Home ຂ່າວກິລາ 2 ​ນັກກີລາ​ລາວ ຫວັງສ້າງຜົນງານດີ ໃນຍົກນໍ້າໜັກຊີງແຊ້ມອາຊີ ເພື່ອຍາດໂຄຕ້າສູ່ໂອແລມປິກເກມ 2020

2 ​ນັກກີລາ​ລາວ ຫວັງສ້າງຜົນງານດີ ໃນຍົກນໍ້າໜັກຊີງແຊ້ມອາຊີ ເພື່ອຍາດໂຄຕ້າສູ່ໂອແລມປິກເກມ 2020

39 second read
0
0
19
2 ​ນັກກີລາ​ລາວ ຫວັງສ້າງຜົນງານດີ ໃນຍົກນໍ້າໜັກຊີງແຊ້ມອາຊີ ເພື່ອຍາດໂຄຕ້າສູ່ໂອແລມປິກເກມ 2020

2 ​ນັກ​ກີລາ​ຍົກ​ນໍ້າໜັກທີ​ມຊາດ​ລາວ ນາງ ໄມເຍ່ຍ ວື ​ແລະ ທ້າວ ຕອນຊຽນ ແຊ່ຈ໋າວ ​ຮຸ່ນ​ນໍ້າໜັກ 55 ກິ​ໂລກຣາມ ​ແລະ ​ທ່ານ ນາງ ເຄືອຄໍາ ລີເຍ່ຍວື ຫົວໜ້າ​ຄູ​ຝຶກ ອະດີດ​ເຈົ້າ​ຂອງ​ຫຼຽນ​ຄໍາ ຊີ​ເກ​ມ ຄັ້ງ​ທີ 25 ຫຼື ວຽງ​ຈັນ ​ເກ​ມ ​ເມື່ອ​ປີ 2009 ເລັ່ງຝຶກຊ້ອມຢ່າງໜັກ ກຽມຄວາມພ້ອມ​ເຂົ້າ​ຮ່ວມ​ການ​ແຂ່ງຂັນ​ກີລາ​ຍົກ​ນໍ້າໜັກ ຊີງແຊ້ມອາຊີ ປະຈໍາປີ 2019 ຫຼື “2019 Asia Weightlifting Championships Olympic Qualification Event” ​​ເພື່ອ​ສະສົມຄະແນນຄວ້າ​​ໂຄ​ຕ້າ ​ເຂົ້າ​ຮ່ວມ​ງານ​ມະຫາກໍາ​ກີລາ​​ໂອ​ແລມປິກ​ເກມ 2020 ທີ່​ນະຄອນຫຼວງ​ໂຕ​ກຽວ ປະ​ເທດ​ຍີ່ປຸ່ນ ​ເປັນ​ເຈົ້າພາບ.

ຕາມ​ການ​ໃຫ້​ສໍາພາດ​ຂອງ ​ທ່ານ ນາງ ເຄືອຄໍາ ລີເຍ່ຍວື ຫົວໜ້າ​ຄູ​ຝຶກ ຊຸດ​ນໍາພາ​ 2 ນັກ​ກີລາ​ໃນ​ຊຸດ​ນີ້ ​ເຂົ້າ​ຮ່ວມ​ແຂ່ງຂັນ​ລາຍການ​ດັ່ງກ່າວ ​​​ເມື່ອ​ບໍ່​ດົນ​ມານີ້ ໃຫ້​ຮູ້​ວ່າ: ​ນັກ​ກີລາ​ຍົກ​ນໍ້າ​ທີ​ມຊາດ​ລາວທັງ 2 ຄົນນີ້ ເປັນ​ຊຸດ​ກະກຽມ​ເຂົ້າ​ຮ່ວມ​ການ​ແຂ່ງຂັນ​ງານ​ມະຫາກໍາ​ກີລາ​ຊີ​ເກ​ມ ຄັ້ງ​ທີ 30 ທີ່​ປະ​ເທດ​ຟີລິບ​ປິນ ຮັບ​ກຽດ​ເປັນ​ເຈົ້າພາບ ຈະ​ຈັດ​ຂຶ້ນ​ໃນ​ທ້າ​ຍປີ​ນີ້. ແຕ່ກ່ອນ​ຈະ​ຮອດ​ການ​ແຂ່ງຂັນ​ງານ​ກີລາ​ຊີ​ເກ​ມນັ້ນ ພວກ​ເຮົາ​ໂຊກດີ​ຫຼາຍ ​ໄດ້​ເຄື່ອນ​ໄຫວ​ເຂົ້າ​ຮ່ວມ​ແຂ່ງຂັນລາຍການຕ່າງໆ ທີ່ຈັດ​ຂຶ້ນ​ທີ່​ປະ​ເທດ​ເພື່ອນ​ບ້ານ ​ໂດຍ​ສະຫະພັນ​ຍົກນໍ້າໜັກ​ແຫ່ງ​ຊາດ​ລາວ ຈະ​ໄດ້​ສົ່ງ 2 ນັກ​ກີລາ​ຍົກ​ນໍ້າໜັກ​ທີ​ມຊາດ​ລາວ ​ຮຸ່ນ​ນໍ້າ​ໜັກ​ 55 ກິ​ໂລກຣາມຍິງ ແລະ ຊາຍ ກໍຄື: ນາງ ໄມເຍ່ຍ ວື ​ແລະ ທ້າວ ຕອນຊຽນ ແຊ່ຈ໋າວ ​ເຂົ້າ​ຮ່ວມ​ການ​ແຂ່ງຂັນກີລາ​ຍົກ​ນໍ້າໜັກ ຊີງແຊ້ມອາຊີ ປະຈໍາປີ 2019 ໃນ​ລະຫວ່າງ​ວັນ​ 18 – 28 ​ເມສາ 2019 ທີ່ ສປ.ຈີນ ເປັນເຈົ້າພາບ ເພື່ອ​ສະສົມຄະແນນຄວ້າໂຄ​ຕ້າ ​ເຂົ້າ​ຮ່ວມ​ງານ​ມະຫາກໍາ​ກີລາ​​ໂອ​ແລມປິກ​ເກມ ປີ 2020 ທີ່​ນະຄອນຫຼວງ ​ໂຕ​ກຽວ ປະ​ເທດ​ຍີ່ປຸ່ນ ​ເປັນ​ເຈົ້າພາບ. ລາຍການ​ດັ່ງກ່າວ ຄາດ​ວ່າ​ຈະ​ມີ​ນັກ​ກີລາ​ໃນ​ທົ່ວ​ທະວີບອາຊີ ​ເຂົ້າ​ຮ່ວມ​ຢ່າງ​ຫຼວງ​ຫຼາຍ ພວກ​ເຮົາ​ຂໍ​ໃຫ້​ຄໍາ​ໝັ້ນ​ສັນຍາ​ວ່າ​ຈະ​ພະຍາຍາມ​ສູ້​ຊົນ​ຢ່າງ​ສຸ​ດຄວາມ​ສາມາດ​ເພື່ອ​ເຮັດ​ແນວ​ໃດ​ຈະ​ສ້າງ​ຜົນງານ​ດີ​ເດັ່ນ​ມາສູ່​ປະ​ເທດ​ຊາດ.

