Home ຂ່າວເດັ່ນ ວ່າຄ່າຝາກລົດບຸນທາດເມືອງເກົ່າແພງ ແຕ່ຄ່າຝາກລົດບຸນວັດພູແພງກວ່າ

ວ່າຄ່າຝາກລົດບຸນທາດເມືອງເກົ່າແພງ ແຕ່ຄ່າຝາກລົດບຸນວັດພູແພງກວ່າ

0 second read
1
0
2,994
Loading...

ສອງສາມມື້ທີ່ຜ່ານມາກະແສໜຶ່ງທີ່ໂດດເດັ່ນໃນໂລກສັງຄົມອອນລາຍແມ່ນເວົ້າເລື່ອງຄ່າຝາກລົດແພງ ເຊິ່ງມີຜູ້ທີ່ໂພສຮູບປີ້ຝາກລົດຢູ່ບຸນນະມັດສະການພະທາດສີໂຄດຕະບອງ (ພະທາດເມືອງເກົ່າ) ແຂວງຄຳມ່ວນ ດ້ວຍຄ່າຝາກລົດ 40,000 ກີບ ເຊິ່ງຖືວ່າແພງຫຼາຍ.

ໃນຂະນະດຽວກັນ, ກໍມີຜູ້ໂພສຮູບປີ້ຝາກລົດຢູ່ບຸນນະມັດສະການວັດພູຈຳປາສັກລົງເຟສບຸກອີກ ເຊິ່ງມີຄ່າຝາກ 60,000 ກີບ ເຊິ່ງຖືວ່າແພງວ່າປີ້ຝາກລົດຢູ່ບຸນທາດເມືອງເກົ່າອີກ.

ຕໍ່ເຫດການດັ່ງກ່າວ, ໄດ້ມີຜູ້ຄົນຈຳນວນຫຼາຍໃຫ້ຄຳເຫັນວ່າ ເປັນການເກັບຄ່່າຝາກລົດທີ່ແພງເກີນໄປ ຈົນເຮັດໃຫ້ຮູ້ສຶກບໍ່ຢາກໄປຮ່ວມງານດັ່ງກ່າວ ເຊິ່ງສົ່ງຜົນກະທົບຕໍ່ການທ່ອງທ່ຽວໂດຍກົງແລະທັນທີ.

ພ້ອມກັນນັ້ນກໍມີຜູ້ຕັ້ງຂໍ້ສັງເກດວ່າ ເປັນຫຍັງເລື່ອງລາວການຂາຍປີ້ຝາກລົດໃນແຕ່ລະງານ ບໍ່ວ່າຈະເປັນບຸນຊ່ວງເຮືອທີ່ນະຄອນຫຼວງວຽງຈັນ, ບຸນພະທາດເມືອງເກົ່າ ແຂວງຄຳມ່ວນ ແລະບຸນວັດພູຈຳປາສັກ ຈຶ່ງເປັນບັນຫາຊໍ້າຊາກມາໄດ້ຫຼາຍປີ? ເປັນຫຍັງຄະນະນຳທີ່ຈັດຕັ້ງງານບຸນຕ່າງໆ ເຫຼົ່ານັ້ນບໍ່ຮູ້ຈັກແກ້ໄຂບັນຫາ, ປ່ອຍໃຫ້ສັງຄົມຈົ່ມວ່າຢ່າງອັບອາຍຂາຍໜ້າ, ເປັນຫຍັງເລື່ອງສໍ່ານີ້ຈຶ່ງແກ້ໄຂບໍ່ໄດ້ ຫຼືມັນຄານໍາຄະນະຈັດຕັ້ງງານເນັ້ນເງິນຫຼາຍກວ່າເນັ້ນໃສ່ວັດທະນະທຳຮີດຄອງປະເພນີ. ແຕ່ວ່າຖ້າຈະເນັ້ນໃສ່ແຕ່ກອບໂກຍເລື່ອງເງິນຫຼາຍເກີນໄປ ຢ້ານວ່າໃນອະນາຄົດງານບຸນເຫຼົ່ານີ້ຈະມີຄົນເຂົ້າຮ່ວມນັບມື້ໜ້ອຍລົງ ແທນທີ່ຊິໄດ້ກິນຫຼາຍຊິໄດ້ກິນທໍ່ກ້ອຍ ຄືດັ່ງຄະຕິບູຮານລາວກ່າວໄວ້ແທ້ໆ.

Check Also

ຜູ້ໂດຍສານສາມາດຊໍາລະຄ່າລົດເມ ດ້ວຍ QR Code

ທະນາຄານພັດທະນາລາວ ( ທພລ ) ຮ່ວມມືກັບ ລັດວິສາຫະກິດລົດເມ ນະຄອນຫຼວງວຽງຈັນ ເພີ່ມຊ່ອງທາງໃນການຊໍາ…