Home ຂ່າວພາຍໃນ ເຝົ້າລະວັງ!!! ລະດັບນໍ້າຫຼາຍສາຍຮອດເຂດລະວັງໄພແລ້ວ, ສ່ວນນ້ຳຝົນປາກຊ່ອງແຮງກວ່າໝູ່

ເຝົ້າລະວັງ!!! ລະດັບນໍ້າຫຼາຍສາຍຮອດເຂດລະວັງໄພແລ້ວ, ສ່ວນນ້ຳຝົນປາກຊ່ອງແຮງກວ່າໝູ່

35 second read
0
0
37

ຈາກສະພາບຝົນຕົກໜັກຕິດຕໍ່ກັນຫຼາຍວັນ ບວກກັບພາຍຸດີເປຼຊັນພັດຜ່ານ ສົ່ງຜົນໃຫ້ເກີດມີຝົນຕົກໜັກຫຼາຍພື້ນທີ່ ໂດຍສະເພາະແມ່ນນັບແຕ່ເຂດພາກກາງຫາພາກໃຕ້ຂອງລາວ ໃນນັ້ນໜັກກວ່າໝູ່ແມ່ນແຂວງ ສະຫວັນນະເຂດ ເຊິ່ງມີຫຼາຍບ້ານຖືກນໍ້າຖ້ວມ, ລະບົບພື້ນຖານໂຄງລ່າງຈຳນວນໜຶ່ງເປ່ເພເສຍຫາຍ. ຂະນະທີ່ກົມອຸຕຸນິຍົມ ແລະ ອຸທົກກະສາດ ໄດ້ວັດແທກປະລິມານໍ້າຝົນຕະຫຼອດ 24 ຊົ່ວໂມງຂອງວັນທີ 2 ກັນຍາ ຫຼາຍສຸດແມ່ນຢູ່ ປາກຊ່ອງ ວັດແທກໄດ້ເກືອບ 300 ມິນລີແມັດ. ສ່ວນລະດັບນໍ້າຫຼາຍຈຸດຂຶ້ນຮອດເຂດລະວັງໄພແລ້ວ.

ອີງຕາມການລາຍງານຂອງກົມອຸຕຸນິຍົມ ແລະ ອຸທົກກະສາດ ໄດ້ລາຍງານປະລິມານນໍ້າຝົນ ໃນວັນທີ 3 ກັນຍາ 2019ວ່າ: ປະລິມານນໍ້າຝົນທີ່ວັດແທກໄດ້ໃນວັນທີ 2 ກັນຍາ ຫຼາຍກວ່າໝູ່ແມ່ນ ປາກຊ່ອງ ວັດແທກໄດ້ 288,1 ມີນລີແມັດ; ຮອງລົງມາແມ່ນ ສາລະວັນ ວັດແທກໄດ້ 182,2 ມີນລີແມັດ; ປາກເຊ ວັດແທກໄດ້ 154 ມີນລີແມັດ; ດາກຈຶງ ວັດແທກໄດ້ 151 ມີນລີແມັດ; ທ່າແຕງ ວັດແທກໄດ້ 139 ມີນລີແມັດ; ນິຄົມ34 ວັດແທກໄດ້ 111,4 ມີນລີແມັດ ແລະ ເຊກອງ ວັດແທກໄດ້ 96,8 ມີນລີແມັດ ຕາມລຳດັບ.

