Home ຂ່າວພາຍໃນ ຜ່າຕັດແກ່ນຕາຂຸ້ນໂດຍບໍ່ເສຍຄ່າ ສໍາລັບຜູ້ທຸກຍາກ ເລີ່ມລົງທະບຽນ 4-9 ຕຸລານີ້

ຜ່າຕັດແກ່ນຕາຂຸ້ນໂດຍບໍ່ເສຍຄ່າ ສໍາລັບຜູ້ທຸກຍາກ ເລີ່ມລົງທະບຽນ 4-9 ຕຸລານີ້

35 second read
0
0
22

ສະພາອຸດສະຫະກຳ ແລະ ການຄ້ານະຄອນຫຼວງວຽງຈັນ ຮ່ວມກັບ ສະມາຄົມທຸລະກິດສິງກະໂປຢູ່ໃນລາວ ໄດ້ເປີດໂອກາດໃຫ້ ປະຊາຊົນຜູ້ທຸກຍາກໃນນະຄອນຫຼວງວຽງຈັນ ແລະ ບັນດາແຂວງທີ່ໃກ້ຄຽງເຂົ້າຮ່ວມເພື່ອກວດເຊັກສຸຂະພາບຕາ ແລະ ຜ່າຕັດແກ່ນຕາຂຸ້ນ ໂດຍບໍ່ໄດ້ເສຍຄ່າ ໃນລະຫວ່າງວັນທີ 11-13 ຕຸລາ 2019 ທີ່ສູນປິ່ນປົວ ແລະ ຮັກສາສຸຂະພາບຕາທົ່ງປົ່ງ ນະຄອນຫຼວງວຽງຈັນ ການຜ່າຕັດໃຊ້ເວລາພຽງ 5 ນາທີ ໂດຍການຜ່າຕັດທີ່ມີຄຸນນະພາບ ໂດຍທີມງານທ່ານໝໍຈາກປະເທດສິງກະໂປ.

ສໍາລັບການຄັດເລືອກ ແລະ ລົງທະບຽນ ສໍາລັບບຸກຄົນທົ່ວໄປທີ່ຕ້ອງການປິ່ນປົວບໍ່ເສຍຄ່າ ຈະຈັດຂຶ້ນວັນທີ 4 ຫາ ວັນທີ 9 ຕຸລາ 2019 ທີ່ໂຮງໝໍ 9 ເມືອງໃນນະຄອນຫຼວງວຽງຈັນ ແລະ ໂຮງໝໍປົວຕາທົ່ງປົ່ງ ສໍາລັບຜູ້ລົງທະບຽນຜ່າຕັດທີ່ໂຮງໝໍປົວຕາທົ່ງປົ່ງ ຈະມີທີ່ພັກ, ອາຫານ ແລະ ນໍ້າດື່ມໃຫ້ຜູ້ທີ່ຜ່າຕັກທຸກຄົນ ເຊິ່ງຜູ້ທີ່ຜ່າຕັດແກ່ນຕາແມ່ນຈະໄດ້ຜ່າຕັດໃນໜຶ່ງມື້ ແລະ ຈະເປີດຕາໄດ້ໃນມື້ທີ່ສອງ ຫຼັງຈາກຜ່າຕັດ ທາງມູນນິທິ ເອີນີວວິເຊິນ ຈະໜອງຢາ ເລນສ ຢາຍອດຕາ ໃຫ້ແກ່ຜູ້ທຸກຍາກທີ່ມາປິ່ນປົວອີກດ້ວຍ.

ທ່ານໃດມີຄວາມສົນໃຈຮັບການປິ່ນປົວ ຕິດຕໍ່ໄດ້ ໂທ: 030 572 9168 (ທ່ານ ນາງ ລິງ) 020 5598 4248 (ທ່ານ ນາງ ຕຸກຕາ) ຫຼື ໄປຕິດຕໍ່ໂດຍກົງທີ່ໂຮງໝໍ 9 ຕົວເມືອງ ຫຼື ໂຮງໝໍປົວຕາທົ່ງປົ່ງ.

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ອີຢູ ແລະ ຢູນິເຊັບ ມອບລົດຈັກ-ເຄື່ອງຄອມພິວເຕີ ໃຫ້ແກ່ກະຊວງສຶກສາທິການ ແລະ ກີລາ

ໃນວັນທີ 3 ຕຸລາ 2019 ທີ່ນະຄອນຫລວງວຽງຈັນ, ສະຫະພາບຢຸໂຣບ (EU) ແລະ ອົງການສະຫະປະຊາຊາດສໍາລັບເດັກ …