Home ຂ່າວພາຍໃນ ໄຂຂໍ້ຂ້ອງໃຈ ຫວຍພັດທະນາລາວ ເປັນຂອງລັດ ຫຼື ເອກະຊົນ ?

ໄຂຂໍ້ຂ້ອງໃຈ ຫວຍພັດທະນາລາວ ເປັນຂອງລັດ ຫຼື ເອກະຊົນ ?

6 second read
0
0
13,934
ບໍ່ພາດທຸກຂ່າວສານ ອ່ານຂ່າວກ່ອນໝູ່ ດ້ວຍການເພີ່ມເພື່ອນທາງລາຍ, ກົດລີ້ງ=>https://lin.ee/cfIkhfj
ຫຼືເພີ່ມເພື່ອນດ້ວຍລາຍໄອດີ @laonews
***ອັບເດດຂ່າວໃໝ່ ທີ່ທາມລາຍTimeline***
ບໍ່ພາດທຸກຂ່າວສານ ເພີ່ມເພື່ອນ
----------------
Loading...

ເມື່ອສອງວັນຜ່ານມານີ້ ມີກະແສສັງຄົມຮືຮາກັນຢ່າງໜາຫູເລື່ອງຫວຍພັດທະນາລາວ ທີ່ທາງກະຊວງການເງິນໄດ້ມີຂໍ້ຕົກລົງເຫັນດີອອກຜົນລາງວັນຈາກ 1 ຄັ້ງ/ອາທິດ ມາເປັນ 2ຄັ້ງ/ອາທິດ ເຊິ່ງຂໍ້ຕົກລົງນັ້ນໄດ້ອ້າງອີງເຖິງ 1. ດຳລັດ ສະບັບເລກທີ 144/ນຍ ລົງວັນທີ 8 ພຶດສະພາ 2017 ວ່າດ້ວຍການຈັດຕັ້ງ ແລະການເຄື່ອນໄຫວຂອງກະຊວງການເງິນ, 2. ຂໍ້ຕົກລົງຂອງນາຍົກລັດຖະມົນຕີ ສະບັບເລກທີ 70/ນຍ ລົງວັນທີ 01 ກໍລະກົດ 2008 ວ່າດ້ວຍການຄຸ້ມຄອງກິດຈະການຫວຍ, 3. ໃບແຈ້ງການຂອງຫ້ອງການສຳນັກງານນາຍົກລັດຖະມົນຕີສະບັບເລກທີ 2253/ສຫຍນ ລົງວັນທີ 25 ທັນວາ 2019 ວ່າດ້ວຍ ທິດຊີ້ນຳກ່ຽວກັບສະພາບຫວຍເຖື່ອນ, ຕູ້ເກມ, ເກມອອນລາຍ ແລະທຸລະກິດຕ່າງໆກ່ຽວກັບກົດໝາຍ. ຂໍ້ຕົກລົງລັດຖະມົນຕີກະຊວງການເງິນ ມີທັງໝົດ 5 ມາດຕາ ຫຼາຍຄົນກໍເຫັນດີນຳຂໍ້ຕົກລົງ ແລະອີກຫຼາຍຄົນກໍຄັດຄ້ານວ່າບໍ່ແມ່ນທາງອອກສຳລັບການແກ້ໄຂບັນຫ ຕົວຢ່າງຄຳເຫັນຂອງອາວຸໂສທ່ານໜຶ່ງ(ຂໍບັງຊື່ໄວ້) ມີຄວາມເຫັນຕໍ່ການແກ້ໄຂບັນຫາວ່າ: “ເນື້ອຫາສາລະແລະວັດຖຸປະສົງຂອງຂໍ້ຕົກລົງສະບັບນີ້,​ບໍ່ແມ່ນການແກ້ໄຂບັນຫາຢ່າງຖືກຈຸດ​ ຫຼື​ ມີປະສິດທິພາບແລະມີປະສິດທິຜົນດີ ແຕ່ຢ່າງໃດ.​ ແຕ່​ການແກ້ໄຂບັນຫາກ່ຽວກັບຫວຍເຖື່ອນ ທີ່ຖືກຕ້ອງ,ປອດໃສ, ຍຸຕິທຳ ແລະໝັ້ນຄົງນັ້ນ​ ຄວນຈະເປັນ​ດັ່ງນີ້:1.ປັບປຸງການຄຸ້ມຄອງ ບໍລິຫານວຽກງານຢູ່ກະໂຕກົງຈັກການຈັດຕັ້ງຂອງລັດວິສາຫະກິດຫວຍພັດນາໃຫ້ດີ,​ປອດໃສ​ ແລະ​ ມີຄຸນະພາບ.
2. ປ່ຽນຮູບແບບແລະວິທີການຂາຍຫວຍ,​ໂດຍໃຫ້ຢຸດຕິການຂາຍຫວຍ(ແບບອອນລາຍ)​ແລ້ວມາເປັນ​ “ພິມເປັນໃບຫວຍ”​ ທີ່ໄດ້ມາດຕະຖານສາກົນ. 3. ປັບປຸງ, ປ່ຽນແປງແລະແກ້ໄຂລະບົບ, ອຸປະກອນແລະວິທີໃນການອອກເລກລາງວັນໃນແຕ່ລະຄັ້ງ​ ໃຫ້ຮັບປະກັນໄດ້ຄວາມຖືກຕ້ອງ,ປອດໄສ ແລະຍຸດຕິທຳ ຢ່າງແທ້ຈິງ.ຫ້າມເດັດຂາດບໍ່ອະນຸຍາດໃຫ້ບຸກຄົນແລະການຈັດຕັ້ງ​ສວຍໃຊ້ຫວຍພັດທະນາເພື່ອຜົນປະໂຫຍດຂອງຕົນເອງ​ ແລະ​ ພັກພວກ​ ດ້ວຍວິທີ: ລັກໂລບ,​ປອມແປງ, ຈົງໃຈໃຫ້ອອກເລກລາງວັນ…ເພາະວ່າ​ ບັນດາພຶດຕິກຳເຫຼົ່ານີ້ມັນເຂົ້າຂ່າຍຜິດກົດໝາຍຂອງ ສປປ.​ລາວ”.

