາສູນກາງພັກກ່ຽວກັັບການດຳເນີນຊີວິດການເມືອງພາຍໃນພັກເພື່ອກ້າວເຂົ້າສູ່ກອງປະຊຸມໃຫຍ່ 3 ຂັ້ນຂອງອົງຄະນະພັກກະຊວງ.
ໂດຍການເປັນກຽດເຂົ້າຮ່ວມເປັນປະ ທານໃນກອງປະຊຸມດັ່ງກ່າວ, ຂອງສະ ຫາຍ ສົມດີ ດວງດີ ກຳມະການສູນກາງ ພັກ ຮອງນາຍົກລັດຖະມົນຕີ ເລຂາຄະ ນະບໍລິຫານງານພັກກະຊວງ ລັດຖະມົນ ຕີກະຊວງການເງິນ, ມີສະຫາຍ ບຸນໂຈມ ອຸບົນປະເສີດ ຮອງເລຂາຄະນະບໍລິຫານ ງານພັກກະຊວງ ປະທານກວດກາພັກ ຮອງລັດຖະມົນຕີກະຊວງການເງິນ, ມີ ບັນດາສະຫາຍຄະນະປະຈຳພັກ, ກຳມະ ການຄະນະບໍລິຫານງານພັກ, ເລຂາຄະ ພັກຮາກຖານ, ເລຂາໜ່ວຍ ພັກຮາກຖານ, ເລຂາໜ່ວຍພັກຂຶ້ນກັບຄະນະພັກຮາກກະ ຊວງການເງິນ, ຫົວໜ້າຫ້ອງການ, ຫົວ ໜ້າກົມ, ຮອງກົມ, ຫົວໜ້າພະແນກທີ່ກ່ຽວ ຂ້ອງເຂົ້າຮ່ວມ.
ໃນບົດສະຫຼຸບຕີລາຄາການຊີ້ນຳ-ນຳພາຮອບດ້ານຂອງຄະນະບໍລິຫານງານພັກກະຊວງການເງິນປີ 2018 ແລະທິດທາງວຽກຈຸດສຸມປີ 2019, ສະຫາຍສົມດີ ດວງດີ ຍັງໄດ້ຍົກໃຫ້ເຫັນດ້ານແນວຄິດການເມືອງ, ການປັບປຸງການຈັດຕັ້ງ ແລະນິຕິກຳ, ການພັດທະນາບຸກຄະລາກອນ,ການຄຸ້ມຄອງພະນັກງານ, ການຕິດຕາມກວດກາ, ແບບ ແຜນວິທີນຳພາ ແລະວິທີເຮັດວຽກ, ການນຳພາດ້ານວິຊາສະເພາະ, ສາເຫດຈຸດທີ່ພາໃຫ້ມີຈຸດດີ, ຈຸດອ່ອນທີ່ຈະຕ້ອງພ້ອມກັນແກ້ ໄຂເປັນຕົ້ນ: ການແກ້ໄຂປະກົດ ການຫຍໍ້ທໍ້ຂອງພະນັກງານເຊັ່ນ: ຢູ່ຂັ້ນສູນກາງໄດ້ຊັບຊ້ອນຈັດວາງພະນັກງານບາງກົມຄືນໃໝ່ເປັນຕົ້ນ: ກົມສ່ວຍສາອາ ກອນ, ກົມງົບປະມານແຫ່ງລັດ, ຄັງເງິນແຫ່ງ ຊາດທີ່ພົວພັນກັບປະກົດການຫຍໍ້ທໍ້ທາງດ້ານການເງິນຈໍານວນໜຶ່ງ; ຢູ່ຂັ້ນທ້ອງຖິ່ນກໍ່ເຊັ່ນດຽວກັນເປັນຕົ້ນ: ສ່ວຍສາອາ ກອນປະຈໍານະຄອນຫຼວງວຽງຈັນ, ຫົວ ໜ້າສ່ວຍສາອາກອນປະຈຳ 9 ຕົວເມືອງ ຂອງ ນວ, ສ່ວຍສາອາກອນປະຈຳແຂວງ ຫຼວງພະບາງ, ສ່ວຍ ສາອາກອນປະຈຳ ແຂວງຄຳມ່ວນ, ສຳລັບຜູ້ມີບັນຫາຂັ້ນຫົວ ໜ້າ, ຮອງຫົວໜ້າຂະແໜງສັບຊ້ອນບໍ່ໃຫ້ ຢູ່ບ່ອນເກົ່າຈຳນວນໜຶ່ງຫັນລົງທົດສອບ ວຽກງານຢູ່ຂັ້ນເມືອງ. ນອກນີ້, ຍັງມີສ່ວຍສາອາກອນປະຈຳແຂວງສະຫວັນນະເຂດ ແລະແຂວງຈຳປາສັກ ນຳອີກດ້ວຍ.
