Home ຂ່າວພາຍໃນ ປະຊາຊົນທີ່ຖືກຜົນກະທົບຈາກເຂື່ອນໄຟຟ້ານໍ້າທາ 1 ຮຽກຮ້ອງ ໃຫ້ເລັ່ງຟື້ນຟູ-ປັບປຸງຊີວິດການເປັນຢູ່

ປະຊາຊົນທີ່ຖືກຜົນກະທົບຈາກເຂື່ອນໄຟຟ້ານໍ້າທາ 1 ຮຽກຮ້ອງ ໃຫ້ເລັ່ງຟື້ນຟູ-ປັບປຸງຊີວິດການເປັນຢູ່

35 second read
0
0
47
ປະຊາຊົນທີ່ຖືກຜົນກະທົບຈາກເຂື່ອນໄຟຟ້ານໍ້າທາ 1 ຮຽກຮ້ອງ ໃຫ້ເລັ່ງຟື້ນຟູ-ປັບປຸງຊີວິດການເປັນຢູ່

ປະ­ຊາ­ຊົນ​ເມືອງ​ນາ​ແລ ແຂວງ ຫຼວງ​ນ້ຳ​ທາ ທີ່​ໄດ້​ຮັບ​ຜົນ​ກະ­ທົບ​ຈາກ​ເຂື່ອນ​ໄຟ­ຟ້າ​ນ້ຳ​ທາ 1 ສະ­ເໜີ​ໃຫ້​ພາກ­ສ່ວນ​ກ່ຽວ ຂ້ອງ​ເລັ່ງ​ແກ້​ໄຂ​ຟື້ນ​ຟູ-ປັບ­ປຸງ​ຊີ­ວິດ​ການ​ເປັນ​ຢູ່ ໂດຍ​ສະ­ເພາະ ການ​ສ້າງ​ອາ­ຊີບ ສ້າງ​ລາຍ​ຮັບ​ທີ່​ໝັ້ນ​ທ່ຽງ.

ທ່ານ ນາງ ເກ­ສອນ ແສງ​ຍະ​ວົງ ສະ­ມາ­ຊິກ​ສະ­ພາ​ເຂດ​ເລືອກ​ຕັ້ງ​ທີ 3 ແຂວງ​ຫຼວງ​ນ້ຳ​ທາ ໃຫ້​ສຳ­ພາດ ວັນ​ທີ 14 ມິ­ຖຸ­ນາ 2019 ວ່າ: ໃນ​ວັນ​ທີ 23 ມີ­ນາ 2018 ສະ­ພາ​ປະ­ຊາ­ຊົນ​ແຂວງ​ຫຼວງ​ນ້ຳ​ທາ ໄດ້​ຮັບ­ຮອງ​ເອົາ 7 ໜ້າ​ວຽກ​ຂອງ​ໂຄງ­ການ​ເຂື່ອນ​ໄຟ­ຟ້າ​ນ້ຳ​ທາ 1 ປະ­ກອບ​ມີ: 1) ວຽກ​ງານ​ການ​ຈັດ​ສັນ​ທີ່​ດິນ​ທຳ​ມາ​ຫາ​ກິນ, 2) ວຽກ​ງານ​ສ້າງ​ສວນ​ສາ­ທິດ​ເຕັກ­ນິກ​ກະ­ສິ­ກຳ, 3) ວຽກ​ງານ​ສ້າງ​ກິດ­ຈະ­ກຳ​ການ​ຜະ­ລິດ, 4) ວຽກ​ງານ​ຈັດ​ຫາ​ປັດ​ໄຈ​ການ​ຜະ­ລິດ, 5) ວຽກ​ງານ​ຈັດ​ເຝິກ­ອົບ­ຮົມ ແລະ ທັດ­ສະ­ນະ​ສຶກ​ສາ, 6) ວຽກ​ງານ​ສ້າງ­ຕັ້ງ​ກຸ່ມ​ການ​ຜະ­ລິດ​ເພື່ອ​ເປັນ​ສິນ­ຄ້າ ແລະ 7) ວຽກ​ງານ​ພັດ­ທະ­ນາ​ສັງ­ຄົມ ແລະ ຊຸມ​ຊົນ ໂດຍ​ມີ​ງົບ­ປະ­ມານ​ທັງ​ໝົດ 7 ລ້ານ​ກວ່າ​ໂດ​ລາ​ສະ­ຫະ­ລັດ ຫຼື ປະ­ມານ 61 ຕື້​ກວ່າ​ກີບ.

