Home ຂ່າວພາຍໃນ ຂ່າວດີ ທະນາຄານກະສິກອນໄທມອບ 70 ລ້ານໂດລາໃຫ້ໂຄງການກໍ່ສ້າງໂຮງໝໍກະເສມລາດ

ຂ່າວດີ ທະນາຄານກະສິກອນໄທມອບ 70 ລ້ານໂດລາໃຫ້ໂຄງການກໍ່ສ້າງໂຮງໝໍກະເສມລາດ

36 second read
0
0
54
ສປປ ລາວ

ເມື່ອວັນທີ 14 ມິຖຸນາຜ່ານມາທີ່ໄດ້ຈັດພິທີລົງນາມສະໜັບສະໜູນເງິນຈຳນວນ 70 ລ້ານໂດລາໃຫ້ແກ່ການກໍ່ສ້າງໂຮງໝໍກະເສມລາດ ອິນເຕີເນເຊິນແນວ ວຽງຈັນ ຊຶ່ງຢູ່ໃນເຄືອຂອງບໍລິສັດບາງກອກ ເຊັນ ຮອສປີໂຕ ຈຳກັດ ລະຫວ່າງ ທ່ານ ຮສ ດຣ ສະເຫຼີມ ຫານພານິດ ຜູ້ອຳນວຍການໃຫຍ່ໂຮງໝໍກະເສມລາດ ແລະ ທ່ານ ພັດທະນະພົງ ຕັນສົມບູນ ປະທານສະພາບໍລິຫານທະນາຄານກະສິກອນໄທ ຈຳກັດ ໃຫ້ກຽດເຂົ້າຮ່ວມເປັກສັກຂີພິຍານໂດຍ ທ່ານ ອາລຸນແກ້ວ ກິດຕິຄຸນ ລັດຖະມົນຕີປະຈຳສຳນັກ ງານນາຍົກລັດຖະມົນຕີ ທ່ານ ນາງ ຍານີ ສີມີໄຊ ອັກຄະລັດຖະທູດຝ່າຍການຄ້າ ສະຖານທູດໄທປະຈຳ ສປປ ລາວ ພ້ອມດ້ວຍບັນດາແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.

ສປປ ລາວ

ໂອກາດດັ່ງກ່າວທ່ານປະທານສະພາບໍລິຫານທະນາຄານກະສິກອນໄທໄດ້ກ່າວວ່າ ທະນາຄານກະສິກອນໄທເຫັນເຖິງໂອກາດ ແລະ ທ່າແຮງຂອງ ສປປ ລາວ ທີ່ມີອັດຕາການຂະຫຍາຍຕົວທາງດ້ານເສດຖະກິດຢ່າງໄວວາ ທັງນີ້ ການຂະຫຍາຍຖານລູກຄ້າໃນປະເພດທຸລະກິດຕ່າງໆກໍຖືເປັນເປົ້າໝາຍຫຼັກຂອງກະສິກອນໄທທີ່ຈະຊ່ວຍໃຫ້ຜູ້ປະກອບການສາມາດດຳເນີນທຸລະກິດໄດ້ຢ່າງຕໍ່ເນື່ອງ ສຳລັບການສະໜັບສະໜູນທຶນໃຫ້ແກ່ໂຄງການດັ່ງກ່າວຖືເປັນໂຄງການໃນເຄືອຂອງບໍລິສັດບາງກອກ ເຊັນ ຮອສປີໂຕ ມະຫາຊົນ (BCH) ຊຶ່ງພວມດຳເນີນການກໍ່ສ້າງຢູ່ໃນຂະນະນີ້ໃນມູນຄ່າ 70 ລ້ານໂດລາ.

ສຳລັບແຜນການກໍ່ສ້າງແມ່ນຈະໃຫ້ສຳເລັດພາຍໃນປີ 2020 ແລະ ຈະເປີດນຳໃຊ້ຢ່າງເປັນທາງການໃນເດືອນມັງກອນ 2021 ມາຮອດປັດຈຸບັນແມ່ນສຳເລັດຫຼາຍກວ່າ 10% ຊຶ່ງປະກອບມີການກໍ່ສ້າງອາຄານພະຍາບານ ຫ້ອງພິເສດ ຫ້ອງບໍລິການ ຫໍພັກ ຫ້ອງສຸກເສີນ ແລະ ອື່ນໆແມ່ນຈະໃຫ້ສຳເລັດພາຍໃນເດືອນຕຸລາ 2019 ນີ້ ທັງນີ້ ຖ້າຫາກສ້າງສຳເລັດກໍຈະຊ່ວຍສ້າງວຽກເຮັດງານທຳໄດ້ຫຼາຍຮ້ອຍຕຳແໜ່ງ.

 

ໂດຍ: ສະຫະລັດ ວອນທິວົງໄຊ

ທີ່ມາຂ່າວ  ລາວໂພສຕ໌

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ອາເຊມາ ຊີ້ແຈງການມອບຂັນເປຕັງ

ເຫດການທີ່ປະທານສະຫະພັນເປຕັງນານາຊາດ ມອບລາງວັນໃຫ້ນັກກິລາລາວ ແລ້ວວາງຂັນລາງວັນລົງພື້ນ ສ້າງຄວາມບ…