Home ຂ່າວຕ່າງປະເທດ ຈີນຮ້ອງຟ້ອງສະຫະລັດຂຶ້ນຫາ ສະພາການຄ້າໂລກ(WTO)

ຈີນຮ້ອງຟ້ອງສະຫະລັດຂຶ້ນຫາ ສະພາການຄ້າໂລກ(WTO)

36 second read
0
0
44

ຈີນໄດ້ຍື່ນຄຳຮ້ອງຟ້ອງຂຶ້ນຫາສະພາການຄ້າໂລກ ໃນເລື່ອງສະຫະລັດຂຶ້ນອັດຕາພາສີ 300 ຕື້ໂດລາ ຕໍ່ສິນຄ້ານຳເຂົ້າຈາກຈີນ- (ອີງຕາມຂໍ້ມູນຂອງກະຊວງການຄ້າ ຈີນ).

.ໃນວັນທີ 2 ກັນຍານີ້, ໂຄສົກກະຊວງການຄ້າຈີນ, ໄດ້ອອກແຈ້ງການວ່າ: “ ຈີນຕັດສິນໃຈຮ້ອງຟ້ອງສະຫະລັດ ກໍເພື່ອປົກປ້ອງສິດ ແລະ ຜົນປະໂຫຍດອັນຊອບທຳຂອງຕົນ, ເພຶ້ອປົກປັກຮັກສາລະບົບການຄ້າຫຼາຍທິດ ຫຼາຍຝ່າຍ ແລະ ສະຖຽນລະພາບການຄ້າຂອງໂລກໃຫ້ມີຄວາມໝັ້ນຄົງ, ໃຫ້ສອດຄ່ອງກັບການກຳນົດຂອງການຈັດຕັ້ງການຄ້າໂລກ (WTO) ”

ຄຳຖະແຫຼງດັ່ງກ່າວ, ມີຂຶ້ນພາຍຫຼັງໜຶ່ງວັນກ່ອນຈະມີການຕອບໂຕ້ຊຶ່ງກັນ ແລະ ກັນລະຫ່ວາງສະຫະລັດ ແລະ ຈີນ ໃນການຂຶ້ນພາສີ, ຊຶ່ງຈະມີຜົນບັງຄັບໃຊ້ໄດ້ໃນວັນທີ 1 ກັນຍານີ້, ຊຶ່ງເປັນຂີດໝາຍແຫ່ງການປີນຂັ້ນໄດຄັ້ງໃໝ່ໃນສົງຄາມການຄ້າແກ່ຍາວມາເປັນເວລາ 14 ເດືອນ. ເສື້ອຜ້າ, ທັນຍາຫານ, ເຄື່ອງອຸປະໂພກ ແລະ ບໍລິໂພກ, ເຄື່ອງຟັງຫູ Bluetooth ແລະ ໂທລະທັດ ຊຶ່ງເປັນສິນຄ້າໃຊ້ສອຍຂອງຈີນ ໃນມູນຄ່າ 110 ຕື້ໂດລາ, ຖືກສະຫະລັດຂຶ້ນອັດຕາພາສີໃໝ່ 15% ນັບແຕ່ວັນທີ 1 ກັນຍາ ເປັນຕົ້ນໄປ.

ອັດຕາພາສີຄັ້ງໃໝ່ຈະປະຕິບັດໃນວັນທີ 15 ທັນວາ ທີ່ຈະມາເຖິງ, ໝາຍຄວາມວ່າ ສະຫະລັດໄດ້ຂຶ້ນອັດຕາພາສີຕໍ່ທຸກໆສິນຄ້າຂອງຈີນສ່ວນທີ່ຍັງເຫຼືອ. ຈີນກໍໄດ້ຕອບໂຕ້ຄືນດ້ວຍການຂຶ້ນພາສີຈາກ 5% ມາເປັນ10% ໃນມູນຄ່າ 75 ຕື້ໂດລາຕໍ່ສິນຄ້ານຳເຂົ້າຈາກສະຫະລັດເຊັ່ນດຽວກັນ, ຊຶ່ງໃນນັ້ນລວມມີທັງນໍ້າມັນດິບຢູ່ນຳ. ມີປະມານ 1.700 ໃນຈຳນວນທັງໝົດ 5.078 ຊະນິດສິນຄ້າຂອງສະຫະລັດ ຖືກຂຶ້ນອັດຕາພາສີໃໝ່. ສ່ວນສິນຄ້າທີ່ຍັງເຫຼືອແມ່ນຈະມີອັດຕາພາສີ 10% ທີ່ຈະຈັດຕັ້ງປະຕິວັດໃນວັນທີ 15 ທັນວາທີ່ຈະມາເຖິງນີ້.

ອັດຕາພາສີດັ່ງກ່າວຂອງສະຫະລັດ ແມ່ນສວນທາງກັບການຕົກລົງກັນຢູ່ ໂອສະກາ, ປະເທດຍີ່ປຸ່ນ ໃນທ້າຍເດືອນ ມີຖຸນາຜ່ານມາ ລະຫ່ວາງສອງປະເທດ. ດັ່ງນັ້ນ, ຈີນຈຶ່ງໄດ້ຮ້ອງຟ້ອງຂຶ້ນຫາ ສະພາການຄ້າໂລກ ເພື່ອແກ້ໄຂບັນຫາຂໍ້ຂັດແຍ່ງດັ່ງກ່າວ, ທັງສະເໜີໃຫ້ອົງການການຄ້າໂລກສາມາດກຳນົດການຂຶ້ນອັດຕາພາສີຂອງແຕ່ລະປະເທດທີ່ສາມາດປະຕິບັດໄດ້ໃຫ້ເປັນບັນທັດຖານ.

ຮຽບຮຽງໂດຍ: ລູກເມືອງພວນ

ຂໍຂອບໃຈ/ທີ່ມາຂ່າວ

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ໄທເຕືອນ ລະວັງໂຈນປຸ້ນ ລະຫວ່າງໜອງຄາຍ-ອຸດອນ

ເຈົ້າໜ້າທີ່ໄທອອກໜັງສືເຕືອນຄົນລາວ ໃຫ້ລະວັງໄພທີ່ອາດຈະເກີດຈາກໂຈນ ໃນລະຫວ່າງທາງ ໜອງຄາຍ-ອຸດອນ ທັ…