ໃນ​ການ­ຈັດ­ຕັ້ງ​ປະ­ຕິ­ບັດ​ຂອງ​ໂຄງ­ການ​ໄລ­ຍະ​ຜ່ານ​ມາ​ໄດ້​ສຳ­ເລັດ​ການ​ຊົດ​ເຊີຍ​ຜົນ​ກະ­ທົບ​ໃຫ້​ແກ່​ປະ­ຊາ­ຊົນ ໂດຍ​ສະ­ເພາະ ແມ່ນ​ການ​ຈັດ​ສັນ​ທີ່­ຢູ່​ອາ­ໄສ ການ​ຈັດ​ສັນ​ພື້ນ­ຖານ​ໂຄງ​ລ່າງ​ຈຳ­ນວນ​ໜຶ່ງ​ໃຫ້​ປະ­ຊາ­ຊົນ ຈຳ­ນວນ 27 ບ້ານ 1,168 ຫຼັງ­ຄາ, 7,450 ຄົນ ຍ້າຍ​ມາ​ຮ່ວມ​ກັນ​ຢູ່ 10 ບ້ານ​ຖື​ວ່າ​ສຳ­ເລັດ ແຕ່​ຍັງ​ມີ​ບາງ​ກິດ­ຈະ­ກຳ​ທີ່​ຍັງ​ບໍ່​ທັນ​ໄດ້​ຈັດ​ຕັ້ງ​ປະ­ຕິ­ບັດ​ເຊິ່ງ​ເປັນ​ບັນ­ຫາ​ພົ້ນ​ເດັ່ນ​ທີ່​ປະ­ຊາ­ຊົນ​ຮຽກ­ຮ້ອງ​ໃຫ້​ທາງ​ໂຄງ­ການ​ເອົາ­ໃຈ­ໃສ່​ປັບ­ປຸງ ເປັນ­ຕົ້ນ ເສັ້ນ­ທາງ​ໄປ​ສູ່​ການ​ຜະ­ລິດ ລະ­ບົບ​ນ້ຳ​ປະ­ປາ ນອກ ຈາກ​ນີ້ ບັນ­ຫາ​ການ​ຊຸກ­ຍູ້​ສົ່ງ­ເສີມ​ອາ­ຊີບ​ຄົງ​ທີ່​ໃຫ້​ປະ­ຊາ­ຊົນ ການ­ຈັດ­ຕັ້ງ​ປະ­ຕິ­ບັດ​ຍັງ​ບໍ່​ທັນ​ມີ​ຄວາມ​ຄືບ​ໜ້າ ດັ່ງ­ນັ້ນ ປະ­ຊາ­ຊົນ​ຈຶ່ງ​ໄດ້​ຮຽກ­ຮ້ອງ​ໃຫ້​ສະ­ພາ​ປະ­ຊາ­ຊົນ​ແຂວງ ກໍ​ຄື ພາກ​ລັດ ເປັນ­ຕົ້ນ ອົງ­ການ​ກ່ຽວ­ຂ້ອງ​ຂັ້ນ​ທ້ອງ­ຖິ່ນ ນຳ​ເອົາ​ບັນ­ຫາ​ດັ່ງ­ກ່າວ​ນຳ​ສະ­ເໜີ​ຕໍ່​ກະ­ຊວງ ຂະ­ແໜງ­ການ​ທີ່​ຮັບ­ຜິດ­ຊອບ​ໃຫ້​ຂຸ້ນ­ຂ້ຽວ​ຈັດ​ຕັ້ງ​ປະ­ຕິ­ບັດ​ກິດ­ຈະ­ກຳ​ຟື້ນ​ຟູ​ຊີ­ວິດ​ການ​ເປັນ​ຢູ່​ໃຫ້​ປະ ຊາ​ຊົນ 10 ບ້ານ​ທີ່​ຖືກ​ຍົກ­ຍ້າຍ​ນັ້ນ ເພື່ອ​ເຮັດ​ໃຫ້​ປະ­ຊາ­ຊົນ​ມີ​ອາ­ຊີບ​ຄົງ​ທີ່ ມີ​ວຽກ​ເຮັດ​ງານ​ທຳ ສ້າງ​ລາຍ​ຮັບ ແລະ ສ້າງ​ເສດ ຖະ​ກິດ​ຄອບ­ຄົວ​ໃຫ້​ມີ​ຄວາມ​ເຂັ້ມ­ແຂງ.

(ສາວແກ້ວອຸດົມ)

ທີ່ມາຂ່າວ  ມ່ວນ

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ລົດເມທ່ອງທ່ຽວຕົກເຫວຢູ່ທາງໄປຫຼວງພະບາງ ເສຍຊີວິດຢ່າງໜ້ອຍ 13 ຄົນ

(ສວລ) ເກີດອຸບັດຕິເຫດລົດເມຂົນສົ່ງນັກທ່ອງທ່ຽວປີ້ນເສັ້ນທາງເມືອງນານ ຫາ ເມືອງກາສີ ເສຍຊີວິດ 13 ສ…