Home ຂ່າວຕ່າງປະເທດ ສິງກະໂປ ຊຸກຍູ້ ການພັດທະນາ “ເຄືອຂ່າຍເມືອງອັດສະລິຍະ” ໃນອາຊຽນ

ສິງກະໂປ ຊຸກຍູ້ ການພັດທະນາ “ເຄືອຂ່າຍເມືອງອັດສະລິຍະ” ໃນອາຊຽນ

37 second read
0
0
30
ສິງກະໂປ,ເມືອງອັດສະລິຍະ,ຂ່າວປະຈໍາວັນ,ຂ່າວຕ່າງປະເທດ,ເຕັກໂນໂລຊີ

ສິງກະໂປ ພ້ອມຊຸກຍູ້ໂຄງການເຄືອຂ່າຍເມືອງອັດສະລິຍະອາຊຽນ ຫວັງຮອງຮັບກະແສປະຊາກອນໄຫຼເຂົ້າມາເຮັດວຽກໃນເມືອງ.

ໃນກອງປະຊຸມສຸດຍອດອາຊຽນຄັ້ງທີ 32 ເມື່ອວັນເສົາທີ່ຜ່່ານມາ ທີ່ປະເທດສິງກະໂປ, ທ່ານ ລີຊຽນລຸງ ໃນຖານະປະທານອາຊຽນ ຍົກປະເດັນ “ເມືອງອັດສະລິຍະ” ຫຼື ສະມາດຊິຕີ້ ຂຶ້ນມາກ່າວເຖິງ.

ທ່ານຊີ້ວ່າ “ສຳລັບປະເດັນເຄືອຂ່າຍເມືອງອັດສະລິຍະ ເປັນສິ່ງທີ່ເຮົາຫວັງວ່າຈຳສຳເລັດສົມບູນ, ມີຄວາມກ້າວໜ້າ ແລະ ມີຜົນລັບທີ່ຈັບຕ້ອງໄດ້ພາຍໃນປີນີ້”.

ປັດຈຸບັນນີ້, ປະຊາກອນໃນອາຊຽນກວ່າເຄິ່ງໜຶ່ງອາໄສຢູ່ໃນພື້ນທີ່ເມືອງ ແລະ ພາຍໃນປີ 2030 ມີການຄາດຄະເນວ່າປະຊາກອນອີກຫຼາຍກວ່າ 90 ລ້ານຄົນ ຈະຍ້າຍເຂົ້າມາເພີ່ມ ໂດຍເມືອງຂະໜາດກາງທີ່ຮອງຮັບປະຊາກອນລະຫວ່າງ 200,000 – 2,000,000 ຄົນ ຈະສົ່ງຜົນໃຫ້ເກີດການເຕີບໂຕທາງພາກພື້ນຫຼາຍກວ່າ 40%.

ແນວໃດກໍຕາມ, ດ້ວຍຈຳນວນປະຊາກອນທີ່ສູງຂຶ້ນ ສົ່ງຜົນໃຫ້ເກີດບັນຫາຕາມມາ ທັງຄວາມໜາແໜ້ນ, ມົນລະພິດທາງອາກາດ, ຄຸນນະພາບນໍ້າ, ຄວາມຫຼຸດໂຕນ ແລະ ການແບ່ງແຍກທາງພູມສາດລະຫວ່າງປະຊາກອນໃນເມືອງ ແລະ ປະຊາກອນທ້ອງຖິ່ນ.

ຄວາມພະຍາຍາມໃນການສ້າງເມືອງອັດສະລິຍະເປັນໜຶ່ງໃນຄຳຕອບຂອງການແກ້ບັນຫາຂ້າງຕົ້ນ ດ້ວຍການນຳເອົາເຕັກໂນໂລຊີມາໃຊ້ໃຫ້ເກີດປະໂຫຍດສູງສຸດເພື່ອຄຸນນະພາບຊີວິດຂອງປະຊາຊົນ.

ເຖິງວ່າສິງກະໂປຈະເປັນຜູ້ນຳເລື່ອງເມືອງອັດສະລິຍະໃນພາກພື້ນ, ແຕ່ປະເທດເຊັ່ນ: ມາເລເຊຍ: ຫວຽດນາມ, ໄທ ແລະ ອິນໂດເນເຊຍ ກໍມີເປົ້າໝາຍໃນການສ້າງເມືອງອັດສະລິຍະເຊັ່ນດຽວກັນ. ນີ້ຈຶ່ງບໍ່ແມ່ນເລື່ອງແປກໃໝ່ຂອງພາກພື້ນນີ້.

ໃນກອງປະຊຸມສຸດຍອດອາຊຽນຄັ້ງນີ້ ມີການວາງແຜນການດຳເນີນງານ, ອົງປະກອບສຳຄັນ ຮວມທັງຕາຕະລາງສຳລັບເຄືອຂ່າຍທົດລອງໃນ 26 ເມືອງທົ່ວປະເທດ.

ເຄືອຂ່າຍເມືອງອັດສະລິຍະອາຊຽນ

ເຄືອຂ່າຍເມືອງອັດສະລິຍະອາຊຽນ ຫຼື ASCN ປະກອບໄປດ້ວຍ 4 ປັດໄຈຫຼັກ ທີ່ມີການເບິ່ງແຍງຕົວແທນຂອງແຕ່ລະປະເທດໃນອາຊຽນ ໂດຍປັດໄຈທີ 1 ຄື: ແຜນການປະຕິບັດໂດຍສະເພາະຂອງແຕ່ລະປະເທດໃນການພັດທະນາເມືອງອັດສະລິຍະລະຫວ່າງປີ 2018-2025.

ຂະນະທີ່ປັດໄຈທີ 2 ແມ່ນ ຂອບປະຕິບັດງານຂອງເມືອງອັດສະລິຍະທີ່ເວົ້າເຖິງການພັດທະນາພ້ອມກັບຊີ້ປະເດັນຄວາມຕ້ອງການຂອງພາກສັງຄົມ ແລະ ວັດທະນະທຳທ້ອງຖິ່ນ. ປັດໄຈທີ 3 ຂອງການປະຊຸມປະຈຳປີຂອງ ASCN ແລະ ປັດໄຈສຸດທ້າຍຄື ໂຄງການແຝດທີ່ຈະຈັບຄູ່ເມືອງອັດສະລິຍະໃນອາຊຽນກັບເມືອງອັດສະລິຍະນອກອາຊຽນ. ປັດຈຸບັນ ໂຄງການ ASCN ເປີດໂຕໄປແລ້ວ ເຫຼືອພຽງແຕ່ລະປະເທດເລີ່ມລົງມືເຮັດເທົ່ານັ້ນ.

ຂໍຂອບໃຈ/ທີ່ມາ

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ຈີນເຜີຍໂສມ ຂີປະນາວຸດນິວເຄຼຍຂ້າມທະວີບ ຕົງເຟີງ-41 ທີ່ຊົງພະລັງ-ລໍ້າໜ້າທີ່ສຸດຂອງປະເທດ

ປັກ​ກິ່ງ, 1 ຕຸລາ 2019 (ຊິນ​ຫົວ) — ຈີນ​ເປີດ​ເຜີຍ​ຂີປະ​ນາ​ວຸດ​ນິວ​ເຄຼຍ​ຂ້າມ​ທະວີບ​ທາງ​ຍຸດທະສ…