Home ຂ່າວພາຍໃນ ລາວ​ໃຫ້​ສັດ­ຕະ­ຍາ­ບັນ​ຕໍ່​ສົນ­ທິ­ສັນ­ຍາ ວ່າ​ດ້ວຍ​ການ​ເກືອດ​ຫ້າມ​ອາ­ວຸດ​ນິວ​ເຄຼຍ

ລາວ​ໃຫ້​ສັດ­ຕະ­ຍາ­ບັນ​ຕໍ່​ສົນ­ທິ­ສັນ­ຍາ ວ່າ​ດ້ວຍ​ການ​ເກືອດ​ຫ້າມ​ອາ­ວຸດ​ນິວ​ເຄຼຍ

42 second read
0
0
28

​ໂອ­ກາດ​ເຂົ້າ​ຮ່ວມ​ກອງ​ປະ­ຊຸມ​ສະ­ມັດ­ຊາ​ໃຫຍ່ ຂອງ​ອົງ­ການ​ສະ­ຫະ​ປະ­ຊາ​ຊາດ (ສປຊ) ສະ­ໄໝ​ທີ 74 ທີ່​ນິວ​ຢອກ ສະຫະ​ລັດ​ອາ​ເມລິ​ກາ, ທ່ານ ສະ­ເຫຼີມ​ໄຊ ກົມ​ມະ​ສິດ ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ ໄດ້​ຕາງ­ໜ້າ​ໃຫ້​ລັດ­ຖະ­ບານ​ລາວ​ຍື່ນ​ສານ​ເຂົ້າ​ຮ່ວມ​ເປັນ​ພາ­ຄີ​ສົນ­ທິ­ສັນ­ຍາ​ສະ­ຫະ​ປະ­ຊາ​ຊາດ ວ່າ​ດ້ວຍ​ສັນ­ຍາ​ຊື້-ຂາຍ​ສິນ­ຄ້າ​ລະ­ຫວ່າງ​ປະ­ເທດ ແລະ ຍື່ນ​ສານ​ໃຫ້​ສັດ­ຕະ­ຍາ­ບັນ​ຕໍ່​ສົນ­ທິ­ສັນ­ຍາ ວ່າ​ດ້ວຍ​ການ​ເກືອດ​ຫ້າມ​ອາ­ວຸດ​ນິວ​ເຄຼຍ ໃຫ້​ແກ່​ທ່ານ Miguel de Serpa Soares ຮອງ​ເລ­ຂາ­ທິ­ການ​ໃຫຍ່ ສປຊ ຜູ້​ຮັບ­ຜິດ­ຊອບ​ວຽກ​ງານ​ກົດ­ໝາຍ ທັງ​ເປັນ​ທີ່​ປຶກ­ສາ​ທາງ​ດ້ານ​ກົດ­ໝາຍ​ຂອງ​ອົງ­ການ ສປຊ ໃນ​ວັນ​ທີ 24 ແລະ 26 ກັນ­ຍາ 2019 ຕາມ​ລຳ­ດັບ.

ສົນ­ທິ­ສັນ­ຍາ​ສະ­ຫະ​ປະ­ຊາ​ຊາດ ວ່າ​ດ້ວຍ​ສັນ­ຍາ ຊື້-ຂາຍ​ສິນ­ຄ້າ​ລະ­ຫວ່າງ​ປະ­ເທດ ມີ​ຈຸດ­ປະ­ສົງ​ເພື່ອ​ກຳ­ນົດ​ລະ­ບຽບ​ການ ຊື້-ຂາຍ ສິນ­ຄ້າ​ລະ ຫວ່າງ​ປະ­ເທດ ລວມ​ທັງ​ພັນ­ທະ​ຂອງ​ຜູ້​ຊື້-ຜູ້​ຂາຍ ປັດ­ຈຸ­ບັນ ມີ​ປະ­ເທດ​ເຂົ້າ​ເປັນ​ພາ­ຄີ​ທັງ​ໝົດ 89 ປະ­ເທດ ເນື່ອງ​ຈາກ​ເປັນ​ໂອ­ກາດ​ດີ​ໃຫ້​ບັນ­ດາ​ປະ­ເທດ​ພາ­ຄີ​ສາ­ມາດ​ນຳ​ໃຊ້​ບົດ​ບັນ­ຍັດ​ພາຍ​ໃຕ້​ສົນ­ທິ­ສັນ­ຍາ​ດັ່ງ­ກ່າວ​ເປັນ​ພື້ນ­ຖານ ແລະ ເປັນ​ບ່ອນ​ອີງ​ໃນ​ການ​ເຮັດ​ສັນ­ຍາ​ຊື້-ຂາຍ​ລະ­ຫວ່າງ​ປະ­ເທດ ເຊິ່ງ​ຈະ​ຫຼຸດ­ຜ່ອນ​ຄວາມ​ຫຍຸ້ງ­ຍາກ ແລະ ຄວາມ​ສ່ຽງ​ໃນ​ການ​ເລືອກ​ໃຊ້​ກົດ­ໝາຍ ຫຼື ສັນ­ຍາ​ທີ່​ບໍ່​ເປັນ​ມາດ­ຕະ­ຖານ​ດຽວ​ກັນ​ລະ­ຫວ່າງ ຜູ້​ຊື້-ຜູ້​ຂາຍ ນອກ​ນັ້ນ ຈະ​ເຮັດ​ໃຫ້​ລາວ​ເຮົາ​ປັບ­ປຸງ​ລະ­ບົບ​ກົດ­ໝາຍ​ຂອງ​ຕົນ​ໃຫ້​ເປັນ​ສາ­ກົນ​ຫຼາຍ​ຂຶ້ນ ດ້ວຍ​ການ​ນຳ​ໃຊ້​ມາດ­ຕະ­ຖານ​ດຽວ​ກັນ​ຂອງ​ຄູ່​ສັນ­ຍາ ໂດຍ​ສະ­ເພາະ ປັດ­ຈຸ­ບັນ​ທີ່​ລາວ​ຍັງ​ບໍ່​ທັນ​ມີ​ກົດ­ໝາຍ​ສະ­ເພາະ​ກ່ຽວ​ກັບ​ການ​ຊື້-ຂາຍ​ລະ­ຫວ່າງ​ປະ­ເທດ ເປັນ­ຕົ້ນ ດ້ານ​ສິດ ແລະ ພັນ ທະ​ຂອງ​ຄູ່​ຄ້າ​ທີ່­ຢູ່​ຄົນ​ລະ​ປະ­ເທດ ລວມ​ທັງ​ກົນ​ໄກ​ໃນ​ການ​ແກ້​ໄຂ​ຂໍ້​ຂັດ​ແຍ່ງ​ກ່ຽວ​ກັບ​ການ​ຊື້-ຂາຍ​ລະ­ຫວ່າງ​ປະ­ເທດ.