ທ່ານ ນາງ ເຄືອຄໍາ ລີເຍ່ຍວື ບອກ​ຕື່ມ​ອີກ​ວ່າ: 2 ນັກ​ກີລາ ທີ່​ສາມາດ​ຄັດ​ເລືອກ​ເຂົ້າ​ຮ່ວມ​ແຂ່ງຂັນກີລາ​ຍົກ​ນໍ້າໜັກ ລາຍການ ແຊ້ມປ້ຽນຊິ​ບ 2019 ທີ່​ ສປ. ຈີນ ​ແມ່ນ​ເປັນ​ນັກ​ກີລາ​ດີ​ເດັ່ນທີ່​ເກັ່ງ​ທີ່​ສຸດ​ໃນ​ເວລາ​ນີ້, ​ເຂົາ​ເຈົ້າ​ທັງ​ສອງ​ຄົນໄດ້​ເກັບ​ຕົວ​ຝຶກ​ຊ້ອມ​​​ເກືອບ 2 ປີ​ແລ້ວ ​​ແລະ ເປັນ​ນັກ​ຮຽນ​ຂອງ​ໂຮງຮຽນ​ພອນ​ສະຫວັນ​ກີລາ-ກາຍ​ຍະ​ກໍາ ກົມ​ກີລາ​ລະດັບ​ສູງ ກະຊວງ​ສຶກສາ​ທິການ ​ແລະ ກີລາ. ປັດຈຸບັນ​ເກັບຕົວ​ຝຶກ​ຊ້ອມ​ທີ່​ໂຮງຮຽນ​ດັ່ງກ່າວ ​ບ້ານ​ສີ​ເກີດ ​ເມືອງ​ນາ​ຊາຍ​ທອງ ນະຄອນຫຼວງ​ວຽງ​ຈັນ ​ແລະ ​ໃນ​ທຸກ​ມື້​ນີ້ ກໍຍັງ​ສືບ​ຕໍ່​ຝຶກ​ຊ້ອມ​ຢ່າງ​ໜັກໜ່ວງ. ທັງນີ້ກໍເພື່ອ​​ເປັນ​ການຮັບປະກັນ​ໃຫ້​ນັກ​ກີລາ​ສອງ​ຄົນ ​ສາມາດ​ສ້າງ​ຜົນງານ​ໃຫ້​ໄດ້ ​ໃນລາຍການຍົກນໍ້າໜັກ ຊີງແຊ້ມອາຊີ ປະຈໍາປີ 2019 ​ພ້ອມທັງ​ເປັນ​ເງື່ອນ​ໄຂ​ທີ່​ດີ​ໃຫ້​ພວກ​ເຮົາມີ​ຄວາມ​ພ້ອມ ​ເຂົ້າ​ຮ່ວມສ້າງຜົນງານ​ໃຫ້​ແກ່​ປະ​ເທດ​ຊາດ ​ໃນ​ການ​ແຂ່ງຂັນ​ງານ​ກີລາຊີ​ເກ​ມ ຄັ້ງ​ທີ 30 ທີ່​ປະ​ເທດ​ຟີລິບ​ປິນ ຮັບ​ກຽດ​ເປັນ​ເຈົ້າພາບ ອີກ​ດ້ວຍ.

ທີ່ມາຂ່າວ ມ່ວນ

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ມະຫາວິທະຍາໄລແຫ່ງຊາດ ເປີດຫຼັກສູດກີລາ​ບານເຕະ ​​ຫວັງ​ປັ້ນຮຸ່ນ​ສືບ​ທອດກ້າວ​ສູ່​ທີ​ມຊາດ

ສະໜາມກີລາ​ບານ​ເຕະຫຍ້າ​ທຽມ ມະຫາ​ວິທະຍາ​ໄລ​ແຫ່ງ​ຊາດ​ລາວ (ມຊ) ພ້ອມ​ຈະ​ເປີດ​​​ສອນ​ຫຼັກສູດ​ກີລາ…