ແຕ່ບໍ່ພຽງເທົ່ານັ້ນ ຫຼາຍຄົນຍັງສົນໃຈໂດຍມີຄຳຖາມວ່າ ຫວຍພັດທະນາລາວ ແມ່ນທຸລະກິດຂອງລັດ ຫຼື ເອກະຊົນ ?

ອັນນີ້ຂໍຕອບເລີຍວ່າ: ຫວຍພັດທະນາລາວ ເປັນວິສາຫະກິດຂອງລັດ ມີຊື່ເຕັມວ່າ “ລັດວິສາຫະກິດຫວຍພັດທະນາ” ຂຶ້ນກັບກະຊວງການເງິນ ທ່ານ ອັກຄະວອນ ຫຼວງສຸວັນນະວົງ ຜູ້ອໍານວຍການບໍລິສັດລັດວິສາຫະກິດຫວຍພັດທະນາ, ຕໍ່ທ່ານ ສົມດີ ດວງດີ ຮອງນາຍົກ ລັດຖະມົນຕີລັດຖະມົນຕີກະຊວງການເງິນພ້ອມດ້ວຍຄະນະທີ່ໄດ້ໄປເຄື່ອນໄຫວຊຸກຍູ້ວຽກງານຢູ່ບໍລິສັດລັດວິສາຫະກິດຫວຍພັດທະນາ, ໃນວັນທີ 9 ສິງຫາ 2019 ຜ່ານມາວ່າ:

ບໍລິສັດລັດວິສາຫະກິດຫວຍ ພັດທະນາໄດ້ຖືກອະນຸມັດສ້າງຕັ້ງ ຂຶ້ນໃນວັນທີ 14 ທັນວາ 1982 ຕາມມະຕິຕົກລົງຂອງສະພາລັດຖະ ມົນຕີສະບັບເລກທີ 347/ ປສວ, ນັບແຕ່ມື້ສ້າງຕັ້ງມາຮອດປະຈຸບັນ ຄົບຮອບ 37 ປີ ການລົງທຶນສ້າງ ຕັ້ງມີມູນຄ່າພຽງ 500.000 ກີບ ແຕ່ມາຮອດປະຈຸບັນລັດວິສາຫະ ກົດຫວຍພັດທະນາມີ ທັງໝົດ 195 ຕື້ກວ່າກີບ.