ສົນ­ທິ­ສັນ­ຍາ​ວ່າ​ດ້ວຍ​ການ​ເກືອດ​ຫ້າມ​ອາ­ວຸດ​ນິວ​ເຄຼຍ ຈຸດ­ປະ­ສົງ​ຫຼັກ ເພື່ອ​ເກືອດ​ຫ້າມ​ອາ­ວຸດ​ນິວ​ເຄຼຍ ຄື ຫ້າມ​ບໍ່​ໃຫ້​ມີ​ການ​ພັດ­ທະ­ນາ, ທົດ​ລອງ, ຜະ­ລິດ, ຄອບ​ຄອງ, ສະ​ສົມ, ສົ່ງ­ຕໍ່, ຮັບ​ເອົາ ຫຼື ນຳ​ໃຊ້​ຢູ່​ໃນ​ດິນ­ແດນ​ຂອງ​ຕົນ ການ​ໃຫ້​ສັດ­ຕະ­ຍາ­ບັນ​ສົນ­ທິ­ສັນ­ຍາ​ດັ່ງ­ກ່າວ​ຂອງ​ລາວ​ເຮົາ ສະ­ແດງ​ໃຫ້​ເຫັນ​ເຖິງ​ຄວາມ​ໝາຍ​ໝັ້ນ​ທາງ​ດ້ານ​ການ­ເມືອງ​ອັນ​ສະ­ເໝີ​ຕົ້ນ​ສະ­ເໝີ​ປາຍ ທີ່​ຢາກ​ສ້າງ​ໃຫ້​ໂລກ​ນີ້​ປອດ​ອາ­ວຸດ​ນິວ​ເຄຼຍ ກໍ​ຄື ເປັນ​ການ​ປະ­ກອບ­ສ່ວນ​ສະ­ໜັບ­ສະ­ໜູນ​ຄວາມ​ພະ­ຍາ­ຍາມ​ຂອງ​ວົງ​ຄະ­ນາ​ຍາດ​ສາ­ກົນ ກ່ຽວ​ກັບ​ການ​ເກືອດ​ຫ້າມ ແລະ ການ​ລຶ­ບລ້າງ​ອາ­ວຸດ​ນິວ​ເຄຼຍ​ທີ່​ເປັນ​ໄພ​ຂົ່ມ­ຂູ່​ອັນ​ຮ້າຍ​ແຮງ​ຕໍ່​ມວນ​ມະ­ນຸດ​ໃນ​ໂລກ.

ຂໍຂອບໃຈ/ທີ່ມາ

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ອີຢູ ແລະ ຢູນິເຊັບ ມອບລົດຈັກ-ເຄື່ອງຄອມພິວເຕີ ໃຫ້ແກ່ກະຊວງສຶກສາທິການ ແລະ ກີລາ

ໃນວັນທີ 3 ຕຸລາ 2019 ທີ່ນະຄອນຫລວງວຽງຈັນ, ສະຫະພາບຢຸໂຣບ (EU) ແລະ ອົງການສະຫະປະຊາຊາດສໍາລັບເດັກ …