ປະຈຸບັນ ຍັງມີພະນັກງານ-ລັດຖະກອນຈຳນວນໜຶ່ງຢູ່ໃນສະພາບເຫຼືອບໍ່ພໍ, ແຕ່ທາງຄະນະປະຈຳພັກກະຊວງການເງິນກໍ່ໄດ້ຕັດສິນໃຈແກ້ໄຂດ້ວຍຫຼາຍວິທີ ຄື; ຜູ້ທີ່ສຸຂະພາບອ່ອນເພຍບໍ່ສາມາດເຮັດວຽກໄດ້ກໍ່ໄດ້ຄົ້ນຄວ້ານະໂຍບາຍໃຫ້ລາພັກປິ່ນປົວຍາວນານ, ຜູ້ທີ່ຮອດ ຫຼື ໃກ້ຈະຮອດອາຍຸກະສຽນຮັບບຳນານກໍ່ໃຫ້ພັກຜ່ອນຮັບບຳນານ ຫຼື ຍັງບໍ່ທັນຄົບເງື່ອນໄຂແມ່ນໃຫ້ຮັບບຳເນັດ; ຜູ້ທີ່ມີຄວາມຮູ້, ຄວາມສາມາດຍັງຕໍ່າຕ້ອງສົ່ງໄປບຳລຸງ ຍົກລະດັບຕື່ມ; ຜູ້ທີ່ເລືອກວຽກເຮັດ,ຫາຜົນປະໂຫຍດສ່ວນຕົວ,ລະເມີດກົດໝາຍ ແລະລະບຽບການເງິນການຕ້ອງຍົກຍ້າຍຕາມຄວາມເໝາະສົມ ຫຼື ລົງວິໄນຕາມສະຖານຄວາມຜິດຕົວຈິງ.
ກ່ຽວກັບຜູ້ລະເມີດກົດໝາຍ, ລະບຽບການ ແລະຂໍ້ຫ້າມຂອງຂະແໜງການເງິນກໍ່ໄດ້ມີການກວດກາ ແລະແກ້ໄຂເປັນລະບົບທັນເວລາກວ່າເກົ່າຕາມກົດ ໝາຍວ່າດ້ວຍພະນັກງານ-ລັດຖະ ກອນຄື: ລົງວິໄນເບື້ອງລັດທັງໝົດ 35 ຄົນ.ໃນນີ້ໄດ້ລຶບຊື່ອອກຈາກການ ເປັນລັດຖະກອນ 10 ຄົນ, ໂຈະການເລື່ອນ ຊັ້ນ-ຂັ້ນເງິນເດືອນ 13 ຄົນ, ຫຼຸດຕຳແໜ່ງ ບໍລິຫານ 3 ຄົນ, ໂຈະວຽກຊົ່ວຄາວ 5 ຄົນ ແລະກ່າວເຕືອນຄວາມຜິດ 4 ຄົນ. ຍັງອີກ ຈຳນວນໜຶ່ງແມ່ນຍັງຈະໄດ້ສືບຕໍ່ດຳເນີນການຕາມຂັ້ນຕອນຂອງກົດໝາຍ ແລະ ລະບຽບການ.