ຊຶ່ງໃນ 6 ເດືອນຕົ້ນປີ 2019 ການດໍາເນີນທຸລະກົດຂອງຫວຍພັດທະນາມີທັງຂໍ້ສະດວກ, ຂໍ້ຫຍຸ້ງຍາກ ແລະສົ່ງທ້າທາຍຫຼາຍຢ່າງທີ່ຈະຕ້ອງເອົາໃຈໃສ່ເປັນຕົ້ນ: ບັນຫາຫວຍເຖື່ອນ, ແຕ່ອັນທີ່ພົ້ນເດັ່ນລັດວິສາຫະກິດຫວຍພັດທະນາສາມາດມອບພັນທະເຂົ້າງົບປະມານແຫ່ງລັດໄດ້ 14,4 ຕື້ກີບ ເທົ່າກັບ 114,179% ຂອງ ແຜນການ, ລື່ນແຜນການ 14,179% ໃນນັ້ນ, ອາກອນມູນຄ່າເພີ່ມ 2 ຕື້ກີບ, ອາກອນລາຍໄດ້ 696 ລ້ານກີບ, ອາກອນກໍາໄລລ່ວງຫນ້າ 240% ຈໍານວນ 4 ຕື້ກວ່າກີບ, ເງິນເປັນທຶນກໍາໄລລ່ວງໜ້າ 60% ຈໍານວນ 7,7 ຕື້ກີບ.

ລັດວິສາຫະກິດຫວຍພັດທະນາມີພາລະບົດບາດຄົ້ນຄວ້າຜະລິດຕະພັນໃບຫວຍພັດທະນາທຸກປະເພດນໍາສະເໜີສະພາບໍລິຫານ ແລະກະຊວງການເງິນ ພິຈາລະນາ, ຄົ້ນຄວ້າອອກນິຕິກໍາ, ລະບຽບການຄຸ້ມຄອງໃບຫວຍທຸກປະເພດກ່ອນວາງຈໍາໜ່າຍ, ສົມທົບກັບພະແນກການເງິນຂອງແຂວງ, ນະຄອນຫຼວງ, ຄະນະກໍາມະການຄຸ້ມຄອງຢູ່ທ້ອງຖິ່ນຊຸກຍູ້ຕິດຕາມ ແລະ ກວດກາການເຄື່ອນໄຫວຂອງຕົວແທນຈໍາໜ່າຍຫວຍພັດທະນາໃນຂອບເຂດທົ່ວປະເທດ, ເພື່ອເປັນການຜ່ອນຄາຍອາລົມຂອງຜູ້ມີກສ່ຽງໂຊກຊີງລາງວັນ; ສ້າງວຽກເຮັດງານທໍາ, ທັງສ້າງລາຍຮັບໃຫ້ແກ່ຜູ້ຂາຍໃບຫວຍ; ອັນເປັນການປະກອບສ່ວນສົມທົບທຶນຊ່ວຍພັດທະນາປະເທດຊາດ; ໄປຄຽງຄູ່ກັບການປະກອບສ່ວນຄືນຜົນປະໂຫຍດແກ່ສັງຄົມ, ພ້ອມທັງຮັບປະກັນຄວາມໂປ່ງໃສການອອກເລກລາງວັນແມ່ນລວມສູນຢູ່ ບໍລິສັດບ່ອນ.

ດ້ານການບໍລິການ-ການຈໍາຫນ່າຍຫວຍທີ່ທັນສະໄໝປະຈຸບັນມີທັງຫມົດ 44 ຕົວແທນຈໍາໜ່າຍໃນຂອບເຂດທົ່ວປະເທດ; ໂດຍມີຜູ້ຂາຍຫວຍແບບທັນສະໄໝທີ່ ຂື້ນທະບຽນທັງຫມົດ 37.980 ຄົນ, ດັ່ງນຜະລິດຕະພັນທີ່ໄດ້ຮັບອະນຸມັດເຄື່ອນໄຫວປະກອບມີປະເພດຫວຍທໍາມະດາ: ມີຫວຍເລກ 2 ໂຕ, 3 ໂຕ, 4 ໄຕ, ເລກ ນາມສັດ 3/40 ຊື້-ຂາຍແບບທັນສະໄໝ ແລະປະເພດໃບຫວຍຂູດ. ນອກຈາກນີ້, ຍັງມີຜະລິດຕະພັນທີ່ໄດ້ຮັບອະນຸຍາດກຽມທົດລອງຈໍາໜ່າຍໃນໄວໆນີ້ແມ່ນ ຫວຍເລກ 6 ໂຕ, 5 ໂຕ, ເລກ 4 ໂຕ, ເລກ 3 ໂຕ, ເລກ 2 ໂຕ, ເລກ 3 ໂຕ, 2 ໂຕທ້າຍສະຫຼັບກັນ, ເລກ 1 ໂຕໜ້າ ແລະເລກ 1 ໂຕທ້າຍຂອງລາງວັນທີ 1.

