Home ນານາສາລະ ໂຄງຊ້າງແກ້ວ ໄວ້ໄລ່ມື້ງາມຍາມດີ

ໂຄງຊ້າງແກ້ວ ໄວ້ໄລ່ມື້ງາມຍາມດີ

34 second read
0
0
1,121

ພໍດີວ່າເຂົ້າພັນສາມາໄດ້ເຄິ່ງໜຶ່ງແລ້ວ ຫຼາຍຄົນຄົງຢາກຮູ້ເລີກງາມຍາມດີ ເປັນຕົ້ນແມ່ນຂຶ້ນເຮືອນໃໝ່, ປຸກເຮືອນໃໝ່ ຫຼືພິທີວິວາມຸງຄຸນຕ່າງໆ ດັ່ງນັ້ນ, ມື້ນີ້ທີມງານ ບໍລິສັດ ນະຄອນວຽງ ຮັບເໝົາກໍ່ສ້າງ ຈຶ່ງໄດ້ຊອກເອົາມື້ງາມຍາມດີມາຕ້ອນທ່ານຜູ້ອ່ານ ໃຫ້ສາມາດເລືອກໃຊ້ໄດ້ ຕາມໂຄງຊ້າງແກ້ວດັ່ງລຸ່ມນີ້:

1 ຄໍ່າ ຍົກຊ້າງແກ້ວຂຶ້ນສູ່ໂຮງຄຳ ໝາຍເຖິງ ຖືວ່າດີ ຊ້າງແກ້ວເປັນສັດມຸງຄຸນ
2 ຄໍ່າ ຜີຟັງທຳປ່າຊ້າ ໝາຍເຖິງ ປານກາງບໍ່ມີດີແລະບໍ່ດີ
3 ຄໍ່າ ລ້າງມືຖ້າຄອຍກິນ ໝາຍເຖິງ ບໍ່ຄ່ອຍດີໄດ້ແຕ່ລໍຖ້າຄວາມຫວັງ
4 ຄໍ່າ ນອນປາຍຕີນຕົກຕາກແດດ ໝາຍເຖິງ ບໍ່ຄ່ອຍດີຈະເດືອນຮ້ອນ
5 ຄໍ່າ ຜີແວດລ້ອມປອງເອົາ ໝາຍເຖິງ ບໍ່ດີຈະມີແຕ່ອຸປະສັກ ເຈັບໄຂ້ໄດ້ປ່ວຍ
6 ຄໍ່າ ລົງສະເພົາໄປຄ້າ ໝາຍເຖິງ ດີ ຖ້າຄ້າຂາຍຈະລໍ່າລວຍ
7 ຄໍ່າ ເຄາະຢູ່ໜ້າຄອຍຊົນ ໝາຍເຖິງ ບໍ່ດີ ໃນອະນາຄົດມີແຕ່ບັນຫາ
8 ຄໍ່າ ສົນລະວົນບໍ່ແລ້ວ ໝາຍເຖິງ ບໍ່ດີ ມີແຕ່ເລື່ອງຫຍຸ້ງຍາກ
9 ຄໍ່າ ຖືກແຮ້ວພະຍາລາມ ໝາຍເຖິງ ບໍ່ດີ ມັກເຈັບໄຂ້ໂດຍບໍ່ຮູ້ສາເຫດ
10 ຄໍ່າ ຫາຄວາມງາມບໍ່ໄດ້ ໝາຍເຖິງ ບໍ່ດີ ເຮັດຫຍັງກໍບໍ່ດີຈັກຢ່າງ
11 ຄໍ່າ ຂີ້ຮ້າຍເກີດເປັນດີ ໝາຍເຖິງ ດີຫຼາຍ ເຮັດຫຍັງກໍດີໄປໝົດ
12 ຄໍ່າ ບໍ່ມີດີຈັກຢ່າງ ໝາຍເຖິງ ບໍ່ດີ ເຮັດຫຍັງກໍໂຫລ້ມຈົມ
13 ຄໍ່າ ໄຊຍະພາບແພ້ຊົມພູ ໝາຍເຖິງ ດີຫຼາຍ ຊະນະທຸກຢ່າງ
14 ຄໍ່າ ຝຸງສັດຕູປອງຂ້າ ໝາຍເຖິງ ບໍ່ດີ ມີຄົນປອງຮ້າຍ
15 ຄໍ່າ ຖືກຜີແມ່ໝາຍຫຼວງປອງເອົາ ໝາຍເຖິງ ບໍ່ດີ ຈະມີໄພໃຫຍ່ຫຼວງ

ຫຼາຍຕຳລາອາດຈະມີຜິດພ້ຽນໄປ ບາງຄົນກໍເວົ້າຕ່າງກັນເລັກນ້ອຍ ການຕີຄວາມໝາຍກໍອາດຈະຕ່າງກັນ ເຊັ່ນ ສາມຄໍ່າ ລ້າງມືຖ້າຄອຍກິນ ບາງອາຈານວ່າດີ ບໍ່ໄດ້ເຮັດຫຍັງກໍໄດ້ກິນ, ແຕ່ບາງອາຈານພັດບອກວ່າ ມີແຕ່ຄອງຄອຍບໍ່ໄດ້ກິນ. ຫຼືບາງອາຈານກໍອາດຈະແປງຄຳໃຫ້ຄ່ອງຫຼືເຂົ້າໃຈງ່າຍຂຶ້ນ ເລື່ອງຂອງເລື່ອງກໍຄືເພື່ອເອົາໄວ້ທຳນາຍອະນາຄົດ ເປັນເລື່ອງຂອງຄວາມສະຫຼາດຂອງຄົນທ້ອງຖິ່ນບູຮານເຮັດໄວ້ໃຫ້ຈື່ງ່າຍ ສາມາດເລົ່າສືບທອດກັນຕໍ່ມາຈົນເຖິງປັດຈຸບັນ.
ແລະນີ້ກໍເປັນພຽງຄວາມເຊື່ອເທົ່ານັ້ນ ແຕ່ມັນກໍສາມາດສ້າງຄວາມອຸ່ນໃຈໃຫ້ເຮົາໄດ້ ເຊິ່ງຖ້າຈິດໃຈຮູ້ສຶກດີແລ້ວ ທຸກຢ່າງກໍຄ່ອຍໆ ດີຕາມມານັ້ນເອງ.

ຂອບໃຈຂໍ້ມູນດີໆ ຈາກ ນະຄອນວຽງຮັບເໝົາກໍ່ສ້າງ

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ທ່ານອາດກຳລັງທຳຮ້າຍສະໝອງໂດຍບໍ່ຮູ້ໂຕ

ສະໝອງ ຖືເປັນອະໄວຍະວະທີ່ສຳຄັນຂອງຮ່າງກາຍ ໂດຍມີໜ້າທີ່ເປັນສູນກາງຄວບຄຸມຂະບວນການຕ່າງໆທີ່ເກີດຂຶ້ນ…