ສ່ວນລະດັບນໍ້າຂອງ (ປາກເຊ) ມື້ນີ້ 3 ກັນຍາ 2019 ວັດແທກໄດ້ 11,94 ແມັດ, ເຂດລະວັງໄພ 11 ແມັດ, ເຂດອັນຕະລາຍ 12 ແມັດ ແລະ ລະດັບນໍ້າຍັງມີທ່າອ່ຽງເພີ່ມຂຶ້ນ 12 ແມັດ ໃນວັນທີ 5 ກັນຍາ 2019; ມະຫາໄຊ (ຂົວເຊບັ້ງໄຟ) ວັດແທກໄດ້ 14,64 ແມັດ, ເຂດລະວັງໄພແມ່ນ 14 ແມັດ, ເຂດອັນຕະລາຍ 15 ແມັດ; ຂົວເຊ (ເຊບັ້ງໄຟ) ວັດແທກໄດ້ 20,16 ແມັດ, ເຂດລະວັງໄພແມ່ນ 17,50 ແມັດ, ເຂດອັນຕະລາຍແມ່ນ 18,50 ແມັດ.

ຂະນະທີ່ ລະດັບນໍ້າ ຄົງເຊໂດນ (ເຊໂດນ) ວັດແທກໄດ້ 12,68 ແມັດ ເພີ່ມຂຶ້ນ 4,61 ແມັດ ຈາກວັດແທກໄດ້ວັນທີ 1 ກັນຍາ ຢູ່ທີ່ 8,07 ແມັດ, ເຂດລະວັງໄພແມ່ນ 12,30 ແມັດ, ເຂດອັນຕະລາຍແມ່ນ 13,30 ແມັດ; ແກງກອກ (ເຊຈຳພອນ) ວັດແທກໄດ້ 8,20 ແມັດ, ເຂດລະວັງໄພແມ່ນ 7,50 ແມັດ, ເຂດອັນຕະລາຍແມ່ນ 8,50 ແມັດ; ສາລະວັນ (ເຊໂດນ) ວັດແທກໄດ້ 10,29 ແມັດ ເພີ່ມຂຶ້ນ 5,8 ແມັດ ຈາກວັດແທກໄດ້ວັນທີ 1 ກັນຍາ ຢູ່ທີ່ 4,49 ແມັດ, ເຂດລະວັງໄພແມ່ນ 10,50 ແມັດ, ເຂດອັນຕະລາຍແມ່ນ 11,50 ແມັດ.

ບ້ານໄຮ່ (ເຊບັ້ງໄຟ) ວັດແທກໄດ້ 12,30 ແມັດ, ເຂດລະວັງໄພແມ່ນ 13,70 ແມັດ, ເຂດອັນຕະລາຍແມ່ນ 14,70 ແມັດ; ເຊກອງ ລະມາມ (ເຊກອງ) ວັດແທກໄດ້ 10,97 ແມັດ, ເພີ່ມຂຶ້ນ 5,57 ແມັດ ຈາກວັດແທກໄດ້ວັນທີ 1 ກັນຍາ ຢູ່ທີ່ 5,40 ແມັດ ເຂດລະວັງໄພແມ່ນ 17 ແມັດ, ເຂດອັນຕະລາຍ 18 ແມັດ; ເຊບັ້ງໄຟ (ຕົ້ນແຫນ) ວັດແທກໄດ້ 13,90 ແມັດ, ເຂດລະວັງໄພແມ່ນ 12 ແມັດ, ເຂດອັນຕະລາຍແມ່ນ 13 ແມັດ.
ສ່ວນໜ້າເຂື່ອນ (ນໍ້າງື່ມ) ວັດແທກໄດ້ 203,45 ແມັດ, ເຂດລະວັງໄພແມ່ນ 212 ແມັດ, ເຂດອັນຕະລາຍແມ່ນ 212,31 ແມັດ.

ຂໍຂອບໃຈ ເສດຖະກຶດການຄ້າ

 

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ນັກທ່ອງທ່ຽວມືບອນ ຂີດແຕ້ມໃສ່ສະຖານທີ່ທ່ອງທ່ຽວ

ທີວັດໃຫມ່ ສຸວັນນະພູມາຣາມ ນະຄອນຫລວງພຣະບາງ ໃນວັນທີ່ 18 ກັນຍາ 2019 ທີຝາອາຮາມ(ສີມ) ຂອງວັດໃຫມ່ …