ລັດຖະມົນຕີລັດຖະມື້ນຕົກະຊວງການເງິນໄດ້ມີທິດຊີ້ນໍາໃຫ້ຄະນະອໍານວຍການຫວຍພັດທະນາເອົາໃຈໃສ່ປັບປຸງຂອດ ການບໍລິການ, ການຍາດແຍ່ງສ່ວນແບ່ງຕະຫຼາດຂອງບັນດາຕົວແທນຈໍາໜ່າຍ, ການອອກຫວຍຕ້ອງຕອບສະໜອງໄດ້ກັບຄວາມຮຽກຮ້ອງຕ້ອງການຂອງຜູ້ສ່ຽງໂຊກຊົງລາງວັນຢ່າງມີຄວາມໂປ່ງໃສ, ຫັນການຈໍາໜ່າຍຫວຍໃຫ້ມີຄວາມທັນສະໄໝສາມາດຄຸ້ມຄອງໄດ້ຢ່າງລວມສູນ, ຄົ້ນຄວ້າປັບປຸງນິຕິກໍາຄຸ້ມຄອງການ ເຄື່ອນໄຫວຫວຍ ພັດທະນາໃຫ້ສອດຄ່ອງແຕ່ລະໄລຍະ, ສ້າງແຜນແມ່ບົດ; ໃນການພັດທະນາລັດວິສາຫະກິດ ຫວຍພັດທະນາໃນສະເພາະຫນ້າ ຍາວນານ, ແຜນພັດທະນາວຽກ ງານລັດວິສາຫະກິດ ຫວຍພັດທະນາໃນ 5 ປີຕໍ່ຫນ້າ, ແຜນພັດທະນາຍາວນານ 10 ປີແຕ່ລະດ້ານ, ສືບຕໍ່ຊີ້ນໍາ-ນໍາພາການເມືອງແນວຄິດໃຫ້ແກ່ພະນັກງານຂອງລັດວິສາຫະກິດຫວຍ ພັດທະນາ,ບັນດາຕົວແທນຈໍາໜ່າຍ, ແຜນການເຄື່ອນໄຫວປະຈໍາປີໃຫ້ໄດ້ຕາມແຜນການລື່ນແຜນການ, ໂຄສະນາເຜີຍແຜ່ໃຫ້ສັງຄົມເຂົ້າໃຈຢ່າງຖືກຕ້ອງໃນການສ່ຽງໂຊກຊົງລາງວັນດ້ວຍຄວາມສະໝັກໃຈຂອງຫຼິ້ນ, ຊຸກຍູ້ເຈົ້າໜ້າທີ່ກ່ຽວຂ້ອງໃນການຕ້ານ ແລະ ສະກັດກັ້ນການແຜ່ລາມຫວຍເຖື່ອນ (ຫວຍຕ່າງປະເທດນອກລະບົບ), ສືບຕໍ່ປະຕິ ບັດພັນທະເຂົ້າງົບປະມານໃຫ້ໄດ້ຕາມແຜນການລື່ນແຜນການ ແລະອື່ນໆ.

 

ຂຽນໂດຍ: ກະຊວງການເງິນ

ເຜີຍແຜ່ໂດຍ: ໜັງສືພິມເສດຖະກິດສັງຄົມ http://sethakit-psx.la/detail2568.html

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ຂ່າວດີຂ່າວໃໝ່ ສົງໄສໂຄວິດ-19 ໄປ ໂຮງໝໍ 103

ຂ່າວດີ! ຂ່າວໃຫມ່! ແຊຣ໌ໄປໃຫ້ທຸກຄົນຮູ້ ທ່ານໃດສົງໄສວ່າຕົນເອງມີບັນຫາເຊື້ອໂຄວິດ-19 ໃຫ້ໄປໂຮງໝໍ 1…