Home ບັນເທີງ ມາອີກເລື່ອງ! ນຸນີ່ ຮ່ວມສະແດງຮູບເງົາໄທເລື່ອງໃໝ່ Love ເລີຍຮ້ອຍເອັດ ກຳກັບໂດຍ ໝໍ່າ ຈົກມົກ

ມາອີກເລື່ອງ! ນຸນີ່ ຮ່ວມສະແດງຮູບເງົາໄທເລື່ອງໃໝ່ Love ເລີຍຮ້ອຍເອັດ ກຳກັບໂດຍ ໝໍ່າ ຈົກມົກ

38 second read
0
0
222

ມາແຮງແທ້ໆ ສຳລັບສາວ “ນຸນີ່ ກຸມພົນພັກດີ” ເຊິ່ງຫຼ້າສຸດໄດ້ເຜີຍພາບຮ່ວມບວງສວງຮູບເງົາໄທເລື່ອງໃໝ່ຜົນງານການກຳກັບຂອງ ໝໍ່າ ຈົກມົກ ຜູ້ກຳກັບ-ນັກສະແດງອາລົມດີຊື່ດັງ ຮ່ວມກັບ ເອັກ ປັດທະມະ ວັດຊະຣະພົງ.

ຮູບເງົາເລື່ອງດັ່ງກ່າວແມ່ນ “Love ເລີຍຮ້ອຍເອັດ” ທີ່ບວງສວງ (ຄອບຄູ) ໄປເມື່ອວັນທີ 17 ສິງຫາ 2019 ທີ່ຜ່ານມາ ເຊິ່ງເລື່ອງນີ້ກໍເຊັ່ນເຄີຍ ອັດແໜ້ນໄປດ້ວຍນັກສະແດງຄຸນນະພາບຢ່າງ ທັນຢ່າ ອາສະຫຍາມ, ສົມຣັກ ຄຳສິງ, ນົກ ພັດຊະຣາພອນ (ພັນລະຍາຂອງໂໜ່ງ ຊະຊະຊ່າ), ເທບ ໂພງາມ, ແຈັກກາຣີນ, ມະນາວ ໄຫທອງຄຳ ແລະ ນຸນີ່ ກຸມພົນພັກດີ ດາລາສາວຈາກລາວຂອງເຮົານັ້ນເອງ.

ຮູບເງົາເລື່ອງ Love ເລີຍຮ້ອຍເອັດ ເປັນເລື່ອງລາວຄວາມຮັກຕ່າງໄວຂອງດາບແດງ (ຮັບບົດໂດຍ ໝໍ່າ ຈົກມົກ) ຕຳຫຼວດໃກ້ໄວກະສຽນວຽກ ກັບ ແພັດ (ຮັບບົດໂດຍ ທັນຢ່າ) ເດັກນັກຮຽນທີ່ກຳລັງຈະຈົບ ມ.6 ໂຮງຮຽນຮ້ອຍເອັດວິທະຍາໄລ ແຕ່ຍ້ອນອາຍຸທີ່ຫ່າງກັນເຖິງ 30 ກວ່າປີ ເຮັດໃຫ້ຄວາມຮັກບໍ່ເປັນໄປຢ່າງສະດວກ. ທັງສອງຈຶ່ງຕ້ອງຈັບມືກັນຟັນຝ່າອຸປະສັກໄປໃຫ້ໄດ້.

ໃນສ່ວນຂອງບົດທີ່ ນຸນີ່ ກຸມພົນພັກດີ ສະແດງນັ້ນ ຍັງບໍ່ທັນມີການເປີດເຜີຍມາເທື່ອ ແຕ່ມີໜ້າໃນລາຍຊື່ນັກສະແດງຫຼັກ ຈຶ່ງຄາດວ່າຈະໄດ້ເຫັນບົດຂອງສາວນຸນີ່ຢູ່ບໍ່ໜ້ອຍໃນຮູບເງົາເລື່ອງນີ້.

ນີ້ບໍ່ແມ່ນຄັ້ງທຳອິດທີ່ ນຸນີ່ ໄດ້ຮ່ວມງານກັບໝໍ່າ ຈົກມົກ ເພາະເມື່ອຕົ້ນປີຜ່ານມາ ກໍຮ່ວມຖ່າຍຮູບເງົາເລື່ອງ ຮັກມະຍ່ອມມະແຍ່ມ ຂອງຜູ້ກຳກັບ ເຈ້ຍ ປາຊີຟິກ ແລະ ໜຸ່ມ ເອັກ ປັດທະມະ (ຜູ້ກຳກັບຮ່ວມຂອງ Love ເລີຍຮ້ອຍເອັດ) ກໍເປັນໜຶ່ງໃນນັກສະແດງນຳໃນເລື່ອງນັ້ນເຊັ່ນກັນ.

Love ເລີຍ 101 ມີກຳນົດເຂົ້າສາຍໃນເດືອນມີນາ 2020 ສ່ວນຢູ່ລາວຈະເຂົ້າສາຍພ້ອມກັນ ຫຼື ບໍ່ນັ້ນ ກໍຕ້ອງລໍຖ້າຕິດຕາມກັນຕໍ່ໄປ.

ຂໍຂອບໃຈ/ທີ່ມາຂ່າວ

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ຜູ້ເຂົ້າປະກວດ Miss Universe Laos 2019 ຖືກມືດີແຮັກເອົາເຟສບຸກ ໄປສົ່ງຂໍ້ຄວາມຫາຜູ້ຊາຍ

ຈົບການປະກວດໄປແລ້ວເມື່ອບໍ່ດົນມານີ້ ແຕ່ກໍເກີດເລື່ອງລາວທີ່ບໍ່ດີຂຶ້ນກັບໜຶ່ງໃນຜູ້ເຂົ້າປະກວດເວທີ…