Home ຂ່າວເດັ່ນ ປກສ ເມືອງພູຄູນຈູດທຳລາຍເງິນປອມ

ປກສ ເມືອງພູຄູນຈູດທຳລາຍເງິນປອມ

38 second read
0
0
27

ໃນວັນທີ 21 ພະຈິກ 2019ນີ້ ກອງບັນຊາການປ້ອງກັນຄວາມສະຫງົບເມືອງພູຄູນ ໄດ້ຈັດພິທີ ທຳລາຍພັນທະບັດປອມ ( ເງິນປອມ ) ຂຶ້ນ ໂດຍການເຂົ້າຮ່ວມຂອງທ່ານ ເພັດສະໝອນ ວົງສີປະເສີດ ຮອງເຈົ້າເມືອງ ເມືອງພູຄູນ, ມີຫົວໜ້າພ້ອມດ້ວຍຄະນະ ແລະ ຫ້ອງການທີ່ກ່ຽວຂ້ອງຂອງເມືອງ ຕະຫຼອດຮອດເຈົ້າໜ້າທີ່ພາຍໃນກອງບັນຊາການຂອງເມືອງເຂົ້າຮ່ວມ.

ທ່ານ ພັຕ ແກ້ວວິໄລ ວິທະຍາ ເຈົ້າໜ້າທີ່ສັນຕິບານ ກອງບັນຊາການປ້ອງກັນຄວາມສະຫງົບເມືອງໄດ້ລາຍງານໃຫ້ຮູ້ວ່າ: ເງິນປອມທີ່ເຈົ້າໜ້າທີ່ຢຶດ ແລະ ນຳມາທຳລາຍໃນຄັ້ງນີ້ ແມ່ນໄດ້ມາຈາກການລົງເຄື່ອນໄຫວຕິດຕາມກວດກາພົບເຫັນເງິນ ທີ່ກຸ່ມຄົນບໍ່ດີນຳມາຫວ່ານຕໍ່ໜ້າຕະຫຼາດບ້ານສາມແຍກພູຄູນ ໃນວັນສະເຫຼີມສະຫຼອງວັນສຳຄັນຂອງພັກ-ຂອງຊາດ ເພື່ອສ້າງສະຖານະການຄວາມບໍ່ສະຫງົບ ໃນຫຼາຍປີຜ່ານມາ.

ໃນນັ້ນມີເງິນປອມ ສະກຸນເງິນກີບ ປະເພດໃບ 50.000 ຈຳນວນ 32 ລ້ານກວ່າກີບ, ປະເພດໃບ 20,000 ຈຳນວນ 8 ລ້ານກວ່າກີບ, ປະເພດໃບ 10.000 ຈຳນວນ 1ລ້ານກວ່າກີບ ແລະ ສະກຸນເງີນໂດລາສະຫະລັດ ປະເພດ100ໂດລາ ຈຳນວນ 9.000ໂດລາ ລວມທັງໝົດ 42.090,000 ກີບ.

ໂອກາດທີ່ທ່ານຮອງເຈົ້າເມືອງໄດ້ເຂົ້າຮ່ວມພິທີ ໃນຄັ້ງນີ້ ທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານຂອງເຈົ້າໜ້າທີ່ໄດ້ເອົາໃຈໃສ່ປະຕິບັດໜ້າທີ່ ໃນການເຄື່ອນໄຫວຕິດຕາມແກ້ໄຂປະກົດການຫຍໍ້ທໍ້ໃນສັງຄົມ ພ້ອມນີ້ກໍໄດ້ເນັ້ນໃຫ້ເຈົ້າໜ້າທີ່ວິຊາສະເພາະ ສືບຕໍ່ພະຍາຍາມ ດ້ວຍຄວາມຮັບຜິດຊອບ, ຮັດກຸມ ໃນການປະຕິບັດໜ້າທີ່ ເພາະກຸ່ມຄົນບໍ່ດີຍັງຈະສືບຕໍ່ເຄື່ອນໄຫວສ້າງຄວາມບໍ່ສະຫງົບດ້ວຍຫຼາຍຮູບແບບ ຈາກນັ້ນຄະນະປະທານ ແລະ ຜູ້ເຂົ້າຮ່ວມ ໄດ້ຮ່ວມກັນຈູດທຳລາຍເງິນປອມດັ່ງກ່າວ.

ຕາມປະມວນກົດໝານອາຍາມາດຕາ 129 ວ່າດ້ວຍການປອມແປງເງິນ ຫລື ການໃຊ້ເງິນປອມ ໄດ້ລະບຸວ່າ: ບຸກຄົນໃດຫາກໃຊ້ເຄື່ອງພິມ ຫລືໃຊ້ວິທີການອື່ນປອມແປງເງິນກີບ,ເງິນຕາຕ່າງປະເທດ ຫລືນຳເງິນປອມຈາກຕ່າງປະເທດເຂົ້າມາຈຳຫນ່າຍ, ຈໍລະຈອນຢູ່ ສາທາລະນະລັດ ປະຊາທິປະໄຕ ປະຊາຊົນລາວ ຈະຖືກລົງໂທດຕັດອິດສະລະພາບແຕ່ 5-15 ປີ ແລະຈະຖືກປັບໃໝ ແຕ່ 50-500 ລ້ານ.

ພາບ-ຂ່າວ: ວັນທຽນ ຄຳທະສິດ, ໜັງສືພິມ ເສດຖະກິດ-ການຄ້າ

Facebook Comments

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ອາເຊມາ ຊີ້ແຈງການມອບຂັນເປຕັງ

ເຫດການທີ່ປະທານສະຫະພັນເປຕັງນານາຊາດ ມອບລາງວັນໃຫ້ນັກກິລາລາວ ແລ້ວວາງຂັນລາງວັນລົງພື້ນ ສ້າງຄວາມບ…