Home ບັນເທີງ Park Yoochun ອະດີດນັກຮ້ອງວົງເຄປັອບ “ດົງບັງຊິນກິ” ຖືກກວດພົບສານເສບຕິດ ຕຳຫຼວດກຽມອອກໝາຍຈັບ

Park Yoochun ອະດີດນັກຮ້ອງວົງເຄປັອບ “ດົງບັງຊິນກິ” ຖືກກວດພົບສານເສບຕິດ ຕຳຫຼວດກຽມອອກໝາຍຈັບ

45 second read
0
0
53
Park Yoochun ອະດີດນັກຮ້ອງວົງເຄປັອບ “ດົງບັງຊິນກິ” ຖືກກວດພົບສານເສບຕິດ ຕຳຫຼວດກຽມອອກໝາຍຈັບ

ສຳນັກງານກວດພິສູດຫຼັກຖານແຫ່ງຊາດຂອງເກົາຫຼີໃຕ້ ກວດພົບສານແອມເຟຕາມີນ ຫຼື ຢາບ້າ ໃນຂົນຂາຂອງ Park Yoochun ນັກຮ້ອງ ແລະ ນັກສະແດງຊາວເກົາຫຼີໃຕ້ ອາຍຸ 32 ປີ ອະດີດສະມາຊິກວົງບອຍແບນຊື່ດັງ ດົງບັງຊິນກິ ຫຼັງຈາກທີ່ກວດປັດສາວະ ແຕ່ບໍ່ພົບສານເສບຕິດ.

ດ້ານຕຳຫຼວດເຜີຍວ່າ ສານຈະນັດວິນິດໄສການອອກໝາຍຈັບ Park Yoochun ພາຍໃນມື້ອື່ນ (25 ເມສາ 2019).

ທີ່ຜ່ານມາ Park Yoochun ປະຕິເສດມາຕະຫຼອດວ່າຕົນເອງບໍ່ໄດ້ໃຊ້ຢາເສບຕິດ ທັງຢູ່ໃນລະຫວ່າງການສືບສວນຂອງຕຳຫຼວດ ແລະ ການຖະແຫຼງຂ່າວຕໍ່ໜ້າສື່ມວນຊົນ.

ການສອບສວນການໃຊ້ຢາເສບຕິດຂອງ Park Yoochun ເກີດຂຶ້ນຫຼັງຈາກຕຳຫຼວດເລີ່ມສອບສວນ ນາງສາວ Hwang Hana ນັກສະແດງ ອາຍຸ 31 ປີ ເຊິ່ງເປັນອະດີດຄົນຮັກຂອງ Park Yoochun ຫຼັງຈາກພົບວ່າລາວຊື້ ແລະ ເສບຢາບ້າ ເມື່ອປີ 2015 ແຕ່ຖືກຈັບກຸມໄດ້ເມື່ອໄລຍະທີ່ຜ່ານມາຂອງເດືອນນີ້ ແລະ ຂະນະສືບສວນ ລາວໄດ້ບອກກັບຕຳຫຼວດວ່າ Park Yoochun ເປັນຜູ້ຊັກຊວນໃຫ້ລາວໃຊ້ຢາເສບຕິດ.

ນອກຈາກນີ້, ຕຳຫຼວດຍັງເຜີຍຫຼັກຖານເປັນຄລິບຈາກກ້ອງວົງຈອນປິດທີ່ມີພາບຂອງ Park Yoochun ກຳລັງເລືອກຊື້ບາງຢ່າງ ຫຼັງຈາກໂອນເງິນຜ່ານຕູ້ເອທີເອັມຢູ່ໃນນະຄອນຫຼວງໂຊ ເຊິ່ງຕຳຫຼວດຄາດວ່າໜ້າຈະເປັນຢາເສບຕິດ.

ທີ່ມາຂ່າວ  ມ່ວນ

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ເປີດວາບ 2 ໜຸ່ມຫຼໍ່ ຈາກ Mister International Laos 2019 – ໜຸ່ມນັກແຂ່ງລົດຈັກວິບາກ ໜຸ່ມທະນາຄານ

ໃກ້ຈະຮອດໂຄ້ງສຸດທ້າຍແລ້ວ ສຳລັບເວທີ Mister International Laos 2019, ມາຮູ້ຈັກກັບອີກ 2 ໜຸ່ມຫຼໍ…