Home ຂ່າວເດັ່ນ ຄະດີສາວໝວຍ ຍັງຕ້ອງສືບສວນຕື່ມອີກກ່ອນ

ຄະດີສາວໝວຍ ຍັງຕ້ອງສືບສວນຕື່ມອີກກ່ອນ

36 second read
0
0
2,936

ລາຍງານ 21 ກັນຍາ 2019, ຈາກກໍລະນີທີ່ນາງ ຮວາຍເຮືອງ ໄຊຍະບູລີ (ໝວຍ) ອາຍຸ 30 ປີ ຄົນບ້ານສະເຫຼົ້າ ເມືອງໂພນທອງ ແຂວງຈຳປາສັກ ທີ່ຖືກກັກຕົວໄປໄວ້ທີ່ຄຸມຂັງແຂວງຈຳປາສັກ ແຕ່ວັນທີ 12 ກັນຍາ ທີ່ຜ່ານມາ ໃນຂໍ້ຫາໂຄສະນາຕໍ່ຕ້ານ ສປປ.ລາວ ຜ່ານສື່ສັງຄົມອອນລາຍ.
ເຖິງຢ່າງໃດກໍ່ຕາມ ກອງບັນຊາການ ປສກ ແຂວງຈຳປາສັກ ເຄີຍກ່າວວ່າຈະມີການຖະແຫຼງຂ່າວຄະດີນາງ ໝວຍ ຢ່າງເປັນທາງການໃນວັນທີ 18 ກັນຍາ ທີ່ຜ່ານມາ ແຕ່ກໍ່ບໍ່ມີການຖະແຫຼງໃດໆເກີດຂຶ້ນ, ຫຼ້າສຸດໜັງສືພິມວຽງຈັນທາຍໄດ້ລາຍງານວ່າ ໃນຕອນແລງຂອງວັນສຸກ 20 ກັນຍາ ທີ່ຜ່ານມາ ປສກ ແຂວງຈຳປາສັກ ກ່າວວ່າການຖະແຫຼງຂ່າວກ່ຽວບັນນາງ ໝວຍ ແມ່ນໄດ້ໂຈະໄວ້ກ່ອນ ພວກເຮົາຍັງຈະສືບຕໍ່ສືບສວນສອບສວນ ແລະ ຈະຖະແຫຼງມື້ໃດນັ້ນຈະແຈ້ງໃຫ້ສັງຄົມຊາບຕາມພາຍຫຼັງ.
ເຊິ່ງເມື່ອວັນທີ 17 ກັນຍາ ທີ່ຜ່ານມາ ຕາມແຫຼງຂ່າວຈາກ ປກສ ແຂວງຈຳປາສັກ ໃຫ້ຮູ້ວ່າ ນາງ ໝວຍ ແມ່ນໄດ້ຮັບສາລະພາບຕໍ່ການກະທຳຜິດຂອງຕົນເອງ ແລະ ຍັງໄດ້ໃຫ້ຂໍ້ມູນທີ່ສຳຄັນ ວ່າຜູ້ກ່ຽວມີການພົວພັນກັບບັນດາກຸ່ມຄົນທີ່ບໍ່ດີທັງພາຍໃນ ແລະ ຕ່າງປະເທດ.
ນອກຈາກນີ້, ທ່ານ ພັນໂທ ໄພຈິດ ໄຊຍະເດດ ຮອງຫ້ອງຕຳຫຼວດ ປກສ ແຂວງຈຳປາສັກ ຍັງໄດ້ລະບຸວ່າ ໃນເດືອນມິຖຸນາ 2018 ນາງ ໝວຍ ໄດ້ມີການຖ່າຍທອດສົດຜ່ານ facebook ຂອງຜູ້ກ່ຽວ ແລະ ໄດ້ເວົ້າໃສ່ຮ້າຍປ້າຍສີຕໍ່ຕ້ານລັດຖະບານລາວ ເຊິ່ງທາງເຈົ້າໜ້າທີ່ກໍ່ໄດ້ເຊີນຜູ້ກ່ຽວມາຊີ້ແຈງ ແລະ ຕັກເຕືອນສຶກສາອົມຮົບແລ້ວ ເພື່ອບໍ່ໃຫ້ມີພຶດຕິກຳດັ່ງກ່າວອີກ, ແຕ່ເມື່ອວັນທີ 5 ກັນຍາ ທີ່ຜ່ານມາ ນາງ ໝວຍ ກໍ່ໄດ້ມີການຖ່າຍທອດສົດຕື່ມອີກ ແລະ ຍັງມີເນື້ອໃນລັກສະນະຕໍ່ຕ້ານລັດຖະບານ ສປປ.ລາວຢູ່.
ໂດຍອີງຕາມກົດໝາຍອາຍາ ມາດຕາ 117 ການໂຄສະນາຕໍ່ຕ້ານ ສປປ.ລາວ ແມ່ນມີໂທດຕັດອິດສະຫຼະພາບ 1-5 ປີ ແລະ ຈະຖືກປັບໃໝ່ແຕ່ 5,000,000-20,000,000 ກີບ. (ອິດສະຫຼະ)

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ປ່ຽນລັດຖະມົນຕີ ກະຊວງແຜນການແລະການລົງທຶນ

ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ຮັບການແຕ່ງຕັ້ງເປັນ ວ່າການລັດຖະມົນຕີກະຊວງແຜນການ ແ…