Home ຂ່າວກິລາ ມວຍລາວສົ່ງ 5 ນັກກີລາຮ່ວມແຂ່ງຂັນໃນເວທີສາກົນ

ມວຍລາວສົ່ງ 5 ນັກກີລາຮ່ວມແຂ່ງຂັນໃນເວທີສາກົນ

40 second read
0
0
61

   ສະ­ຫະ­ພັນ​ມວຍ​ລາວ​ແຫ່ງ​ຊາດ​ກຽມ​ສົ່ງ 5 ນັກ​ມວຍ​ລາວ​ລາຍ ຈາກ​ທີມ Lao Action Star ໄປ​ສະ­ແດງ​ສັກ​ກາ​ຍະ​ພາບ​ໃນ​ເວ­ທີ​ສາ­ກົນ​ລາຍ­ການ 2019 Chungju World Martial Arts Park ວັນ​ທີ 30 ສິງ­ຫາ-6 ກັນ­ຍາ 2019 ທີ່ ສ ເກົາ­ຫຼີ.

ທ່ານ ສາຍ­ສະ­ໝອນ ໄຊ​ຍະ​ສອນ ປະ­ທານ​ສະ­ຫະ­ພັນ​ມວຍ​ແຫ່ງ​ຊາດ​ລາວ ທັງ​ເປັນ​ປະ­ທານ​ສະ­ຫະ­ພັນ​ມວຍ​ໂລກ ຖະ­ແຫຼງ​ຂ່າວ​ວັນ​ທີ 26 ສິງ­ຫາ 2019 ຢູ່​ສະ­ຫະ­ພັນ​ມວຍ​ລາວ​ແຫ່ງ​ຊາດ​ວ່າ:ສະ­ຫະ­ພັນ​ມວຍ​ລາວ​ແຫ່ງ​ຊາດ​ເຂົ້າ​ຮ່ວມ​ລາຍ­ການ​ດັ່ງ­ກ່າວ​ມີ 60 ກວ່າ​ປະ­ເທດ​ເຂົ້າ​ຮ່ວມ ປີ 2018 ສົ່ງ​ເຂົ້າ​ພຽງ 1 ລາຍ­ການ​ຟ້ອນ​ດ່ຽວ ສາ­ມາດ​ຍາດ​ໄດ້​ອັນ​ດັບ​ທີ 3 ສ່ວນ​ປີ 2019 ສົ່ງ​ເຂົ້າ​ຮ່ວມ 3 ລາຍ­ການ​ຄື ຟ້ອນ​ດ່ຽວ ຟ້ອນ​ຄູ່ ແລະ ຟ້ອນ​ຄູ່​ປະ­ສົມ ຕັ້ງ​ເປົ້າ​ຍາດ​ຜົນ­ງານ​ໃຫ້​ດີ​ກວ່າ​ປີ​ທີ່​ຜ່ານ​ມາ​ຄື​ຕິດ​ອັນ​ດັບ 1 ໃນ 2.

ສຳ­ລັບ​ນັກ­ກີ­ລາ 5 ຄົນ​ຊາຍ ນຳ​ໂດຍ ພິ­ລາ​ວັນ ຈັນ­ທະ​ກາ­ລີ ເຈົ້າ​ຂອງ​ອັນ​ດັບ 3 ໃນ​ຄັ້ງ​ທຳ​ອິດ ຈື້ ເນັ້ງ​ຄົວ​ປາວ​ຊົງ ຫຼື ບູດສ໌ລີ​ລາວ ແລະ ໄພ­ລັດ ທຳ​ມະ​ວົງ­ສາ ນັກ­ກີ­ລາ​ວໍ​ວິ​ນາມ​ທີມ​ຊາດ​ລາວ ກອງ​ເງິນ ອິນ​ທິ​ສານ ແລະ ຄຳ​ຮັກ ສີ​ວົງ​ໄຊ ຈະ​ອອກ​ເດີນ­ທາງ​ໄປ​ວັນ​ທີ 28 ສິງ­ຫາ 2019.

ຂໍຂອບໃຈ/ທີ່ມາຂ່າວ

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ເຊກອງເຂົ້າຂັ້ນວິກິດ, ແຂວງສັ່ງປິດການຮຽນຊົ່ວຄາວ

ໂດຍອີງໃສ່ສະພາບດິນຟ້າອາກາດທີ່ບໍ່ເອື້ອອຳນວຍ, ປັດຈຸບັນ ແຂວງເຊກອງ ກຳລັງປະເຊີນກັບໄພພິບັດທຳມະຊາດ…