ສໍາລັບວຽກງານຕິດຕາມກວດກາ: ໄດ້ດຳເນີນກວດກາພາຍໃນເປັນປົກກະຕິດ້ານຄວາມຮັບຜິດຊອບຕໍ່ໜ້າທີ່ການ ເມືອງຂອງຄະນະພັກ, ຄະນະນຳແຕ່ລະ ຂັ້ນຂອງຂະແໜງການເງິນຕາມແຜນຮັບຮອງບັນດາກົມ, ຫົວໜ່ວຍທີ່ຂຶ້ນກັບການຄຸ້ມຄອງຂອງກະຊວງການເງິນ, ສຸມໃສ່ວຽກງານກວດກາບັນດາໜ່ວຍ ພັກ, ແກ້ໄຂຜົນດ້ານກວດກາ, ຜົນການກວດສອບໃນການປະຕິບັດກົດໝາຍ ແລະລະບຽບການຕາມຄຳແນະນຳຂອງອົງການກວດສອບຢູ່ບັນດາກົມອ້ອມ ຂ້າງກະຊວງ ແລະຂະແໜງການເງິນຢູ່ຂັ້ນທ້ອງຖິ່ນ.
ລົງເກັບກຳຂໍ້ມູນຄົ້ນຄວ້າ, ແກ້ໄຂຄຳເຫັນ, ຄຳຮ້ອງທຸກ, ຮ້ອງຟ້ອງຈາກສາຍດ່ວນ 1519, ຕູ້ຮັບຄຳຮ້ອງ, ຄຳ ສະເໜີຂອງພົນລະເມືອງທົງໝົດ 31 ກໍ ລະນີ, ແກ້ໄຂສຳເລັດ 10 ກໍລະນີ, ສົ່ງ ພາກສ່ວນກ່ຽວຂ້ອງແກ້ໄຂ 7 ເລື່ອງ, ຍັງຄ້າງບໍ່ທັນສຳເລັັດ 14 ເລື່ອງ, ສຳເລັດການແຈ້ງຊັບສິນ ແລະລາຍຮັບຂອງ ພະນັກງານ-ລັດຖະກອນກະຊວງການເງິນສຳເລັດຂັ້ນພື້ນຖານຈຳນວນ 1.084 ຄົນ, ຍິງ 786 ຄົນ, ສຸມໃສ່ ແກ້ໄຂຜົນຂອງການກວດກາຢູ່ບັນດາ ແຂວງໃນທົ່ວປະເທດທີ່ມີການລະເມີດກົດໝາຍ ແລະລະບຽບການຂະແໜງ ການເງິນ ທັງໝົດ 25 ເປົ້າໝາຍ, ມີຈຳນວນ 64 ຄົນ, ຍິງ 16 ຄົນ, ສະເໜີເປີດ ການສືບສວນ-ສອບສວນ 7 ຄົນ, ຍິງ 5 ຄົນ, ສົມທົບກັບຄະນະກວດກາສະເພາະ ກິດອົງການກວດກາລັດຖະບານ ກວດ ກາຂົງເຂດວິສາຫະກິດທີ່ຂຶ້ນກັບການ ຄຸ້ມຄອງຂອງກະຊວງການເງິນມີ 4 ລັດ ວິສາຫະກິດ ຄື: ບໍລິສັດລັດວິສາຫະກິດ ຫວຍພັດທະນາ, ບໍລິສັດແດນສະຫວັນ, ລັດວິສາຫະກິດລາວບໍລິການສິນຄ້າຜ່ານແດນ ແລະບໍລິສັດການບິນລາວ, ຊຸກຍູ້, ຕິດຕາມການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຢູ່ບັນດາໜ່ວຍພັກທີ່ຂຶ້ນກັບຄະນະພັກຮາກຖານ ແລະໜ່ວຍພັກຮາກຖານ, ສຸມໃສ່ກວດກາເປົ້າໝາຍເຄື່ອນໄຫວລະເມີດກົດໝາຍ ແລະ 10 ຂໍ້ຫ້າມ ແລະວິໄນຂະແໜງການເງິນຢູ່ຂັ້ນສູນກາງ ແລະ ທ້ອງຖິ່ນ.
ຂ່າວ: ນສພ-ເສດຖະກິດ-ສັງຄົມ

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ປ່ຽນລັດຖະມົນຕີ ກະຊວງແຜນການແລະການລົງທຶນ

ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ຮັບການແຕ່ງຕັ້ງເປັນ ວ່າການລັດຖະມົນຕີກະຊວງແຜນການ ແ…