Home ຂ່າວພາຍໃນ ລາວຈະສົ່ງອອກໄຟຟ້າກວ່າ 20,000 ເມກາວັດ ໄປສູ່ປະເທດເພື່ອນບ້ານອາຊຽນ ໃນໄລຍະປີ 2020-2030

ລາວຈະສົ່ງອອກໄຟຟ້າກວ່າ 20,000 ເມກາວັດ ໄປສູ່ປະເທດເພື່ອນບ້ານອາຊຽນ ໃນໄລຍະປີ 2020-2030

7 second read
0
1
173
ລາວຈະສົ່ງອອກໄຟຟ້າກວ່າ 20,000 ເມກາວັດ ໄປສູ່ປະເທດເພື່ອນບ້ານອາຊຽນ ໃນໄລຍະປີ 2020-2030
ບໍ່ພາດທຸກຂ່າວສານ ອ່ານຂ່າວກ່ອນໝູ່ ດ້ວຍການເພີ່ມເພື່ອນທາງລາຍ, ກົດລີ້ງ=>https://lin.ee/cfIkhfj
ຫຼືເພີ່ມເພື່ອນດ້ວຍລາຍໄອດີ @laonews
***ອັບເດດຂ່າວໃໝ່ ທີ່ທາມລາຍTimeline***
ບໍ່ພາດທຸກຂ່າວສານ ເພີ່ມເພື່ອນ
----------------
Loading...

ລາວຈະສົ່ງອອກໄຟຟ້າກວ່າ 20,000 ເມກາວັດ ໄປສູ່ປະເທດເພື່ອນບ້ານອາຊຽນ ໃນໄລຍະປີ 2020-2030

  • ລາວຈະສາມາດຜະລິດກະແສໄຟຟ້າໄດ້ປະມານ 20,000 ເມກາວັດ ໃນໄລຍະປີ 2020-2030.
  • ໃນໄລຍະດັ່ງກ່າວນີ້, ລັດຖະບານໄທຄາດວ່າຈະນຳເຂົ້າໄຟຟ້າຈາກລາວປະມານ 9,000 ເມກາວັດ, ກຳປູເຈຍປະມານ 6,000 ເມກາວັດ, ຫວຽດນາມປະມານ 5,000 ເມກາວັດ, ມຽນມາປະມານ 300 ເມກາວັດ ແລະ ມາເລເຊຍປະມານ 300 ເມກາວັດ.
  • ມູນຄ່າການສົ່ງອອກໄຟຟ້າຕັ້ງແຕ່ເດືອນມັງກອນ ຫາ ຕຸລາ ປີ 2019 ບັນລຸປະມານ 1,066 ລ້ານໂດລາສະຫະລັດ ໂດຍ ໄທ, ຫວຽດນາມ ແລະ ກຳປູເຈຍເປັນຜູ້ນຳເຂົ້າໄຟຟ້າຈາກລາວລາຍໃຫຍ່ທີ່ສຸດ.

ການສົ່ງອອກກະແສໄຟຟ້າຂອງລາວໄປສູ່ປະເທດເພື່ອນບ້ານ ແລະ ຊາດອື່ນໆໃນອາຊຽນ ຄາດວ່າຈະບັນລຸ 20,000 ເມກາວັດ ໃນລະຫວ່າງປີ 2020-2030 ອີງຕາມການລາຍງານຂອງ Vientiane Times.

ທັງນີ້ ການສົ່ງອອກໄຟຟ້າເປັນໜຶ່ງໃນແຫຼ່ງລາຍຮັບທີ່ໃຫຍ່ທີ່ສຸດຂອງປະເທດ ໂດຍສະເພາະສົ່ງອອກໄປຍັງປະເທດເພື່ອນບ້ານ ແລະ ຊາດອາຊຽນ ເຊັ່ນ: ໄທ, ຫວຽດນາມ, ກຳປູເຈຍ, ມາເລເຊຍ, ມຽນມາ ແລະ ສິງກະໂປ.

ການສົ່ງອອກກະແສໄຟຟ້າຈາກລາວຫາປະເທດອ້ອມຂ້າງ ແມ່ນຜ່ານລະບົບສາຍສົ່ງ ໂດຍລາວເປັນປະເທດທຳອິດໃນອາຊຽນທີ່ນຳໃຊ້ລະບົບສາຍສົ່ງຈາກປະເທດທີສອງໄປຫາປະເທດທີສາມ ທີ່ລິເລີ່ມບາດກ້າວດັ່ງກ່າວ ໃນການສົ່ງກະແສໄຟຟ້າຈາກລາວ ຜ່ານໄທ ໄປຫາມາເລເຊຍ.

ອີງຕາມຂໍ້ມູນຈາກກະຊວງພະລັງງານ ແລະ ບໍ່ແຮ່, ລາວຈະສາມາດຜະລິດກະແສໄຟຟ້າໄດ້ປະມານ 20,000 ເມກາວັດໃນໄລຍະປີ 2020-2030.

ໃນໄລຍະດັ່ງກ່າວນີ້ ລັດຖະບານໄທຄາດວ່າຈະນຳເຂົ້າໄຟຟ້າຈາກລາວປະມານ 9,000 ເມກາວັດ, ກຳປູເຈຍປະມານ 6,000 ເມກາວັດ, ຫວຽດນາມປະມານ 5,000 ເມກາວັດ, ມຽນມາປະມານ 300 ເມກາວັດ ແລະ ມາເລເຊຍປະມານ 300 ເມກາວັດ. ສ່ວນສິງກະໂປຍັງຢູ່ໃນຂັ້ນຕອນຂອງການເຈລະຈາດ້ານການຄ້າ ເພື່ອນຳເຂົ້າໄຟຟ້າຈາກລາວຢູ່.

ອີງຕາມຂໍ້ມູນຈາກກົມນຳເຂົ້າ ແລະ ສົ່ງອອກ ກະຊວງອຸດສາຫະກຳ ແລະ ການຄ້າ, ມູນຄ່າການສົ່ງອອກກະແສໄຟຟ້າຕັ້ງແຕ່ເດືອນມັງກອນ ຫາ ເດືອນຕຸລາ 2019 ບັນລຸປະມານ 1,066 ລ້ານໂດລາສະຫະລັດ.

ທັງນີ້ ປະເທດທີ່ນຳເຂົ້າໄຟຟ້າຈາກລາວລາຍໃຫຍ່ປະກອບມີ: ໄທ (ຫຼາຍກວ່າ 1,010 ເມກາວັດ), ຫວຽດນາມ (46 ລ້ານໂດລາສະຫະລັດ) ແລະ ກຳປູເຈຍ (8 ລ້ານໂດລາສະຫະລັດ).

ref : https://muan.sanook.com/62539/

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Check Also

ຂ່າວດີຂ່າວໃໝ່ ສົງໄສໂຄວິດ-19 ໄປ ໂຮງໝໍ 103

ຂ່າວດີ! ຂ່າວໃຫມ່! ແຊຣ໌ໄປໃຫ້ທຸກຄົນຮູ້ ທ່ານໃດສົງໄສວ່າຕົນເອງມີບັນຫາເຊື້ອໂຄວິດ-19 ໃຫ້ໄປໂຮງໝໍ 1…