Home ຂ່າວພາຍໃນ ລັດຖະບານ ເຫັນດີທົບທວນປັບປຸງ ໂຄງສ້າງລາຄາໄຟຟ້າ ໃຫ້ສົມເຫດສົມຜົນກັບສະພາບການຕົວຈິງ

ລັດຖະບານ ເຫັນດີທົບທວນປັບປຸງ ໂຄງສ້າງລາຄາໄຟຟ້າ ໃຫ້ສົມເຫດສົມຜົນກັບສະພາບການຕົວຈິງ

36 second read
0
0
128
ລັດຖະບານ ເຫັນດີທົບທວນປັບປຸງ ໂຄງສ້າງລາຄາໄຟຟ້າ ໃຫ້ສົມເຫດສົມຜົນກັບສະພາບການຕົວຈິງ

ໃນກອງປະຊຸມຄະນະລັດຖະບານ ຄັ້ງວັນທີ 23-24 ເມສານີ້ ຕົກລົງເຫັນດີທີ່ຈະທົບທວນ ປັບລາຄາຫົວຫນ່ວຍໄຟຟ້າ ໃຫ້ຖືກລົງ ເພື່ອກະຕຸ້ນການລົງທຶນ ແລະ ການຜະລິດ ຊຶ່ງຈະເລີ່​ມມີຜົນນໍາໃຊ້ ຮອດປີ 2025, ​ເຊິ່ງຕໍ່ກັບບົດລາຍງານກ່ຽວກັບການປັບປຸງໂຄງສ້າງລາຄາໄຟຟ້າ ກອງປະຊຸມເຫັນວ່າລາຄາໄຟຟ້າ ເປັນປັດໃຈທີ່ສໍາຄັນຫຼາຍຕໍ່ການພັດທະນາປະເທດ, ເປັນໂຄງປະກອບຕົ້ນທຶນທໍາການຜະລິດ, ເປັນປັດໃຈດຶງດູດການລົງທຶນ, ສົ່ງເສີມການຜະລິດພາຍໃນ, ປັບປຸງຍຸກລະດັບຊີວິດການປັນຢູ່ຂອງປະຊາຊົນບັນດາເຜົ່າ ແລະ ອື່ນໆ.

ສະນັ້ນ ຕ້ອງໄດ້ມີການປັບປຸງໂຄງສ້າງລາຄາໄຟຟ້າ ໃຫ້ແທດເໝາະກັບສະພາບການຕົວຈິງ ໃນໄລຍະແຕ່ນີ້ຮອດປີ 2025, ມີລາຄາທີ່ສົມເຫດສົມຜົນ, ມີຄວາມຍຸຕິທຳ, ເຮັດໃຫ້ທຸກພາກສ່ວນໃນສັງຄົມ ສາມາດຊົມໃຊ້ໄດ້, ປະກອບສ່ວນຊຸກຍູ້ການລົງທຶນພາຍໃນປະເທດ, ທັງຮັບປະກັນໃຫ້ຝ່າຍສະໜອງໄຟຟ້າແລະ ພັດທະນາພະລັງງານ ມີຄວາມໝັ້ນຄົງ, ຍືນຍົງ ແລະ ມີຜົນກຳໄລ ທີ່ຍຸຕິທຳ. ສິ່ງສໍາຄັນອີກອັນໜຶ່ງ ແມ່ນບໍ່ເຮັດໃຫ້ສັງຄົມມີຄວາມແຕກຕື່ນ, ບໍ່ສົ່ງຜົນກະທົບບໍ່ດີຕໍ່ຜູ້ທີ່ມີລາຍຮັບຕໍ່າ, ລວມທັງພາກທຸລະກິດທີ່ ພັກ ແລະ ລັດເຮົາ ມີນະໂຍບາຍສົ່ງເສີມເປັນຕົ້ນ ການຜະລິດກະສິກຳ, ອຸດສາຫະກຳປຸງແຕ່ງຜະລິດຕະພັນກະສິກຳ, ອຸດສາຫະກຳປ້ອງກັນຊາດ-ປ້ອງກັນຄວາມສະຫງົບ ແລະ ອື່ນໆ. ໂດຍລວມແລ້ວ ການປັບປຸງລາຄາໄຟຟ້າໃນຄັ້ງນີ້ ເຫັນວ່າມີລາຄາທີ່ຖືກກວ່າ ແລະ ຍຸຕິທຳກວ່າໃນໄລຍະຜ່ານມາ.

(ສາວ​​ເຜືອກ)

ທີ່ມາ ມ່ວນ

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ລົດເມທ່ອງທ່ຽວຕົກເຫວຢູ່ທາງໄປຫຼວງພະບາງ ເສຍຊີວິດຢ່າງໜ້ອຍ 13 ຄົນ

(ສວລ) ເກີດອຸບັດຕິເຫດລົດເມຂົນສົ່ງນັກທ່ອງທ່ຽວປີ້ນເສັ້ນທາງເມືອງນານ ຫາ ເມືອງກາສີ ເສຍຊີວິດ 13 ສ…