Home ຂ່າວເດັ່ນ ເຈ້ນາງບອກວ່າ ສາມີເຈ້ຖືກກ່າວຫາ

ເຈ້ນາງບອກວ່າ ສາມີເຈ້ຖືກກ່າວຫາ

34 second read
0
4
14,569

ສືບເນື່ອງຈາກການຈັບກຸມ ທ້າວ ຣັດຊະພູມ ສຸດຫຼ້າ ອາຍຸ 41 ປີ ເຊິ່ງເປັນຜົວຂອງ ເຈ້ນາງ ເຈົ້າຂອງຮ້ານຂາຍຄຳພໍໃຈ ຜູ້ມີຊື່ສຽງໃນສື່ອອນລາຍຂອງລາວ ໃນຂໍ້ຫາຟອກເງິນ ເຄືອຂ່າຍຢາເສບຕິດຟອກເງິນກວ່າ 200 ລ້ານບາດ ເຊິ່ງຜູ້ກ່ຽວໄດ້ປະຕິເສດແລະອ້າງວ່າໂຕເອງມີທຸລະກິດຮ້ານຂາຍຄຳໃນ ສປປ ລາວ.

ການຈັບກຸມແມ່ນເກີດຂຶ້ນໃນເວລາ 10 ໂມງເຊົ້າ ຂອງວັນທີ 19 ກັນຍາ 2019 ທີ່ຈັງຫວັດມຸກດາຫານ ພ້ອມຂອງກາງເປັນເງິນສົດ 50 ລ້ານກີບ ແລະເງິນບາດໄທ 1.5 ລ້ານບາດ, ບັນຊີທະນາຄານ 4 ຫົວ, ບັດເອທີເອັມ, ລົດກະບະສີ່ປະຕູ, ສາຍສ້ອຍຄຳໜັກ 5 ບາດ, ແຫວນເພັດ 1.8 ກະລັດ ແລະຊັບສິນອື່ນໆ ລວມທັງໝົດ 24 ລາຍການ.

ຕໍ່ເຫດການດັ່ງກ່າວ, ຕົກມາຕອນແລງຂອງວັນດຽວກັນ ເຈ້ນາງພໍໃຈ ໄດ້ໂພສເຟສບຸກ ຊີ້ແຈງວ່າ ຜົວຂອງຕົນນັ້ນບໍ່ແມ່ນຜູ້ຕ້ອງຫາ ແຕ່ເປັນພຽງຜູ້ຖືກກ່າວຫາທໍ່ນັ້ນ ດັ່ງຂໍ້ຄວາມລະອຽດດັ່ງນີ້:

ຂໍຊີ້ແຈງປະເດັນສາມີເຈ້າຖືກກັກໂຕຢູ່ໄທ
ປັດຈຸບັນສາມີເຈ້ຖືກກ່າວຫາ (ບໍ່ແມ່ນຜູ້ຕ້ອງຫາ)ວ່າມີສ່ວນຮ່ວມຂະບວນການ…
ຄືຕ້ອງເຂົ້າໃຈກ່ອນວ່າ ຕອນນີ້ຕຳຫຼວດກຳລັງສືບສວນຢູ່ ກະຕ້ອງໃຫ້ຕຳຫຼວດທຳຕາມໜ້າທີ່ຢ່າງເຕັມທີ່ ລະຜົນອອກມາເປັນແນວໃດລະຈັ່ງມາຕັດສິນກັນທີຫຼັງ ແລະທາງເຮົາກະໝັ້ນໃຈຄົນຂອງເຮົາ ວ່າບໍ່ໄດ້ມີສ່ວນຮ່ວມ ແລະທະນາຍທາງເຮົາກຳລັງປະກອບເອກະສານຫຼັກຖານເພື່ອເຂົ້າໄປສະແດງ ຢັ້ງຢືນຄວາມບໍລິສຸດ ຕໍ່ເຈົ້າໜ້າທີ່ ທັງນີ້ທັງນັ້ນ ເຮົາຈະບໍ່ຂໍລົງລາຍລະອຽດເພື່ອບໍ່ຢາກໃຫ້ເສຍຮູບຄະດີ. #ຄວາມຈິງເປັນສິ່ງບໍ່ຕາຍ.

ແລະນອກຈາກນີ້, ກໍຍັງໄດ້ໂພສຂໍ້ຄວາມຫຼາຍຂໍ້ຄວາມ ສະແດງໃຫ້ເຫັນວ່າ ບໍ່ໄດ້ມີຄວາມກັງວົນໃຈຕໍ່ເລື່ອງທີ່ເກີດຂຶ້ນ ອາດຈະຍ້ອນໝັ້ນໃຈວ່າສາມີຂອງຕົນເອງເປັນຄົນບໍລິສຸດຢູ່ແລ້ວ.

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ອາເຊມາ ຊີ້ແຈງການມອບຂັນເປຕັງ

ເຫດການທີ່ປະທານສະຫະພັນເປຕັງນານາຊາດ ມອບລາງວັນໃຫ້ນັກກິລາລາວ ແລ້ວວາງຂັນລາງວັນລົງພື້ນ ສ້າງຄວາມບ…