Home ຂ່າວເດັ່ນ ເປີດໃຊ້ເສັ້ນທາງເບຕົງ ທີ່ປະຊາຊົນເຮັດເອງ

ເປີດໃຊ້ເສັ້ນທາງເບຕົງ ທີ່ປະຊາຊົນເຮັດເອງ

35 second read
0
0
2,653

ໃນຕອນເຊົ້າຂອງວັນທີ 14 ກັນຍາ 2019 ນີ້ຢູ່ທີ່ບ້ານໜອງອໍ້ ເມືອງຄຳເກີດ ແຂວງບໍລິຄຳໄຊ ໄດ້ຈັດພິທີເປີດນໍາໃຊ້ທາງເບຕົງຂຶ້ນຢ່າງເປັນທາງການ. ໃຫ້ກຽດເຂົ້າຮ່ວມເປັນປະທານໂດຍ ທ່ານ ກີ່ ຊົ່ງລາຫວ່າງ ຮອງເຈົ້າເມືອງຄຳເກີດ ທ່ານ ບຸນຈັນ ຫຼວງສົມພູ ເລຂາຄະນະພັກຮາກຖານກຸ່ມບ້ານໜອງອໍ້-ນາແປ ມີແຂກທີ່ຖືກເຊີນ, ຄະນະບ້ານພັກກຸ່ມບ້ານ ແລະ ພໍ່ແມ່ປະຊາຊົນພາຍໃນບ້ານເຂົ້າຮ່ວມຢ່າງພ້ອມພຽງ.

ທາງຮ່ອມດັ່ງກ່າວ ເປັນທາງເຂົ້າໂຮງຮຽນປະຖົມສົມບູນຂອງບ້ານ, ທີ່ຜ່ານມາ ໂດຍສະເພາະແມ່ນລະດູຝົນ ການທຽວໄປໂຮງຮຽນຂອງນັກຮຽນແລະຄູອາຈານແມ່ນພົບຄວາມຫຍຸງຍາກຫຼາຍ ເພາະເປັນທາງຂຶ້ນຄ້ອນທີ່ສູງຊັນແລະມື່ນ ຕົກມາປີນີ້ ອຳນາດການປົກຄອງບ້ານ ພ້ອມດ້ວຍພໍ່ແມ່ປະຊາຊົນພາຍໃນບ້ານຫນອງອໍ້ ຈຶ່ງໄດ້ພ້ອມໃຈກັນເຮັດທາງເປັນທາງປູເບຕົງຈົນສຳເລັດ.

ເສັ້ນທາງດັ່ງກ່າວມີຄວາມຍາວ 250 ແມັດ, ກວ້າງ 4 ແມັດ, ມູນຄ່າ 103,236,000 ກີບ ໂດຍແມ່ນທຶນສົມທົບລະຫວ່າງ ເງິນຄັງບ້ານ, ເງິນລະດົມຈາກປະຊາຊົນ ແລະພໍ່ຄ້າຊາວຂາຍ.

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ອາເຊມາ ຊີ້ແຈງການມອບຂັນເປຕັງ

ເຫດການທີ່ປະທານສະຫະພັນເປຕັງນານາຊາດ ມອບລາງວັນໃຫ້ນັກກິລາລາວ ແລ້ວວາງຂັນລາງວັນລົງພື້ນ ສ້າງຄວາມບ…